مشكلة كبيرة بصوص مسجل الكورولا 2003

**iwantes350** · 31-03-2010 07:08 PM

الاسلام عليكم ورحمة الله وبركاته
شباب انا معايا كورولا 2003 خليجى والمسجل اصلى بتاع العربية وبيشغل اسطوانات وكاسيت
المشكلة ان انا لما اعمل اسطوانة واحط عليها اغانى لما احط الاسطوانة تدخل وتقعد تلف جوه ولكن للاسف مفيش صوت وبعدها تطلع لوحدها
جربت اكتر من مرة وبصيغ مختلفة للاغانى ومنفعتش قريت فى الكتالوج ان المشجل مش بيشغل اى نوع من الاسطوانات ما عدا اللى مكتوب عليها العلامة دى combact disc digital audio
ومينفعش اجيب اسطوانة كومبيوتر واعمل عليه اغانى واحطها
حد يهرف النوع ده من الاسطوانات بيتبع عند مين وبكام
وعلى فكرة انا لا يمكن افكر اغير المسجل اولا لانه اصلى و جميل جداااااااااااا وثانيا بابا مش هيوافق
وانا بشغل الاغانى على المديوليتور وصوته تحفة وكل اللى ركب قال انه تحفة والمشكلة انى مش عايز اعتمد على المديوليتور لانى اشتريته وباظ واشتريته تانى وباظ واشتريته تانى وشكله هيبوظ
عايز اعرف موضوع الاسطوانه ايه نظامه وكمان هل فى مسجل اصلى من تويوتا بيقبل ال mp3
انا عارف انى طولت جدااااااا ولاكن الامل فيكم بعد الله

**abdo_general** · 31-03-2010 10:01 PM

بص انا مش عاوز افتي

بس انا هقولك حاجة مش عارف انت عارفها ولا لاء

في نظامين للنسخ الاسطونات الي بتشتغل علي الكاسيت بتاع العربية او السي دي بلاير عموما

اولا mp3 ودا انت بتنسخ بحجم الاسطوانة بمعني ان انت بتحك اغاني mp3 علي الاسطوانة لحد ما تملي الـ 700 ميجا الي هما حجم الاسطوانة ودي ميزتها ان انت بتحط اغاني كتير وبراحتك

ثانيا Audio دا تقريبا الي انت مش بتنسخه الا وهو انت بتنسخ بمدة الاسطوانة بمعني انت لو اشتريت اي اسطوانة فاضية تلاقي مكتوب عليها 700 ميجا علي 80 دقيقة يعني مدة التسجيل عليها حوالي 80 دقيقة ودي الي تقريبا بيشغلها الكاسيت بتاعك والكاسيت بتاعي برضه

انا خايف تكون انت عارف الكلام دا وتقول ايه الهبل دا
بس انا قولت اساعد

ما علينا
لو انت حبيت تنسخ Audio تعمل ايه بقي ؟
اولا لو انت دخلت هنا علي قسم الصوتيات هتلاقي الرد الوافي واحسن من الي انا هكتبه طبعا

ثانيا بقي
الي انا هكتبه دلوقتي اهه
انت هتفتح النيرو عادي بعد ما تحط الاسطوانة الفاضية ويفضل تكون نوع نضيف علشان ولا تأثر علي جودة الصوت ولا العمر الافتراضي ولا علي عدسة الكاسيت
وهتختار Audio Burning
بعدين هتلاقي اختيار Audio CD
وتبداء تحط الاغاني ولازم طبعا mp3
وهتلاقي الشريط الي تحت بدل ما كان 700 ميجا زي الي في النسخ العادي
هتلاقيه بقي 80 دقيقة لحد ما تخلصهم تحرقها
وان شاء الله تشتغل زي الفل

**iwantes350** · 01-04-2010 02:36 PM

الف الف الف الف الفف الف الف مليوووووووووووووووووووووو ووووووووووووووووووووووووو ووووووووووووووووووووووووو وووووووووووووون شكر
ليك يا اخى والله شرح كافى ووافى وانا مش عارف اقولك ايه يارب تنفع انا هجربه وهعملها وارد عليك الف شكر

**abdo_general** · 01-04-2010 08:39 PM

المشاركة الأصلية كتبت بواسطة iwantes350

الف الف الف الف الفف الف الف مليوووووووووووووووووووووو ووووووووووووووووووووووووو ووووووووووووووووووووووووو وووووووووووووون شكر
ليك يا اخى والله شرح كافى ووافى وانا مش عارف اقولك ايه يارب تنفع انا هجربه وهعملها وارد عليك الف شكر

انت احرجتني والله بذوقك

المهم يارب تنفع ان شاء الله

**iwantes350** · 02-04-2010 03:33 PM

معلش اخى جنرال
للاسف عملت كل حاجة و كمان حولت من mp3 الى wav وللاسف منفعتش احط الاسطوانة وتقعد تلف وبعدها تطلع لوحدها
ارجوكم مفيش حل تانى

**iwantes350** · 02-04-2010 03:41 PM

نفسي اعرف ال سي دي بتاع العربية انهى صيغة بيقبلها
لانه مش بيقبل ال MP3
وادى صورة ليه

**abdo_general** · 02-04-2010 04:50 PM

بص هو انت كدا الحل ان انت ممكن تعدي علي محل من بتوع الكاسيت او صيانة وتخليه يبص علي الكاسيت من غير ما يفكه
ويقولك هي ايه المشكلة وانت واقف وممكن يجرب سي دي من عنده
وان شاء الله تبقي بسيطة ويشتغل

بس عاوز اسئلك سؤال
هو الكاسيت دا عمره ما اشتغل عليه سيديهات خالص
يعني عمرك ما سمعت صوته ؟؟؟