الموضوع: استفسارات عن النترا 2010

المشاركة الأصلية كتبت بواسطة samehnoshi

يا باشا ممكن تقولى هيا احسن ولا الاوبترا؟؟

الالنترا افضل من الاوبترا تقريبا فى كل شىء بس ده مايمنعش ان الاوبترا عربية محترمة
وافضل تعبير سمعتة عن الاوبترا من احد الزملا فى المنتدى ان الاوبترا عربية معمولة بدون فزلكة

من الاخر العربية مافيهاش اى حاجة من اللى انت بتقوله ( انا بتكلم على عربيتك )
انا معايا النترا 2010
موضوع ردة الدركسيون ده طبيعى جدا و الباور متصمم عشان كده و ده مش فى الالنترا بس لا ده فى كل العربيات اللى باور كهرباء و ده عشان العربية دايما بتبقى محتاجة تمشى فى الوضع العادى ( اللى هو قدام مش يمين و مش شمال )
موضوع انه بيحس ان العربية مرة بتحدف يمين و مرة بتحدف شمال دى هاقولك سببها
ببساطة شديدة الواحد لما بيشترى عربية جدادة بيبقى مركز مع كل حاجة حتى لو كانت صغيرة
اللى بيحصل انه مش بيبقى مثبت الدريكسيون فى الوضع العادى اللى هو مستقيم لان الدركسيون فيه سنة بسيطة بتاع نص سم كده يمين و شمال مش محتاجين اى قوة عشان تلفهم و مش بيردوا
اما بتسيب الدركسيون و هو مايل سنة صغيرة يمين يتهيألك ان العربية بتحدف يمين و كده برده لو عملته شمال دده غير ميل الطريق
لو عاوز تحكم على العربية بجد اطلع على طريق ناعم و اتأكد انك مثبت الدركسيون لقدام بالظبط و سيبه و قولى لو العربية حدفت منك .... و مافيش مشاكل عندك فى العربية و لا حاجة و ربنا يديك خيرها و يكفيك شرها و ماتشغلش بالك بحاجات مش موجودة

أنا معايا إلنترا 2010 ماشية 2000 كيلو مانيول و فعلاً من ساعة ما أستلمت العربية و هيا فيها حدفة يمين دي مش تهيئات و لا حاجة و الموضوع دة ذكروا أكتر من واحد من أعضاء المنتدى و أنا روحت غبور أبو رواش في صيانة الألف و طبعاً قالو لي أحنا ظبطنا الزوايا و دة طبعاً محصلش و العربية ذي ما هيا و بفكر أظبطها برة التوكيل بس خايف من أن الطارة تتعوج و ميعرفوش يظبطوهالي

المشاركة الأصلية كتبت بواسطة shtaher2368

على فكرة أحنا كنا أول الناس اللى ردينا على الراجل والموضوع مش شات ولا حاجة ولكنة تواصل بين الاعضاء واذا كنت حضرتك شايف أن دة غلط فنحن أسفين مش هنعمل كدة تانى وشكرا

لا لا لا.
أنا مقلتش بتعملوا شات. الحكاية أن صاحب الموضوع في المشاركة رقم 8 كان بيسأل ومتضايق.
وطبعاً أنا مش زعلان وربنا ميجبش زعل بينا أبداً ولا بقول انكوا غلطانين , وبالتالي مفيش أي داعي للأسف ..
تحياتي.

المشاركة الأصلية كتبت بواسطة shtaher2368

واللة انت محترم يااستاذ احمد وانا كمان مش زعلان ولا حاجة.....تيجى بقى نعمل شات عموما انا عارف من مشاركاتك ان حضرتك معاك النترا بس ىاتري هى وكيل ولا خليجى وبتعمل صياناتها فين لان عندى مشكلة مع توكيل هيونداى غبور بالسويس مش عايزين يقبلوا السيارة للصيانة بحجة انها خليجى مع ان المفروض ان غبور هو الوكيل الاقليمى لهيوناى بمصر والمفروض انة يقبل العربية للصيانة وطبعا هذا بمقابل مادى مثل ما كيا بتعمل مش عارف اية راي حضرتك... اخوك شريف محاسب بشكة الحفر المصرية

الله يخليك استاذ شريف دة من ذوق حضرتك.
انا عربيتي وكيل وبعمل الصيانة بتاعتها عند غبور فرع قليوب.
حضرتك ممكن تعمل الصيانة في أي مركز خدمة معتمد وأكيد هيعمل الصيانة وبأسعار أقل كتير من غبور.
اللي بيخلينى اضطر أعمل الصيانة في غبور أن لو لا قدر الله فية قطعة محتاجة تغيير على الضمان .. لازم أكون عامل الصيانات كلها ودة عن تجربة لاني غيرت قبل كدة ( السوست - الكاسيت - وحدة رفع الزجاج الخلفي - ووحدة رفع الزجاج الامامي ) طبعاً لو مكنتش عملت الصيانات الدورية أكيد مكنتش عرفت اغير أي حاجة.
بس غريبة انهم مش عايزين بعملوا صيانة بمقابل مادي في غبور!!
وانا تحت أمر حضرتك في أي سؤال.