حاجه بسيطه فى الفتيس العادى
بكتيره من 20 الى 30 ج
يظبطوا الأمور
على حسب ماكنت غيرته من حوالى أربع سنين
عرض للطباعة
حاجه بسيطه فى الفتيس العادى
بكتيره من 20 الى 30 ج
يظبطوا الأمور
على حسب ماكنت غيرته من حوالى أربع سنين
الله يباركلك ويخليك
ماهو لازم كده نقعد نضحك مع بعض
وبأحترام برضه
وفيه بأه اللى بتلاقيه بيلف ويدور
وشغال فى الحداقه وعامل واد برم ومفتح
بس بينى وبينك
أكتر واحد غبى فى نظرى
هو اللى بيعمل نفسه مفتح وبرم
بس على مين .......
لازم نروقه ..........علشان يلم الدور
ويعرف أذا كان هو عامل مفتح
يبقى لازم نعرفه
أننا اللى ألفنا كتب فى التفتيح والحداقه
بأصول اللعب برضه ....
بطريقة الأحترام البعيد عن الأبتذال والأسلوب الغير لائق ( أى طريقة 4 -2 -4 )
على الأقل نعلمه يتعامل مع الناس أزاى
وعلى فكره ده حقه علينا ....
علشان زميلنا للأسف فى نايل موتورز
هو حيتعبنا معاه ....بس أحنا حبالنا طويله
أوووووووووووووووووووووووو ووى
ولازم نعلمه .....
علشان ميكسفناش مع الناس اللى بره المنتدى
ماهو بيقولك
الواد ....... بيجيب لأهله اللعنه
وأحنا أهله التانين .....والأولنين معرفوش ..........؟
مش كده ولا أيه
احمد ربنا انه ما قالش حط زيت عافيه علشان يبقى خفيف على المعده
وياما لسه هانشوف
كلام علمى رائع الصراحهاقتباس:
من خواص زيت الفتيس تحمل الضغوط العالية... تروس الفتيس بتتعرض لضغوط عالية اثناء نقل عزم الموتور الى العجلات و لو الزيت مش حيقدر يتحمل الضغوط دى يبقى مش حيقدر يؤدى وظيفتة و بالتالى وجودة بيبقى زى عدمة
استعمل زيت شل للفتيس بلزوجة W80
ده غير أن أضافات زيت المكنه غير أضافات زيت الفتيس المانيوال
فده قصه وده قصه
وأكبر دليل على هذا
أن وجود زيت المكنه مع تعرضه للحراره والحريق وخلافه
بيتغير لونه بعد فتره
مع تكون مواد راتنجيه
كل ده بيؤثر بالطبع على آداء الزيت
وممكن يودع الفتيس بدرى
مع أستعمال زيت غير مطابق للمواصفات الفنيه المقرره لصناديق التروس ( أى الفتايس )
والزيت بأنواعه زى دم الأنسان بالضبط
فمينفعش نحط لواحد فصيلة دم a
وهو المفروض ياخد فصيله o
أعتقد لو دكتور غلط الغلطه دى
يبقى بيقول للمريض
تصبح على خير وطريقك أخضر
يعنى عاوز يقضى على المريض
يلاحظ أن المريض هنا الفتيس
والدم ..........هو الزيت
والدكتور ........هو الميكانيكى النص كم
طب انا كنت بغير زيت الفتيس برضه من شهرين كده .وبعدين بعت الصبى اشترى زيت فتيس.ووحط الزيت ورجع قالى عاوزين نص كيلو كمان.وسالنى لو معايا زيت موتور فقولتله اه .خده وحط النص كيلو بتاع الموتور عشان يكمل وقالى كده تمام.....فهل كده برضه غلط؟؟ اغيره يعنى ؟؟؟؟
طيب سؤال ليكاقتباس:
فهل كده برضه غلط؟؟ اغيره يعنى ؟؟؟؟
يادكتور / هانى
ينفع نحط لمريض
فصيلتين دم من نوع مختلف ............؟
ههههههههههههه.فى مصر ينفع كل حاجه (بس بالعافيه)
صدقت والله
فالأمور عندنا كلها بعيده كل البعد عن الحس الهندسى
وهو ده سبب المشاكل المتتابعه فى السيارات
أو المنظومات الهندسيه عامة
تقدر تقول كله ماشى ( على رأى محرم فؤاد )
تحت شعار الفيلم الهزلى
سمك ........لبن .......تمر هندى
وبلاشك فده السبب الرئيسى
فى النجاح الفاحش لأمثال شعبوله وماشابهه
ونسينا الطرب الأصيل .....وبقينا على شط النيل
ربنا يستر ومنغرقش عن كده