الوزه بقت ضره فى كل بيت مصرى -غيره النساء من الوزه

**kamatchodj** · 24-04-2007 01:32 PM

ايوه بقت ضره لكل سيده زوجها اشترى الوزه
من كثره اهتمامه بالعربيه من ساعت ما بيركنها فى الضل وجنب الرصيف ... لغايه ما كل ماينزل مشوار يلمعها وبيتعامل معها بكل رقه وحنيه وهوا راكب بيسوق بمزاج وياخد المطب علر رواقه وبالليل وما ادراك ماهى الاسبرانزا بالليل انوار التابلوه بتسحر العين ............. ماعلينا

ثم وبعد كل ذلك يروح مزاجه اخر عال ومونون واخر السطه .........

تفتكروا بعد ده كله يروح يعمل ايه
....

عيب **** ماتبقاش شقى

طبعا هايروح جارى على النت وفاتح المنتدى وقاعد ساعتين تلاته

وام العيال ها طق ولكن هو اصلا مش مركز غير فى معشوقته الجديده اللى لسه على الزيرو

طبعا انتوا فاهمين قصدى ايه باللى على الزيرو

تمت التعديل بواستطى سعيد

**aamerbebo** · 24-04-2007 04:10 PM

ويا سلام بقى لو وقف في محطة بنزين وهو بيقول للراجل فول تانك 92 ويديلة ال68 جنية وطبعا المدام بتقول ده انت مدخلتش عليا ببوكية ورد من 7 او 8 سنين.
والاكثر من ذلك لما يجيب معطر للعربية او سبحة ويعلقها بحنية عند مراية الصالون والمدام تفتكر اخر عقد جبتهولها من 10 سنين وتقول يا ريتني كنت اسبيرانزا....
شكرا
م/آمر يحيى :lol:

**mo3tazelgamal** · 25-04-2007 01:57 AM

بإختصار أنا مهندس و شغال واردى فى إحدى شركات البترول
يوم ما أستلمت كنت شغال بالليل وطبعا معنديش صبر تانى يوم لما أروح وأعمل الحاجات الطبيعيه للبنى أدميين يعنى أنام كام ساعه أكل أشرب كدة
لأ دة أنا طلعت رميت الشنطه وقولت للمدام أنا نازل للعربيه طبعا قالت يا بنى أهدى شويه طب نام شويه وأصرت على كلامها ولأنى من النوع إللى ممكن يسمع الكلام (حسب الحاله المزاجيه) قلت يا واد لايمها ونام !!!!
بس طبعا مفيش نوم فهى زهقت من كتر الفرك على السرير فقالتلى خلاص أنزل وحسيت إحساس المسجون لما يأخد الأفراج فنزلت جرى على العربيه ألمع وأظبط و أكتشف
وأخدت كام لفه بالعربيه بالرغم إنها كانت معلقتش نمر
والحمد لله عدت مع المدام على خير لما السيدة المبجله حماتى قالت لها هو أنتى مش عارفه جوزك ولا إيه أهو جاب حاجه جديدة ولازم يفرح بيها(ربنا يخليها)
وفعلا أنا سمعت كلمه الضرة أكتر من مرة ومن أكتر من شخص

**aamerbebo** · 25-04-2007 02:02 AM

مبروك الافراج يا بشمهندس......
تصور والله العظيم ولدت جوايا الشعور اني انزل بالعربية دلوقتي...
بس هدور على حد يعقلني :)

**kamatchodj** · 25-04-2007 02:06 AM

يا باشمهندس امر بلاش تهور تنزل فين دلوقتى

امال مين ياخد باله من المنتدى

بقوللك ايه مش عايزين العربيه تاخدك منا

اللى اوله شرط اخره نور

وانا من راي انك تبيع العربيه دى اللى هتشغلك عنا

هاهاهاهاهاهاهاه

**aamerbebo** · 25-04-2007 02:09 AM

يا راجل ده انت في المنتدى بتاعها طب قول الكلام ده في المنتدى العام مش في وشها كده.
وعلى العموم انا ملقتش حد يعقلني فعقلت نفسي :?

**kamatchodj** · 25-04-2007 02:12 AM

تصدق ليك حق يا امر

كسفتنى ياراجل

ده حتى انا كمان عربيتى اللى لسه راكنها من ساعه وحشتنى

**mo3tazelgamal** · 25-04-2007 02:12 AM

مبروك الافراج يا بشمهندس......
تصور والله العظيم ولدت جوايا الشعور اني انزل بالعربية دلوقتي...
بس هدور على حد يعقلني

يا ريتنى كنت معاهم
للأسف أنا فى الشغل دلوقتى وكمان مش رايح بالعربيه
يعنى مفيش فايدة بس إللى مصبرنى إن شاء الله الساعه 8ص عندى مشوار أول ما أروح
يعنى حعدى على القمر

**saied** · 25-04-2007 02:16 AM

مساء الفل ياجماعه هو انا فين شكلى وقعت فى ملقف
هو ايه الذى بيحصل حوليا ده !!!!!!!!!!!!!
يامثبت العقل
اخوكم سعيد
:D

**kamatchodj** · 25-04-2007 02:17 AM

يعنى حعدى على القمر

يا استاذ معتز ده اسمه غزل

يعنى علشان هى حلوه اموره .... اللى رايح واللى جاى يقولها يا قمر

من فضلك بلاش كده..................

الموضوع: الوزه بقت ضره فى كل بيت مصرى -غيره النساء من الوزه

LinkBack

أدوات الموضوع

عرض

الوزه بقت ضره فى كل بيت مصرى -غيره النساء من الوزه - انشر الموضوع فى :

حضرتك بتفكرنى بإللى حصل معايا -

-

-

-

-

المواضيع المتشابهه

أنا مصرى أبن مصرى وليا الشرف

واخيرا" الوزه نايمه تحت البيت

بحمد الله تم عقد قرانى على الوزه

نشره اخبار الوزه

الكلمات الدلالية لهذا الموضوع

المفضلات

المفضلات

ضوابط المشاركة