جنوط نيو كيا سيراتو
العربيه بقالها شهر معايا يعنى الجنوط لسه زى ماهما
الجنوط 17/215/45
ودى صوره
http://www12.0zz0.com/2010/03/31/19/362401780.jpg
عرض للطباعة
جنوط نيو كيا سيراتو
العربيه بقالها شهر معايا يعنى الجنوط لسه زى ماهما
الجنوط 17/215/45
ودى صوره
http://www12.0zz0.com/2010/03/31/19/362401780.jpg
فيه الرغبه فى البدل بجنوط كيا 16 اللى بتنزل مع العربيه ولا لا
لا للاسف مش هاينفع
حضرتك هتبيعهم بالكاوتش؟
ومطلوب فيهم كام؟
المشكله انهم عليهم علامه كيا....ربنا يوفقك فى البيع
هي فعلا مفاجأة للى يقدرها:majd(4):
بس هي فين المفاجأة يعني
اصل سعرك كده زي التوكيل
وهما مستعملين
لو الكاوتش مشي كيلو واحد بيتباع على انه مستعمل
طب ماللى يجيبه يجيبه من التوكيل احسن
ولا انت ايه رايك؟
انا رأيي انك تغير عنوان الموضوع احسنلك
المفاجأه فى السعر على ما أظن ,, الفيلم ده كله من بره التوكيل ما يعملش 4 الاف , خصوصا ان الجنوط و الكاوتش كورى يعنى مش المانى ولا اوروبى او حتى يابانى !!!
يا جماعة هو بيتكلم علي الاصلي في التوكيل
بدل 8000 يبقو ب 7000 .. بس اعتقد ممكن ينزلو شوية
المهم .. طالما رفضت تبدله ب 16 .. امال انت ناوي تركب ايه ؟!!! 18 !!!!!!!
لا ياباشا الموضوع كده اسمه تمام اوى
وانت لو مش عاجبك السعر يبقى انت مش مقدرهم واحسنلك تروح بقى تجيبهم من التوكيل وتاخدهم من غير ضمان
وانت كمان ياباشا نفس الكلام طالما الموضوع مدايقوا اوى كده
حقوا عليا وروحوا اشتروا من التوكيل
انا معاك يباشا انهم كورى بس انا بكلم الى مقدر الكورى او الى راكب كورى
فعلا ياباشا انا هاركب يا 18 يا 19 انا مش عايز اغيره عشان اركب اصغر
والله ياباشا انا مكنتش متخيل انه كده بس وانا هناك بسأل بالصدفه كده عن اسعار الجنوط والكاوتشات قالولى فاستغربت
عقبال عندكوا
اشكرك ياباشا على روحك الطيبة دى
الاخ الكريم صاحب الموضوعاقتباس:
لا ياباشا الموضوع كده اسمه تمام اوى
وانت لو مش عاجبك السعر يبقى انت مش مقدرهم واحسنلك تروح بقى تجيبهم من التوكيل وتاخدهم من غير ضمان
الموضوع مش كده نهائي
يعني انا بقول وجهة نظري ف الموضوع دا بغض النظر انى هشتري او مشش هشتري
وبعدين انا بالفعل مش عاجبني السعر نهائي
وعمرهم ماهيتباعوا بالسعر دا نهااائي
لان مفيش حد هيدفع 7000 جنيه ف جنوط كوري
دا للعلم بس يعني
وانا لما بقول لك غير عنوان موضوعك
انت فعلا المفروض تغيره
علشان ماتلاقيش مليون مشاركة كوول مشاركة هتحرق لك فدمك من الكلام اللى هيتقال
عامة ف الاول والاخر انت ليك حرية كتابة السعر اللى انت عاوزه
واحنا لينا حرية التعبير عن اراءنا باسلوب او باخر مالم يمس بكرامتك او بحاجة شخصية
انا بقدم لك النصيحة انت عايز تاخدها اهلا وسهلا
مش عايز تاخدها صدقني ماهتفرق معايا
عمر الجنوط ماهتتباع بالسعر دا نهاائي
بص؟اقول لك
لما يتباعوا ابقى عرفنا هنا ف الموضوع
مش علشان حاجة علشان تعرفنى انى كنت غلطان
وانت كان عندك حق
علشان اتعلم بس
وبالتوفيق
باشا 7000 دول تمن عربيه !!!!!!
ارجو مراجعه السعر بره التوكيل محدش حيروح يشتريهم من التوكيل
ده غير انى اعرف ان الكاوتش والجنوط عليهم ضمان طول مهما فى العربيه
لكن لو ركب فى عربيه تانيه ايه النظام
بالتوفيق في البيع
مع كامل احترامي
لا يوجد ضمان اصلا على الجنوط ولا الكاوتش فى مصر
ربما يوفقك فى بيعهم بس هز سعرهم شوية
يااااااااااااااااجماعة هوة اكيد يعرف عننا بكتير فى موضوع الضمان لن يمتلك السيارة التابعة للتوكيل فاكيد كلامة صحيح
فلموضوع موضوع انة مش عايز يخسر علشان هوة هيجيب حاجة اكبر واغلى فشايف ان دة سعر مناسب ليهم
وربنا يوفق الجميع ان شاءالله
اشكرك يا ميدو على الرد عنى بطريقه صح
هو فعلا كلامك صح ياميدو انا لما استلمت العربيه واخدت الضمان ادونى ضمان تانى لوحده للكاوتشات وضمان الجنوط مع ضمان العربيه
وفعلا ياميدوا انا الموضوع معايا مش موضوع مكسب اوو خساره انا كل الى عايزه حاجه نضيفه مش صينى
لو حد ممكن يجيبلى 18 بالكاوتشات مش صينى حاجه محترمه يعنى انا معنديش مانع
بص يا باشا الاول انا شايف ان حرام عليك تركب 18 فى السيراتو معلش انت كده هتبهدل الغفشة خالص هو طبعا هيزيد الثبات بس حرام دى عفشة عربية زيرو
بالنسبة لموضوع الجنط اللى عايز تبيعة بيتهيالى مافيش حد ممكن يشترية خالص لعده اسباب
اولا : ممكن تحط نفسك مكاننا انت ممكن يكون معاك 7 الاف جنية تحطهم فى جنط كيا سيراتو او هتجيب حاجة ماركة نضيفة زى مومو مثلا
ثانيا : اكيد اللى هيشتر الجنط معاه كيا زى بتاعتك فرق الفئة اللى من غير جنط للفئة اللى بجنط كام مع العلم الفرق فى الكماليات الاخرى
انا بنصحك انك تخليهم خصوصا ان الكاوتش لسا جديد واتمتع بيهم وخد خيرهم او ممكن تجيب جنط تانى ومتبيعش ده وتخليه لغاية ما تبيع العربية وتركب الاصلى تانى وتاخد اللى انتا اشتريتة
انا مش عايزك تزعل منى انا بقولك وجهة نظرى اللى ممكن تكون صح او غلط وعامة ربنا يباركلك ويسهلك بيعهم ويديك احسن منهم
بص كده على الجنط المعروض للبيع ده مومو 18 ايطالى
وسبحان الله صاحب الجنط بيبعه عشان يركب جنط 17
http://www.nilemotors.net/Nile/152399-momo-18-a.html
بص يا سيدى خلينا واضحين, الى عاوز جنط مستخدم قدامو يا اما يشوف حاجة زى العندك, أو يروح يدور فى الحرفيين على حاجة استيراد و الغالبا هيلاقى حالات ممتازة عشان العربية موديل حديث.
طيب أنا أيام مكونت بشترى جنط للبورا (مختوم عليها فولكس, فيه منها المانى و فيه ايطالى و فيه كندى و كلهم بنفس السعر) الجنط ال 15 ب 1500 لل 4, و ال 16 ب 2500, ال 17 مسألتش عليه بس غالبا مش هيزيد عن 3500 او 4000 لو حاجة متتسبش "غالبا احنا كده بنتكلم فى جنط الجيتا", طيب و الكاوتشات جديد انتا بتقول ب 2000 ج الأربع فرد.
يعنى على افتراض انك بتبيع الجنط مستعمل لمستهلك "مش تاجر" يبقى مينفعش سعره يزيد عن 4000 فى جميع الأحوال, و أنا أعتقد ان أخرو هما 3500 ج, و الكاوتشات من المفترض متزيدش عن 1000 ج للأربعة أو 1500 لو حد فعلا واقع.
يعنى من الأخر المجموعة على بعضها صعب تزيد عن 5000 بالكتير فى جميع الأحوال. و عموما ربنا يوفقك فى البيع, و انزل خد فكرة عن الأسعار فى الحرفيين و حاول تسأل عن جنوط السيراتو استيراد "انا طبعا معرفش بكام أنا بنيت افترضاتى طبقا لاسعار جنوط الفولكس" .