سيارة الشركة وحادث (من يتحمل التكاليف ؟) قل رأيك

أحد من الناس عمل حادثة بسيارة الشركة

هو ليس سائق
هو مهندس
وكان في مأمورية ويقود السيارة بسبب عدم وجود سائق معين من الشركة
والشركة ترسله بالسيارة لتخفيض التكلفة
ولا يتسلم أي أجر مقابل القيادة

وفي يوم عمل حادثة وهو غير مخطيء
والسيارة غير مؤمن عليها

فمن يتحمل تكلفة الحادثة ؟؟
مع العلم بعدم وجود لائحة في الشركة توضح ما يخص إستعمال السيارة

- الموظف سواء مخطئ أو غير مخطئ
- الشركة سواء المهندس الموظف مخطئ أو غير مخطئ
- مناصفة أو بنسبة معينة في كل الأحوال
- الشركة إذا كان الموظف غير مخطئ
- سأوضح رأيي في ردي

ولو فيه حد عنده حادثة مشابهة في شركته يا ريت يحكيها بما تم بها

انا شايف مادام مش غلطان وفى مامورية تبع الشغل يبقى الشركة تصلح العربية

اقتباس:

---

المشاركة الأصلية كتبت بواسطة aymansaad

انا شايف مادام مش غلطان وفى مامورية تبع الشغل يبقى الشركة تصلح العربية

---

+١
نفس رأي ومش ذنبه إنه بيسوق عشان إنتوا مش موافرنله سواق
عارف لو غلطان كنت خليته يدفع كل التكاليف

بما ان الموظف مش غلطان في الحادثة
اذن في طرف غلطان ....
لو الطرف التاني اللي هوه مشترك في الحادثة (الغلطان) موجود.... يبقي الشركة تتفاوض معاه

لو الطرف التاني مش موجود يبقي يحل محله الموظف ويتفاوض مع الشركة

ونا رأيي (النص بالنص) في الحالتين

الشركه طبعا ده غير كمان انهم مش مأمنين علي العربيه يبقي يشيلوا تمن غلطتهم دي

مناصفه بين العامل والشركه
لاحظ ان لو افترضنا انه راح المأموريه
بسيارته الشخصيه وعمل حادث
هو اللى هيشيله كله

طالما كان فى مأمورية تبع الشغل(مش شخصية)يبقى الشركة تشيل الثمن سواء المهندس الموظف مخطئ أو غير مخطئ

الشركة تعلم جيداً أن القيادة في الشوارع عرضة للحوادث سواء المخطئ او غير مخطئ

على الشركة التامين على سياراتها لهذا السبب

على الشركة توظيف سائق وليس المهندس وتوضيح الاجراءات المتبعة في عقد السائق عند حدوث حادث

ماذكرته لا يترتب عليه اي شيء على المهندس وعلى الشركة تحمل التصليح بالكامل

انا كان تصويتى
الشركة سواء المهندس الموظف مخطئ أو غير مخطئ
بس علمت على الاختيار الاول بالغلط, انا اسف.

المهندس والعربيه الاتنين تبع الشركه ياباشا يعني الشركه اللي تشيل لانها المفروض بتبقي مامنه علي العربيه

غلطان او مش غلطان طالما فى مأموريه الشركة تتحمل

الشركة سواء المهندس الموظف مخطئ أو غير مخطئ

اولا المفروض اي عربية تبع شركة يبقي متأمن عليها ضد الحوادث
ثانيا الشركة مش مأمنه يبقي ده عيب من اللي مسئول عنها
يبقي هو اللي يتحمل تبعات اخطاءه
بالاضافة عدم توافر سائق من الشركة
وكمان يعني اللي طلع بالعربية مكنش طالع لمشوار لنفسه ديه مأمورية للشركة
وفي الحالة ديه المسئول هي الشركة

الشركة هى المسؤولة عن اصلاح سياراتها ولا يوجد اى ضرر على المهندس
....................*
محمود عينو

الشركة لو الموظف مش غلطان
والمفروض يكون فيه تأمين من الاساس

الشركة مخطئة لانها لم تحدد المسئولية فى حالة وقوع حادث و هو امر وارد..... الموظف ايضا مخطئ لانه لم يطالب بتحديد المسئولية فى حالة الحوادث...... و بما ان العقد شريعة المتعاقدين و بما ان هذه النقطة لم يتم الاتفاق عليها و لان الحادث قد حدث بالفعل اذن تكون المسئولية مشتركة و ينبغى على الطرفين تحملها

لو الموظف مستلم العربيه بالكامل مش بس مأموريه يعنى بيستخدمها استخدام شخصى يبقى سواء غلطان او لا , يتحمل نصف التكاليف , لان فى الحاله دى هو مستفيد من السياره وفى اتفاق ضمنى بالأستخدام و الحفاظ على ممتلكات الشركه
لو طالع ماموريه فقط وراجع يسلم العربيه, لو غلطان يتحمل 50 % من قيمه الاصلاح
لو مش غلطان لا يتحمل اى شىء

كلامكم سليم ومنطقي بالفعل mahora و SAiF3S

اقتباس:

---

المشاركة الأصلية كتبت بواسطة romeo_6887

الشركه طبعا ده غير كمان انهم مش مأمنين علي العربيه يبقي يشيلوا تمن غلطتهم دي

---

+1111

الشركة اللى تدفع المهندس او السائق اى شئ قى تصليح خبطة تبقى ما بتفهمش علشان العربية دى مش فى فاترينة للعرض وقبل ما تعين السائق المفروض ان فى اختيار قيادة اولا بعد تقديم ال cv بتاعه
المفروض متدفعش حاجة خالص يا باشمهندس ولما حد يقولك مشوار للشركة قولهم انا عايز سواق او ماليش دعوه لو العربية اتخبطت

رجاءاً متابعة الخطوة الثانية من هذا الموضوع في الرابط التالي:
http://www.nilemotors.net/Nile/14638...post3872615600

الحمراء غلطان 95%

الصفراء 5 %

لأان دا وقف ف نص الشارع

مناصفه او بنسبه معينه

اولا شركة التامين هى اللى تتحمل مادام متامن على السياره
اذا رفضت يبقى الشركه هى اللى تتحمل التكلفه لان المهندس غير مسئول عن قياده العربيه الا فى حالة المخالفات للسرعه او السير عكس الاتجاه او كدا يعنى

اللي خابط من الخلف دائما هو الغلطان أو عليه النسبة العظمى من الخطأ عشان مكانش سايب مسافة كافية بينه وبين اللي قدامه.
القاعده بتقول ترك مسافة سيارة لكل 16 كيلو في الساعة
يعني لو ماشي على سرعة 60 لازم تسيب مسافة متقلش عن 4 سيارات بينك وبين اللي قدامك