عرض للطباعة
السياره موديل 2005 تكييف وباور فقط الزجاج الامامى مكسور وبايظ خالص لازم يتغير وكمان بها ترييحه فى الرفرف الامامى معموله سمكره مدقوق يعنى وحتاج يترش دوكو وعدا ذلك السيارة كلها فابريقه وماشيه اقل من 100000كم واحتاج رايكم فى السعر وعايز اعرف ثمن الزجاج الامامى فى التوكيل وخارج التوكيل وهل الفرق فى الجوده كبير وشكرا جزيلا
موديل 2005 و بتتكلم فى 100 الف ؟!!!!!
العربيه دى أكيد كانت بتتأجر
اكيد بتتأجر انصحك بلاش منها نهائى خالص خالص خالص
100000 فى سنتين يعنى بتاع 140 كيلو فى اليوم... كتير اوى و فعلا شكلها عربية ايجار
عموما البرابريز التريبلكس ماركة د.جريش ب 280 جنية
MMamdouh
لأ طبعا كده غاليه جدا عليها
وشكلها فعلا ايجار زى ما الرجله بتقول
هوة السعر حلو,,, والزجاج الامامى مش غالى اوى بتاع 250 جنية.
المهم انك تتأكد من حالة العربية,, انصحك تكشف عليها فى التوكيل.
يا جماعة السيارة طلعت عامله 49500 كم فقط كده تفرق مش كده بس الجنب اللى ناحيه السواق فيه تجريح كتير يعنى افضل ان الجنب كله يترش مش الرفرف بس ايه رأيكم
اكشف عليها كويس في بنزينه او التوكيل و بعدين شوفها عاوزة ايه و تكلفتها و شوف ممكن تنزل عن كده لحد 48 الف
السعر معقول بس اكشف عليها كويس
+1اقتباس:
المشاركة الأصلية كتبت بواسطة ahmedezzat78
صح الكلام و ما تتسرعش
very good price... go for it but surly check it first
MMamdouh
السعر كويس ومتلككش فى الرفرف اهم حاجه فى العربيه الشاسيه لان عادى اى عربيه ممكن تتخبط فى الرفرف
فى عربيه اختى عندها الرفرف اليمين اتعمل بتاع اربع مرات ودايماتتخبط وهيه واقفه او راكنه بالنسبه للزجاج فهوه تمنه 260 جنيه لان كنا غيرناه قبل كده
عزيزى الزجاج الأمامى وصل سعره 330 جنيه بالتركيب طبعا
وأنصحك أستخدم سيلكون مستورد للصق الزجاج
لآن السليكون المصرى بيفك ويعمل رائحة نفاذة داخل السيارة .....
لسه جايب برابريز تريبلكس انتاج د. جريش ب 280 جنية
MMamdouh
معلش يا جامعة سؤال خارج الموضوع هوة تانك اللانوس كام لتر
48 لتر فى الكاتالوج
بس اول مره بعد مستلمتها فاولت 51 لتر يمكن ملاها للاخر لحد الزور و يمكن البنزينه حراميه
انصحك بلانسر موديل 99 عامله اقل من 40 الف كم فابريقه برا وجوا العربيه ده لسه واحد صاحبي مشتري زيها ب 54 الف جنيه
نصيحه العربيه الانسر افصل من الانوس فكر فيها ودور علي موديل 99 اسمها الكريستاله افتكر ده افضلك
اشكرك على ردكاقتباس:
المشاركة الأصلية كتبت بواسطة abzaky
لو شيلنا يومين اجازه فى الاسبوع تبقى عامله حوالى 160 كيلو فى اليوم 100 الف كيلو فى سنتين استهلاك عالى جدا
ده الواحد فى الاستهلاك المعقول يجيب ال100 الف كيلو فى خمس سنين على الاقل
انا رايى بلاش منها وهى فعلا اكيد كانت بتتاجر و100 رجل داست فيها
انا جبت بتاعتي من شهر لانوس( 2005 عاملة 26000 كم ) حالتها كويسة قوي الحمد لله بـــ 55000 جم ..... هوا انا كده اتغلبت في سعرها ؟؟؟؟
very good price
26k kms is the next best thing to brand new... good price
MMamdouh
الراجل دا بيفهم غير ان فية حاجة تانية هوا بيبيع لية ؟ لو كان فية الخير ما كان رماه الطير ( بنهدي النفوس) و السلام عليكماقتباس:
المشاركة الأصلية كتبت بواسطة حسام كرم
شكرا جزيلا يا جماعه على الردود دى لكن انا احب ان اذكر ان العربيه ماشيه فقط 49500 كم لكن العربيه فيها توكيل وصاحبها مزنوق فى فلوس ومحتاج يبيع بسرعه وانا معايا اونو 94 ولسه مش لاقى سعر كويس فيها انا عارضها على 29000 فابريقه بدون كماليات ولو بعتها سوف اشترى اللانوس
اما بالنسبه للاخ اللى بيقول لانسر كرستاله طبعا هى احسن من اللانوس بس اقل سعر ليها لو اتوماتيك 55000 جنيه وده تمن عالى على سيارة موديل 99 لانى لو ركبت يابانى يبقى بالمرة لازم تكون اتوماتيك
وانا دلوقتى عندى سؤال كل الناس بتقول ان اتوماتيك الدايو وحش فهل هذا الكلام ينطبق على اتوماتيك الهيونداى زى الفيرنا والماتريكس والالنترا
وهل فعلا الفتيس الاتوماتيك بتاع النوبيرا تمنه 8000 جنيه بينما اتوماتيك اللانسر تمنه 1000 جنيه فقط فى الحرفيين لان واحد صاحبى اشتراه من هناء ب 1000 جنيه فقط
لاوتوماتيك فى الكورى عمره مش طويل وفى الانوس بتحس ان العربيه صوتها اعلى لانه بيزود شويه على كل غيار و عزل صوت الانوس يعن مش جباراقتباس:
المشاركة الأصلية كتبت بواسطة maged
لو عايز تركب اتوماتيك يبقى فى اليابنى و انت طالع
هوه فعلا اتوماتيك الكريستاله فى حدود 1200 الى 1500 و هيه برضو المانيوال بتاعها ممتاز بس انا مش بفضل عربيه بقالها 9 سنين فى الشارع حتى لو ما مشيتش كتير لكن 2005 برضو حتحس اكنك راكب عربيه جديده تقريبا