عايز احترف التصوير , و جد جدا جدا
دلوقتي يا جماعة انا في الفترة الفاتت كنت بصور كتير , بس بكاميرا ديجيتال على قدها خالص
عجبني الموضوع و طلعت حاجات كويسة كبداية , فقررت اني احترف التصوير
فعايز الاول اشتري كاميرا جديدة
دلوقتي بقا , لو عايز احترف التصوير ابتدي بايه ؟
- ديجيتال كومباكت
ولا
- ديجيتال semi slr
ولا
- ديجيتال slr
و هل في انواع غير دي تكون مناسبة اكتر ؟
طبعا الslr بيكون غالي و مظنش انه مهم كبداية , عشان انا الميزانية المحددها 2000 جنيه
هل ماركات الكاميرات تفرق , من القرائته ان من افضل الكاميرات الكانون و النيكون , ايه رأيكم ؟
انا تصويري بيكون ثابت (objects) , و ساعات كتير بيبقى الضوء ضعيف
فأيه الاوبشنز الابص عليها ؟
طبعا عايز نصايحكم كمبتدئ , ايه اهم النصايح ؟
و السؤال الاهم :
هو مفيش محلات متخصصة في الكاميرات بس ؟؟
معلش اسألتي كتير و طولت عليكم , بس انا الموضوع جد معايا جدا