-
مشروع هايل محتاج رأيكم
بعد دخولى المنتدى لاحظت ماشاء الله ان فى اعضاء ملمين بكل شيء عن سيارات الاوبل
انا بفكر ان 4 أعضاء من سكان الجيزة يشاركونى مشروع عمل سنتر صغير يعنى ورشة
تضم ميكانيكى وصبى وكهربائى وصبى وواحد بتاع كاوتش ونبدأ مشروع صغير وكل واحد
فينا يدفع مبلغ لتأسيس الورشه على ان يقوم الاعضاء مشكورين بترشيح الميكانيكى والكهربائى
وبتاع الكاوتش ويكونوا على درايه وخبرة وممكن ندفع لهم ماهية اعلى من المكان اللى هم فيه
فكرتى تقوم على التفكير فى مشروع مربح ونشتغل فيه بما يرضى الله بأسعار رخيصة عن السوق
لأنى ملاحظ ان كل محافظه فيها واحد مشهور فقط ..
اللى عنده فكره اوتعديل على كلامى فليتفضل وماخاب من استشار- على ان نقدم خدمة لرواد منتدى
الاوبل .
وهذة الفكرة يمكن ان تعمم من اعضاء مثلا فى مصر الجديدة .. كذلك على المحافظات
والله الموفق
مستنى رأيكم فى الموضوع
ممكن ان اشترك ب 10 الاف جنيه
-
هتكلم عن نفسي ... الميكانيكا والدعبسه في العربيات بالنسبالي هوايه بمارسها في اوقات فراغي وباشبعها وانا بتكلم معاكوا .تمام .. مش عارف لو اصبحت مهنه هل المتعه هتبقي لسه موجوده ؟مااعتقدش ومستني اعرف رايكم برده وتحياتي طبعا لصاحب الموضوع ..
-
مع احترامى لك ياأخ فادى
انا مش قاصدى نشغل الاعضاء فى المهنة الا اذا كان العضو مهندس يقوم بالاشراف فقط ويشارك فى رأس المال
ونا قلت نستعين بميكانيكى وكهربائى ملمين جدا بأصلاح اعطال العربيات الاوبل فى مقابل
مادى اعلى من اللى بياخدوه بجانب عامل للكاوتش.
مقابل تقديم خدمة بمكسب يرضى ضمائرنا وبعيدا عن الجشع.
-
-
انا نفسى افتح محل قطع غيار بس مش عارف ايه رايكم
-
للآسف معنديش مكان لكن بقترح ان المكان يكون عليه ضغط بالنسبه للمنطقة عندنا ياريت نلاقى حاجه
على منزل الدائرى فى منطقة نفق الهرم مع فيصل لانه مكان جديد وبيمر به الاف من السيارات يوميا
مجرد رأى
-
اولا من وجهت نظرى لو انت ملكش فى الكار دة او مدخلتش فى اى ضلع من اضلاعة نسبة الخسارة علية لية بقا
اولا الصنيعية دول ناس فعلا انت مش هتقدر تتعامل معاهم لانهم بيفكرو بطرق مختلفة ولو شم نفسة هيسيبك ويفتح ورشة لوحدة وياخد الناس معاة دة غير كمان ان حد غاب ودة هيحصل كتير لازم يبقا عندك صنيعية كتير وكمان غير طبعا مشاكل كتير انت متعرفهاش عايز تتعلم وتخش المجال دة انا هديك نصيحة روح لصاحب ورشة وقلة انا عايز اشتغل معاك اسبوع اعد اتفرج ودفعلة فلوس وشوف المشاكل قلى بيقبلها وبيتغلب عليها ازاى بص متفتكرش انك هتقدر تدحك على صنيعى وهيسرق هيسرق بس يكون شايف حد قدامة فاهم عشان متلبس فى الحيط بص حورات كتير انت اقل صنيعى نضيف بياخد 100 150 هل تقدر تجيب 2 وتجيب طبعا كام واد صغير غير طبعا الايجار وخلافة وهل تقدر على امكنيات ورشة جهاز اعطال ووناش الموضوع مكلف جدا وهيفوق الارقام قلى بتتكلم فيها على العموم اعمل دراسة جدوة
-
عن نفسى انا داخل فى ورشتين واحده عفشة و واحده ميكانيكا بسيطه
انا عشان متربى مع صنايعية اعرف اعاملهم و اخليهم زى الخاتم فى صباعك
غير ان اللى معايا عيال حريفه بس مش فى الأوبل للأسف الا عيد بتاع العفشة و يقولكم عليه احمد حلمى و محمد الليثى
لأن العفشة مش تخصص قوى زى ما اى حد مقتنع
و عندى كهربائى حبيبى قوى و وعيل شاطر
و كذلك الخراط صديقى
انا معظم عربيتى كهربا - عفشة - خراطة ببلاش مصنعيات بس باجيب حاجتى بايدى
و عندى بتوع كاوتش و بطاريات ممكن يبقوا زى السوق او اغلى حاجة بسيطه بس اضمنهم برقبتى فى جوده اللى عندهم و اهتمامهم بشرا انضف حاجة
المشروع لا صعب و لا مكلف و لا الهوا
الورشتين انا داخل ب 3000 جنيه عده و الورشة بتدور نفسها بعد كده و بتحاسب معاه بالشهر حسب اتفاقنا بس كل جنيه داخل - خارج بيتكتب
بس فيه نقطتين انا محاسب و بافهم ميكانيكا فده بيدينى برستييج معين
يعنى مش يقول حاجة و انا مش فاهمها لأ بسأل و اعرف و اعمل كل حاجة
توكل على الله و جرب مش هتخسر كتير ابدأ صغير و اكبر يعنى ابدأ من غير جهاز اعطال يعنى عده و كريك و ونش و كده و دى كلها مش هتخش فى 4000 جنيه لو هتجيب حاجة نضيفه
-
ربنا يوفقك يا طناني والي الاماااااااام .
-
بيع قطع غيار الماني كويس دا مشروغ حلو
Content Relevant URLs by
vBSEO 3.6.0 PL2