بجد يا جماعة انا زهقت من العربية دى...
:I_angr1[1]: أنا خلاص زهقت من المفاجات... عربيتى M11 عاملة 8270كم بالظبط.. والمشكلة الوحيدة اللى قابلتنى معاها قلتها فى موضوع قبل كده وهى صوت رجرجة فى الازاز بتاع الاربع ابواب.. ورحت بيها ابوغالى قالوا حلها مش عندنا.. رحت ابوالفتوح اللى فى جسر السويس .. حاولو يقنعونى ان الصوت ده عادى و انى لو عاوز اركب عربية ماسمعلهاش صوت يبقى اركب ألمانى..:POINTIy2[2]:... يا ولاد اللذين هو انا لو معاى فلوس الالمانى كنت اشتريت اسبيرانزا.. المهم الصوت ده بدأ والعداد لسه 3000 كم وشويه.. وعلشان ما أزعلش نفسى بأفضل فاتح الازاز ومشغل الكاسيت علشان ما أسمعوش... وقلت لنفسى لما اكمل 10000كم أروح أعمل الصيانة فى أبو رواش و أصوتلهم هناك لغاية لما يتصرفوا...
المفاجأة الجديدة وانا راجع الليله دى من العيادة كنت ماشى على الكورنيش والدنيا زحمة وماشى على التانى على سرعة 30كم ومرة واحدة من غير سابق انذار لقيت العربية عمالة تنتش منى .. رحت مهدى وواقف خالص وبدأت أطلع تانى ,,, برضه عماله تنتش بصورة غريبة ولقيت لمبة المحرك الصفرا نورت فى لوحة العداد.. بصراحة اتخضيت جدا ومش عارف ده ممكن يكون ايه.. طلعت كوبرى اكتوبر و ركنت على جنب وكلمة صيانة ابوغالى .. اللى رد على قاللى لازم تروح مركز الصيانة بكرة الصبح و ياريت ماتمشيش بالعربية كتير...
يا جماعة هو اللى بيحصل فى الM11 ده طبيعى..؟؟؟ بصراحة انا متابع كل اخبارها على المنتدى وفى منتديات تانية و حاسس ان فى شكاوى منها كتير... تقريبا معظم الناس عندهم مشكلة زى اللى عندى فى صوت الازاز ,,, ده غير اللى بيتكلم فى السحب ,, واللى عمال يسمع أصوات مش عارف طالعة منين...؟؟؟
الحاجة الوحيدة فى العربية دى مايختلفش عليها اتنين هى ان شكلها تحفة وبس....
معلش انا طولت عليكم بس انا بصراحة زهقان وعاوز افضفض....
و نصيحة لوجه الله اللى بيفكر يشترى العربية دى يستنى عليها شوية و مايتسرعش لغاية لما تثبت فعلا انها عربية تستاهل.. مش شكل وكماليات وبس....
