يعنى يا جماعه امتى يتقال انى بحرق على الغيار ان كده غلط على الموتور
يعنى على كام rbm المفروض انى اغير لو الموتور 1500 ولو 1600
وشكرا جزيلا
عرض للطباعة
يعنى يا جماعه امتى يتقال انى بحرق على الغيار ان كده غلط على الموتور
يعنى على كام rbm المفروض انى اغير لو الموتور 1500 ولو 1600
وشكرا جزيلا
لحد Rpm 3 ده الطبيعي بعد كده يبقى بتحرق على المتور
الطبيعى انك بتغير ما بين 2.5 و 3.5 بعد كدة يبقى حرق وبيحصل فى حالات الطوارئ فقط.
شكرا يا جماعه (طيب حد يعرف يعنى ايه تفتيح الموتور)
هو 2.5 أو 3 ده فى معظم العربيات لكن مش كلها
الطبيعى و عشان تاخد أفضل أداء من العربية و من غير ما تستهلك بنزين زيادة أو تيجى على حساب عمر المحرك الإفتراضى
إنك تنقل عند أقصى عزم للموتور
فى عربيات أقصى عزم على 4 و فى عربيات على 3 و بيختلف من عربية لأخرى
(أقصى عزم وليس أقصى قوة)
عزم =نيوتن
قوة= باور هورس أو كيلو وات
طيب وازاى بقى اعرف اقصى عزم ده ...؟؟؟ انت كده يا حودة ها تلغبطنى خالص
انت عربيتك اية و انا حقولك عزمها عند كام لفة :) لو كنت عارف
أولا سؤال حضرتك في تعميم
كل سيارة مختلفة عن التانية في تصميم المحرك
و زي ما قال الأستاذ محمود حفناوي
أقصى عزم للسيارة هو اللي المفروض تنقل عنده
يعني مثلا العزم اﻷقصى في الجين 2 عند 4000 لفة في الدقيقة
و بيختلف من سيارة لأخرى
و ممكن حضرتك برضه تنقل عند 3 RPM يعني 3000 لفة في الدقيقة
هي عربية حضرتك نوعها أيه و موديلها و مواصفات المحرك ؟؟؟؟
انا عربيتي مكتوب في ال specs بتاعتها Max. torque 123.0 Nm (91 lbft) (12.5 kgm)
دا معناه ان عزمها كام rpm
العربيه افيو ومكتوب عندى فى الكتالوج اقصى عزم 128 عند 3000 rbm
القوة الحصانيه 62 كيلو وات عند 5600 rbm
يعنى ايه بقى الكلام ده
الطيب والياريس مفروض انقل عند كام
انا بحس اني شبعت الغيار في حدود 3 او 3.5
اقل من كده بحس انها مش جايبه
يعني اقصى عزم لسيارتك 128 نيوتن / متر
و احسن وقت لنفل الغيار عندك عند 3000 rpm
و اقكبر قوى لموتور سيارتك هي 62 كيلو وات ( 83 حصان ) و بيصدروا عند ال 5600 لفة في الدقيقة
يعني لما توصل 5600 ... ده كدة اكتر قوة حتاخدها من السيارة و هي 83 حصان
و هي قليلة بالنسبة لموتور 1500 سي سي , بسبب ان موتور الافيو المطروحة .. قديم جدا و 8 صمامات فقط تكنولوجيا هو نفس موتور الانوس تقريبا .
يعنى مثلا لو انا ماشى على التانى او على التالت وجيبت 5600 rbm كده هاتطلع 83 حصان
باشا ممكن تشوف المانيوال بتاع العربية بتاعتي(regata85 1990 1500cc) و تقولي طيب:
http://myfreefilehosting.com/f/b86865f383_0.83MB
كدا سيادتك هاتحرق الموتور
معناها أن السيارة هاتوصل لكامل قوتها عند 5600 لفة في الدقيقة
و ده ممكن توصله بالخامس و معناه أن سرعة عربيتك هاتوصل فوق ال 150 كم / س
أما عن تغيير السرعة
فيجب الالتزام بالآتي
الأول حتى سرعة 25 و سيقابله 3 RPM
و الثاني حتى 45 كم و سيقابله أيضا 3 RPM
و هكذا عند كل السرعات ......... يجب أن تقوم بتغيير عصا السرعات عند 3000 لفة في الدقيقة أي 3 RPM
أما الخامس فهو مختلف عن باقي السرعات فيمكنك تزويد السرعة و عدد لفات المحرك
و لكن لا ينصح به لأنه يزيد من الاحتكاك بين الأجزاء الميكانيكية للمحرك مما يزيد التآكل و تقليل عمر المحرك و أيضا يقلل عمر الزيت الخاص بالمحرك و يضاعف استهلاك الوقود
RPM عالي = عمر أقصر للمحرك + استهلاك أعلى للوقود
و لا تحاول أن تصل بعدد لفات المحرك لأعلي من 4000 لفة في الدقيقة
و هذه نصيحة حتى تحافظ على محركك و أيضا تقلل أستهلاك الوقود و إن كان أفضل لا تزيد عدد اللفات عن 3000 لفة في الدقيقة
3500 لفة دة يا جماعة المعقول فى بعض الأوقات مثلا عاوز تشد او حاجة ممكن عادى تنقل على 6000 Rpm بس طبعا مش كل يوم :) و الا الموتور حيفوت بدرى جدا و الكلام دة تقريبا فى كل العربيات البنزين الحديثة
انا مشكلتي اني مش فاهم حاجهاللي اعرفه ان rpm عداد يوضح عدد سرعه لفات المتور تمام كده بس لو العربيه مانوال انت بتدي الغيارات لما دواسه البنزين تخف او كل غيار له سرعته ممكن تقرص شويه وتدي الغيار اللي بعده فهي ايه وظيفته في الموضوع ده لاني عربيتي مفهاش rpm
ارجو الرد ولكم كل الشكر
وظيفة عداد لفات المحرك هي معرفة عدد لفاته بالظبط و النقل عند عدد اللفات المظبوط
و وجود سيارات بدون عداد " عدد لفات المحرك " لا يعني أنك تمشي و خلاص من غير ما تعرف السرعة المظبوطة للنقل ...... علشان تحميل زيادة على المحرك يزيد التآكل كما شرحنا من قبل
و تقريبا كل العربيات ال 1500 و ال 1600 سم مكعب يكون النقل فيها كالتالي
الأول عند سرعة 20 أو 25 كم / س
الثاني عند سرعة 40 أو 45 كم / س
الثالث عند سرعة 55 إلى 60 كم / س
الرابع عند سرعة 70 إلى 75 كم / س
و الخامس عند سرعة 80 أو 85 كم / س إلى أقصى سرعة ممكن توصل لها السيارة
و هذا للحفاظ على المحرك
و طبعا لا ينصح اطلاقا بالوصول لسرعات عالية إذا كنت تبحث عن عمر أطول للمحرك و عمر أطول للزيت و عمر أطول للقطع الميكانيكية في المحرك و السيارة بوجه عام .......... و أستهلاك بنزين أقل و كل هذا عند سرعة 90 إلى 100 كم / س
و علشان سؤال حضرتك
عداد عدد لفات المحرك للدقة الأكثر للسائق
لك تحياتي
طيب يا جماعه أنا عربيتى فيات أرجنتا 2000 سى سى موديل 82
و بغير بين 4000 Rpm و 4500 Rpm
أيه النظام؟؟ أكيد هتقولوا ان الموتور هيموت كمان كام شهر:D:D
تمام كده
يبقى السؤال دلوقتى منين أشترى موتور فوليمكس ( 2000 سى سى برضو بس تربو ) ؟؟؟
بس تكون حالته ممتازة
أرجو الإفاده
شكرا علي هذه المعلومات الجميله سؤال مهم لمبتدئة ينفع امشي علي الغيار الثاني والثالث فترة طويله علي حسب حاله الطريق.كدا ياثر علي الماتور في حاجه ؟
بيتهيئلى حسب معلوماتى البسيطه الى بيتأثر من الموضوع ده هو الأول لكن الباقى كل واحد ليه سرعته وقدام سرعتك ما زدتش عن 45 ك فى الساعه بالنسبه للتانى وعن 70 بالنسبه للثالث فا دا مش هيقصر فى حاجه لأن دى السرعه الطبيعيه بتاعته
طيب أنا يا جماعة بجيب بالبى أم التانى عندى بجيب بية 60 وببقا حاسس انى لسة مش قارص:U_thin1[1]:
انا عربيتي كليو 1400cc 16V
انقل على كام عشان استفيد من اعلى عزم للمتور ؟
الحقيقه ان تعبير قارص على الموتور الى حد ما نسبى.
الاول خلينى اوضح لك ان فى اكتر من عامل بيعتمد عليه نقل الغيار: العامل الاول: لتحسين استهلاك الوقود
العامل الثانى: للحصول على احسن عزم من المحرك
العامل الثالث: لتقليل الاجهادات على (المحرك واليه الجر)
العامل الرابع: طبيعه اتصال الاطار بالارض والمحل المطلوب (يعنى ماشى على اسفلت - رمل - ثلج - طالع مطلع-......)
علشان كده بتلاقى فى العربيات الحديثه واللى مزوده بأتوماتيك ترانسميشن ان فى زر خاص لتحديد الـ Shifiting mode اللى تنقل التروس بيه (Economy - sport - winter - ...... )
المهم فى ناس تقولك قارص على الموتور ان سرعة دوران المحرك بتوصل الى مثلا 3500 - 4000 وارجع الى الكتالوج . انا عايز اقول انه مش كده بس المهم انك هاتوصل لده خلال زمن اد ايه ويعرف بـ Engine acceleration وكتير من المحركات الحديثه بتحقق العامل ده Response يبقى عالى جدا
الخلاصه: انك تدوسش على الدواسه بمعدل عالى فى الحالات التيه: العربيه محمله - طالع مطلع - بتجر حاجه وراك - المحرك لسه بارد..... كل ده بيمثل أحمال عاليه على المحرك
والرحمه حلوه برده
يا باشا انا معايا شاهين 1400 بنقل على 3 او 3 ونص واحيانا 4 ومن رابع لخامس على 4ونص وبسم الله ماشاء الله العربية ما اشتكتش وصوت الموتور طرب
جزاك الله خيرا