معلش انا اسف كنت ناسيه في البيت ....
مفتوح دلوقت :)
عرض للطباعة
اتفق معكم فى العيوب وتلفونى مع الاستاذ محمود ولو اننى ارى ان شكوه مجمعه لحمايه المستهلك تكون احسن عشان نجد اهتمام فى الخدمه من لاتوكيل
يا مسهل شدوا حلكوا يا رجالة خليهم يصلحوا العيوب دي قبل ما اشتري
يا ترى بقينا كام واحد دلوقت يا أخ محمود... :11:
انا ابارح وانا فى طنطا تعرفت على الاخ محمد سراج من كفر الشيخ
وقلت له على موضوع بتعنا ده والرجل قال انا معاكم فيه هو واثنان من اصدقائه معاهم الام 11
فكد يزيد العدد ثلاثه جداد
فيريت كل الى يعرف حد معاه الام 11 يقول لهو ويندم معانا
وعلى فكره الثلاثه عندهم السكه الى موجوده عند الكل + الدركسيون صقيل جدا
طبعا فى حجات تنيه
اشتريت العربية في 15/10/2009
واتفق معاك في كل العيوب بالاضافة الي المعاملة السيئة من التوكيل
تليفوني 0184323203
انا بقول ان احنا ممكن كده على العدد الموجود ممكن نحدد ميعاد ونتقابل حتى نتفق على الى ان شاء لله هنعمله
معاكم علشان اشوف ايه اللي بيحصل
يالا يا جماعة وانا كمان معاكو ان شاء الله..علي فكرة انا كنت في اسكندرية يوم الاتنين وشفت في النخيل تقريبا 8 عربيات m11 ..احنا بننتشر بسرررررررررعة والحمد لله
احنا معنا ام 11 استلام 8/2009
العيوب الى عندى دلوقتى بعد مرواحنا للتوكيل كذا ره موضوع تزييق الزجاج الأربعة
وممكن صوت الباور واحيانا التسفيق
لاكن الصوت السفلى اتعمل فى تكنو سيرفس قالو من الشكمان وفعلا انتهى الحمد لله
وبالنسبه للعفشه هى خشنه بس مش عارف ده طبيعى ولا لاخاصة مع طلوع المطبات وعلبه الدركسيون فعلا غريبه جدا فى المطبات :36_1_2[1]:
وللأسف انا كنت سبب ان فى 2 اصحابى جابوها واحد بيقول انها زى الفل فى ماعادا موضوع التزييق والتانى قال لى مفيش تزييق بس العفشه خشنة
هذا والله اعلم
يارب تستمر كده اهم شىء ومش يظهر شى
fineart607 ممكن حضرتك تعرفني الصوت اللي كان تحت العربية كان عامل ازاي عشان انا عندي ومضايقني بصراحة ولو من الشكمان يبقي فل اوي هيتعمل انشاء الله و كدة تكون العربية تمام.
ايه ياستاذ محمود انتا عملت الموضوع ورحت فين وفين الناس الى قالت معاكم
انتو مشنوين نحدد موعد ونروح ولا ايه كلام وبس يريت نحددموعد ونتقابل علاشان نشوف احنا ماذا نفعل يريت يكون فى اقرب وقت
ايه ياناس الموضوع نام كده خلاص المشاكل الىفى العربيات اتحلت ولا ايه ايه هنتقابل امتا وهنعمل ايه ولا كدا شكرا
احسن اختيار ايه يا باشا!!!
الكلام ده اتقال لى من موظف عند توكيل- خارج القاهره- اسف لعدم ذكر المكان لان الموظف ممكن يتاذى فيها
سالته عن العربيه ودخلت وشفتها من الداخل- وعرض على تجربه امام المعرض شكرته وقلت له انا مستعجل- قالى بصوت واطى- معلش نصيحه سيبك من العربيه دى وخليك فى التيجو- العربيه دى كل شويه زبون يجى ويدب معانا خناقه بسبب مشاكل فيها- لدرجة اننا مش عارفين نخدم على باقى المودبلات التانيه زى الاسبرينزا والتيجو - قلت له امال كنت عايزنى اجربها ليه- قال لى معلش لازم اعمل كده- وبصراحه كنت عايز ابعد بيك عن المعرض- خايف حد يسمعنى وانا باقول الكلام ده
العربيه بصراحه منظر بجد وشكلها جميل - الكراسى ورا ضيقه شويه بس هى فعلا شكلها مغرى
انا مش فاهم التوكيل الغبى ده مش قادر يصلح نفسه ويعالج الملاحظات دى - اعتقد تحرك الملاك بشكل جماعى ممكن يخلى التوكيل يتعدل- او جهاز حماية المستهلك- او بيع جماعى للعربيه على شكل فضيحه - يمكن تبقى المره الاولى بس ممكن تبقى درس للجشعين
يا باشا هو يقول اللي يقولو ومفيش عربية مفيش فيها مشاكل ده طبيعي وموجود في كتييييييييييييييييييييير اوي من العربيات الزيرو وماركات مشهورة كتير عن اسبيرانزا كمان بس احنا بنحاول نحل المشاكل اللي موجودة في عربياتنا..انا قبل ما اشتري العربية سالت واحد شغال في ابو الفتوح معرض بيع مش صيانة وقاللي كلام حلو اوي علي العربية بس انا سمعت من هنا وفوت من هنا انا ليا نظرة في الحاجة اللي هشتريها يبقي مالوش لازمة اني اخد بكلام حد دي فلوسي انا ومحدش هيخاف عليا اكتر مني..وانشاء الله اي حد واجهته مشكلة في العربية هتتحل ..والتيجو اللي قال لحضرتك احسن منها ناااااااااااس كتير بتشتكي منها ومن عيوب التقفيل وجودة الخامات والله اعلم.
طب قالك اي حاجة مفيدة و لا كلام في الهجايص؟؟؟؟
محنا معانا العربيات و اكيد محدش هايحكم علي عربية احسن من اللي سايقها ... و اعتقد كل اللي عندهم مشاكل برضو يقدروا يقولوا مشاكل ممؤثرة علي العربية بجد ولا مجردfine tune ...
انا لقيت واحد تحت الشغل في الدقي من كام يوم زانا طالع من صلاة الفجر و معاه m حمرا ...سألتوا عن كل شكاويكم . فالي معنديش اي مشكله غير ان لما بيمشي بيها في حتت مدغدة كتير بيروح يربط العفشة كل مثلا 2000 كيلو عند العفشجي اللي جنب بيتوه و بس والله علي ما اقول شهيد ...
سالتوا علي صوت من الزجاج ... تسقيف في الموتور ... اصوات تزيق جامدة .. مشاكل فرامل ... قالي ولا حاجة ... قالي بس ان هوه بيربطها و هيه زي الفل
يارجاله احنا هتحددو ميعاد للمقبله ولا لاء
ياريت نحدد ميعاد فيه ناس اتجمعت وراحت وعملت شكوى فى حمايه المستهلك وعملو شغل جامد
ونزل الخبر ده فى الجرايد
فيريت نحددميعاد عن القريب العاجل
فمعلشى ييتقفل الموةضوع ده خالص
قاللي الكلام اللي يخلي اي حد يشتري العربية ان العربية دي احسن عربية نزلها ابو الفتوح وانهم اتعلموا من الاخطاء اللي كانت في 516 وكلمني عن صاجها وانه اتقل من الكوري والياباني والكماليات اللي فيها ونظام abs ebd وحاجات تاني كتير غير كدة بس برده انا ليا نظرة انا كنت هاجيب فيرنا الاول ورحت غبور ركبت العربية شميت ريحة بلاستيك في العربية وطبعا ده من سوء الخامات اللي فيها ده غير انها ضيقة جدا من ورا و واطية ونازلة كمان من غير جنوط و بعد كدة قلت اشوف شيفروليه لانوس وبصراحة عربية حلوة واللانوس ثابتة نفسها في مصر بقالها زمن يعني بس برده اللي خلاني اتراجع عنها ان شكلها ما اتغيرش من 10 سنين وقلت اشوف بقي m11 والحمد لله انا معنديش اي مشكلة من اللي الناس بتتكلم عليها دي خالص غير الصوت اللي تحت العربية وده تقريبا من الشكمان وهتتحل باذن الله قريب وانا بعمل صيانة ال10000 ده غير بقي ان العربية اصلا مش مرحومة يعني انا بركبها والحاج كمن عندي بيركبها عشان ظروف شغلنا ومسافات طويلة كل يوم والعربية الحمد لله زي الفل ..و ياريت نحدد معاد عشان عندي امتحانات قريب انشاء الله.
مساء الخير يا جماعة...:Y_hi_3[1]:
انا كنت قاعد على النت مش لاقلى حاجة أعملها من 3 أيام .. قمت دخلت على موقع حماية المستهلك.. وكتبت شكوى عن عربيتى اللى هى البوجيهات اللى دفعت تمنها بعد 8000كم بس و صوت الازاز اللى مش عارفين يصلحوه... أنا بصراحة قلت اعمل test للى ممكن يحصل لو اتجمعنا كلنا و رحنا الجهاز...
المهم النهاردة وانا راجع من المستشفى واحد محترم جدا كلمنى على الموبايل .. و قاللى احنا جهاز حماية المستهلك و كنا عاوزين من حضرتك صورة الرخصة و الضمان وايصالات الصيانة الدورية...
بصراحة يا جماعة واضح ان الناس دى محترمين جدا وواخدين الموضوع جد.. انا واحد وبعت الشكوى على النت و اهتموا..
مابالكم لو كلنا رحنا... و الله الدنيا هتتقلب وابوالفتوح هيعملنا اللى احنا عاوزينه وزيادة...
لأنه بعد مشكلة التاكسيات اللى اتنشرت فى الجرايد هو مش حمل فضيحة تانية وخصوصا مع ال M11 لأن العربية دى لسه فى مرحلة الدعاية ...
انا من ملاك ام 11 من 23/11/2009
العداد عامل دولقتي حوالي 12000 كيلو
المشاكل اللي عندي كالتالي :
1.تسفيق او سكة في الموتور وهذا العيب خطير جدا علي الموتور "الموتور مصمم علي اوكتين 93 ودة غير موجود في مصر (ساعات و ساعات يعني ساعات الموتور بيسقف لوحده و ساعات مني من السواقه وسمعت ان في ناس حطت بنزين 95 و الدنيا بقت حلوة )
2.تزيق الزجاج " التافيل من الداخل سيئ"(و ده موضوع عاملي قلق في دماغي ، الصوت مزعج الى اعلى مقدار و انا يمكن حاسس انها العيب الوحيد في العربية بس بصراحة مزعلني اوي)
3. نقرة في الدريكسيون -- "علبة الدريكسيون غير ممبطنة "(موجودة على حسب المطبات )
4.سحب الخامس ضعيف جدا -- والعيب دة ممكن يعدي (بحس اصلا اني بدوس بنزين على الفاضي)
5. صوت الباور عالي و شفت بعض العربيات بيسرخ جامد اوي -- "مش في كل العربيات" (لا مش جامد بس بسمعه)
و اضيف ليهم حاجات بسيطة الجلدة بتاعت الفتيس اتفكت من مكانها(اتعملت في الصيانة) - الطفاية اتخلعت من جنب و جنب لا (اتعملت في الصيانة)- المراية اللي في الشماسة وقعت (هقولهم عليها في الصيانة الجاية)
برده لو رجعت بيه الايام كنت هشتريها برده لانها عربية مفيش زيها في فئتها و كل اللي موجود في السوق بالثمن في نظري ميجيش جنبها حاجة .
لو تنووا نتقابل ممكن ان شاء الله اكون معاكوا
محمد صادق
0123618196
يا جماعة متقلقوش أنا كلمت أسناذ محمود أمبارح الموضوع قائم وكل حاجة بس الراجل الله يعينو عندو شغل بالهبل و ألى أريب هتفق أنشاء الله (على فكرة انا هو هو khashem بس واجهت مشكلة فى الأكونت بتاعى فعملت واحد جديد)
يا ستاذ khaledhashemabdalal احنا شكلنا بنفوخ فى اربه مفتوحه الناس كلاها عيزه المقبله نتفق على ميعاد للمقبله والى عمل الموضوع مش موجود
فشكلاها ان ان شاء لله فى الصيانه الجايه كدا انا هعمل شكوه تانى فى حمايه المستهلك وهعمل محضر فى الاسم اسبات حله
لان الناس شكلاها مش هتجمع اصلا
اللاستاذ احمد اصار الموضوع ده فى منتديات تنيه وناس دخلت وقالت احنا معاكم ولاكن بالطريقه دى الناس فقدد الامل فى ميعاد المقابله دى
وربنا يوفق الجميع ان شاء لله
طيب يا جماعة ما نظبط احنا المعاد مع بعضنا مش هنغلب احنا يعني في حاجة زي دي..ولا رائيكوا ايه؟؟
هوه احنا عاوزين نتقابل عشان نروح حماية المستهلك ولا نتعرف على بعض !!!
و على فكرة ممكن يكون صعب كلنا نروح التوكيل كلنا في يوم واحد بس على الاقل نروح المركز الرئيسي و لا كذا يوم بس نكون متفقين عشان يلاقوا نفس العيوب عند معظم الملاك ولو معملوش حاجة نروح حماية المستهلك .
يا جماعة بجد الموضوع كده هيبوظ......
أنا عملت نفس الموضوع فى منتدى تانى وفى ناس متضامنين معانا .. وفى ناس كلمونى وعاوزيين يعملوا تغطية اعلامية للموضوع.. و دى فرصة مش لازم نضيعها..
أنا برضه كلمت الاستاذ محمود صاحب الموضوع وهو بيعتذر لكل الناس عن عدم مشاركته من فترة لأنه مشغول... و هو معانا فى أى معاد نحدده..
علشان الكلام يكون محدد.. أنا أقترح الاتى:
أولا: أول مقابلة تكون للتعرف ومناقشة المشاكل المختلفة.
ثانيا: مش صعب نروح التوكيل كلنا فى نفس اليوم ولا حاجة.. لأن دى الطريقة الوحيدة اللى هترعبهم... بالتالى لما نتقابل واحنا كلنا قاعدين مع بعض نحدد معاد كلنا نروح فيه التوكيل.
أقترح اننا نتقابل الجمعة الجاية فى حديقة الأزهر (فى صلاح سالم) الساعة 4 عصرا...
ولو فينا حد مشغول معلش يا جماعة ييجى على نفسه شوية..
و لو المعاد غير مناسب لغالبية الاعضاء.. نعمل موضوع جديد لتحديد معاد المقابلة ونحاول نوفق معاد مع بعض..
و ياريت يا جماعة ننجز شوية قبل ما الموضوع يبوظ..
احنا عيزين نحدد يو م ونروح كلانا على المركز للائيسى فى ابو رواش
لان لما نكون جماعه هنعمل حاجه والمشاكل كلاها تتحل
ومع ده ان شاء لله هنعمل شكوى جماعيه لحمايه المستهلك
زى بتوع التاكسيات معملو كده وحمايه المستهلك الزمت ابو الفتوح بتصليح العيوب او ان يدهم عربيات تانيه مع الطعويض
نخليها سبت احسن لو ينفع مع حضرتك ..مستني ردك
خلى بالك ياستاذ احمد ان فيه ناس مش من القاهره فيه ناس من محافظات تانيه فيرت ده يحصل ويرت ترتب مع ابو نوره علاشان يجى معنا ولو كدا يغطى الموضوع اعلامى ويرت المكان الى نتقابل فيه يكون سهل الوصول ليه بسهوله علاشان الناسش الى جايه من بره القاهره يوصلو ليه بسهوله وشكرا ليك
اى يوم انا لو مشغول انا هفظى نفسى فيه انا موافق على اى يوميتحدد فيه الميعاد
يالا يا جماعة عاوزين نتفق علي يووووووووووووووووم
طيب ايه نقول السبت الجاي ان شاء الله الساعة 4 في حديقة الازهر او الحديقة الدولية او اي مكان مفتوح عشان نقعد براحتنا .
هو ميزة حديقة الازهر اننا هنقدر ندخل بالعربيات نركن جوه و ممكن كمان نجرب العربيات في الباركنج هناك
انا مناسب معايا السبت وكمان الجمعة صعب عشان في ماتش والدنيا بتبقي زحمة وكدة
أنا مستنى لما نتفق على معاد الأول وبعدين هاكلم أبو نورا... و بيتهيألى حديقة الأزهر مكان مناسب جدا.. لأن ماقيش حد فى مصر كلها مايعرفش صلاح سالم..
عموما يا جماعة للى ما يعرفش .. حديقة الازهر دى فى صلاح سالم.. جنب قلعة صلاح الدين.
خلاص يا شباب يبقى المعاد السبت الساعة 4 عصرا فى حديقة الازهر...
وهو فعلا انسب مكان علشان الباركنج بتاعة واسع ..
يا ريت كل الناس تشارك بالردود بالنسبة لمعاد المقابلة علشان نتفق بسرعة..
و اللى يعرف حد يبلغة..
على بركه لله ان شاء لله نتقابل على خير بامر لله فى حديقه الازهر
يوم السبت الساعه 4 عصرا وربنا يوفقان على خير وان شاء لله
هبلغ كل الى انا اعرفهم بامرلله ويجو فى الميعاد
وانا معاكوا باذن الله وهبلغ اللي اعرفه بالمعاد انشاء الله ونتقابل علي خير يارب..
احنا ناسيين العمدة ..اوعي متجيش يا هيمااااااااااا
may ALLAH be with you all. i want us all to be possitive:Ta_clap[1]: