| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 2 من 2

  1. #1

    الصورة الرمزية aliabutaleb

    رقم العضوية : 1646

    تاريخ التسجيل : 31Jul2007

    المشاركات : 3,549

    النوع : ذكر

    الاقامة : 6 أكتوبر

    السيارة: N/A

    السيارة[2]: Daihatsu Sirion 1.3 GLX - 2008

    الحالة : aliabutaleb غير متواجد حالياً

    افتراضي جمعية المحاربين القدماء (منقول) - Facebook Twitter whatsapp انشر الموضوع فى :

    hasad">

    من ساعة ما عملوا الفتحة اللي قدام شارع نوال وأنا بفكر ألف مرة قبل ما أنزل من البيت. أصل تعدية الشارع بقت صعبة أوي. زمان وأنا عيلة في الجامعة مكنتش بخاف أعدي الشارع. كنت بعدي شارع الهرم دة من غير ما أبص حتى يميني وشمالي. دلوقتي طول ما أنا ماشية ببص يميني وشمالي وتحتي وفوقي، لحسن حد يخبطني، ولا يخطف الشنطة اللي دايماً فيها كل ما أملك رغم تحذير أمي بعد أن خطفوا شنطتها.

    يومها كنت عايزة أروح شارع مصدق اشتري حاجة من هناك، وكان حمل تقيل على قلبي، أصلي يا أمشي من تحت الكبري و دي شغلانة ودوشة وسط الناس، يا أعدي الشارع. ساعتها جاتلي فكرة ملهمة، أخد تاكسي ب-٢ جنيه يعديني الشارع..
    طلعت برة على الشارع لقيت الونش واقف في نص الشارع،، والظابط بيدردش شوية مع ظابط المرور اللي في الشارع،، وطبعا كل العربيات لازم تاخد غرزة من الونش عشان تعدي.. وده معناه إن حتى التاكسي مش هيقف هنا.
    مش مهم أكيد شوية كدة هيخلص كلام وهيمشي... وقفتي طولت ووقفتهم طولت.. ابتديت أبص عليهم.. ابتدوا يبصو عليا.. ابتديت أقرب، الونش بدأ يقلب لي نور، كلام عظيم !
    قلت مبدهاش أنا ألف حولين الونش عشان نخلص..
    توجهت ناحية الونش، أول ما قربت الظابط أنشكح وإبتسم ، وحس بانتصار عظيم..
    خلاص أنا بقيت على بعد خطوتين من سيادة البيه الظابط وهو وعساكره الابتسامة منورة وشهم.. رحت فجأة شخطت فيهم
    - دي وقفة دي؟
    الظابط إزبهل، وأنا أذبهليت أكتر
    - نعم!؟؟
    - بقلك دي وقفة دي، حضرتك سادد الشارع، وأنا مش عارفة أخد تاكسي بسببك
    - يعني إنت عايزة تاكسي ؟
    بص لواحد من عساكره
    - روح يابني هتلها تاكسي!
    - لأ أنا مش عايزة تاكسي، أنا عايزاك تمشي من هنا
    - إيه!
    أيه دي كانت شخطة من اياهم، من أين يأتون بقوة الحنجره هذه. أنا صواب وهو خطأ، من أين تأتيه هذه الشجاعة. و أين شجاعتي أنا، سبحث عنها الأن، أكيد هي تختبئ تحت قميصي الأنصع بياضا من قميصه.
    - إنت رجل مرور تعلم الناس ازاي تقف صح ! مش واقف سادد الشارع.
    - وانتي مالك أصلاً أقف مطرح ما أنا عايز!
    - لا حضرتك تقف صح مش ذي ما إنت عايز خالص
    أصبح الموقف مشحون جدا وأنا صوتي عالي وهو إتنرفز والناس ابتدت تتفرج.. وأنا ابتديت أترعش، ومش فاهمة أي حاجة، بس عارفة إن الفاس وقعت في الراس خلاص،
    - أنا أقف مطرح ما يعجبني في المكان اللي يعجبني!
    ولاول مرة منذ بدأت عمليه الهجوم اتحرك خطوة أخرى ناحية الظابط،، طوال الوقت كنت حريصة ألا اقترب أكثر من اللازم ، لا أعلم لماذا ، كنت أقرب إلى الجري من أمامه أكثر من الجري إليه،
    - ممكن أعرف إسم سيادة البيه الظابط اللي يقف مطرح ماهو عايز وقت ماهو عايز؟

    وتحول الصياد إلى فريسة! حاجة غريبة جدا، الظابط سكت، سكت فعلاً، سكت لفترة، لمليون سنة، لماذا سكت ؟! ليقل شيئا! ليقل أي شئ ، الأن أرجوك، أنا أكره صمتك، بل أخشاه.
    ماذا تدبر لي في عقلك الصغير هذا؟

    - لأ، مش هقلك أسمي!
    أقسم بالله العلي العظيم قال لي لأ، وكانت أحلى لأ سمعتها في حياتي ،أضاءت سماء الدقي، قال لي لأ.
    وهنا فقط تكلم الظابط الذي بداخل الونش، وقال للسائق العسكري
    - أطلع يابني من هنا!
    الونش تحرك! الونش ماشي فعلاً! الونش لم يسرق، الونش رحل من تلقاء نفسه هذه المرة.
    -شارع مصدق لو سمحت!
    فتحت باب التاكسي ولم أنسى أن ألقي نظرة أخيرة على الظابط، الذي أشاح بوجهه عني وكان ينظر بعيدا جدا.
    أول ما وطأت قدمي التاكسي تحدث لي السائق.
    -لو كنتي راكبة عربية مكنتيش هتعرفي تعملي فيهم كدة!
    - يا عمو واللهي من غير عربية، هو بس ساعات ربنا بيعميك عن الخوف وبيعمي الخوف عنك. ربنا يثبت أقدامنا جميعا.
    - بس حد ياخد تاكسي الحتة دي يا بنتي! دة انتي لسة شباب.
    - لأ مش النظرية، أصل أنا مش بعرف أعدي الشارع
    - دة انتو جيل ما يعلم بيه إلى ربنا، بتفكريني بولادي،، كنتو هتعملو أيام الحرب!
    - كنا هنكتب قصايد!
    بصيت عليه في المراية، رجل كبير أوي، بس ماشالله بركة، فى ناس في حياتنا بركة، عشان التاكسي يفضل ماشي. عربيته قديمة بس فكرتني بالحسين، قديم بس تحس فيه بالراحة كدة، تحس انك مش غريب.
    - عارفة يا بنتي، أنا أيام النكسة أخدوني أسير في إسرائيل، عارفة أنا معنديش غير كلية واحدة، الكلية التانية شغلوا عليها المرووحة.
    -مروحة ايه؟
    - بقول لك كنت أسير في سجن إسرائيل، كانو بيعذبونا، شغلوا المروحة والريش بتاعها قطع كليتي!
    أنا كمان عندي كلية مش شغالة، بس عمر ما إسرائيل فكرت تاخدني أسيرة! اصل المياه في بلدنا مش ولا بد، إسرائيل ملهاش دخل بالموضوع بتاع كليتي، ومع ذلك بابا أصر يعالجها، صرف على كليتي كتير و الله! ماكنش قادر يفهم إن عشان كليتي تعيش لازم نهاجر، وأنا صغيرة ماكنش بيخليني اشرب غير المياه المعدنية، قبل ما نعرف إن هي كمان غير مطبقة للمواصفات العالمية.
    - عارفة فضلت عندهم في السجن يمكن ٣ سنين، أو أربعة و الله يا بنتي ما عدت فاكر، وبعدها رمونا في سينا.. مشيت لحد القاهرة، وانتي مش قادرة تمشي لمصدق! أنا عندي بنتين قدك، واحدة فيهم مطلقة وعايشة معنا هيا وعيالها. كل شئ نصيب.
    - الحمدلله على كل شئ يا عمو
    -أنا عمك حسين،
    صمت لفترة ثم أكمل
    - الواحد كان فاكر إن احنا هانحارب ونرتاح، ونخلف ونرتاح، والعيال تكبر ونرتاح، ونجوز العيال ونرتاح، الحمدلله على كل شيء
    ماذا يتوقع أن أقول له؟! هل ينتظر مني إجابة؟ هل سيرحمني إذا بدأت في البكاء الأن؟! ماذا أقول! هل يجب أن أخفف عنه؟ أن اشاركه الألم؟ هل أحكي له عن مشاكلي أيضا، أو مشاكل أبي؟! أين شارع مصدق اللعين!
    - عارفة أنا عندي ٧٨ سنة! اه و الله، الناس مبتصدقش، ربنا سبحانه وتعالى بيدي الواحد القوة عشان يكمل الرسالة!
    أين نصيبي أنا من هذه القوة الأن! أنا احتاجها الأن! الأن احتاج قوتي يا رحمن يا رحيم ساعدني على مواجهات عم حسين، كم هو كبير وكم أنا صغيرة،،، أنا التي تخيلت أني هزمت هذا الظابط وكنت استعد لأن أحكي عن شجاعتي لكل اصدقائي! أنا وهذا الظابط الأن سواء.. مهزومين ضعفاء، مختالين بما لا نملك ولن نملكه أبدا!
    - أنا هانزل هنا يا عم حسين.

    لولا عم حسين لم أكن أبدا استطيع أن اختال وأنا اشتري أشيائي من شارع مصدق، لا بل الأحتمال الأكبر إن شارع مصدق نفسه لن يكون هنا
    لا استطيع أن أعطيه أجرته، لا استطيع أن أعطيه مال، أية أموال تنقذني الأن، كيف أتجرأ وأمد يدي الصغيرة في محفظتي وأعطيه فلوس! فلوس!
    - عم حسين ربنا يخليك لينا ويديك الصحة.
    أعطيته الأجرة، ولم أحاول النظر ناحيته، اشحت بوجهي عنه وتمنيت أن اختفي.

    سلمى الدالي

    منقول

    Me on Twitter
    @aliabutaleb


  2. #2

    الصورة الرمزية dr-mohamed

    رقم العضوية : 40918

    تاريخ التسجيل : 23May2009

    المشاركات : 4,852

    النوع : ذكر

    الاقامة : الجيزة

    السيارة: بروتون بيرسونا 2010 اوتو

    السيارة[2]: لانسر كريستالة 99 اوتوماتيك

    دراجة بخارية: لا يوجد ومش بحبها كمان

    الحالة : dr-mohamed غير متواجد حالياً

    افتراضي -

    hasad">

    منك لله يا سلمي
    على اد ما فرحت ببداية المقالة وموقفها من ظابط المرور
    على اد ما اتغميت وحزنت في اخر المقالة بسبب عم حسين
    فعلا فيه جمعية المحاربين القدامي وضحايا الحرب وبيدوهم بعض المميزات لا تكفي ولو 1 في المليون من حقهم على المجتمع
    مرة كنت في محطة القطار في الجيزة على شباك التذاكر ووحد كبير في السن ادامي بيقطع تذكرة المفروض ان لهم تخفيض على التذاكر الراجل طلع الكارنيه بتاع الجمعية من هنا والموظف بتاع الشباك وشه قلب من هنا وهات يا تقطيم في الراجل وانهم اللي مخسرين الهيئة (كان الاشتراكات المجانية بتاعة الموظفين في الهيئة واهاليهم واصحابهم والقضاة وغيرهم مش بتخسر الهيئة)
    اللى ضايقني ان الراجل اللى من المحاربين القدماء شكله صعيدي طيب ومش عارف يرد على الموظف وساكت وبيبص نظرة كلها حزن محستش بنفسي غير وانا بهزأ الموظف بتاع التذاكر ومسحت بيه الارض وقلت له انت لما تتكلم مع الحاج يبقي تقف من مكانك وتديه التذكرة باحترام من غير ما تفتح بقك بكلمة هو مش بيشحت منك ولا من اللى خلفوك لولاه كان زمانك خدام عند اليهود احترم نفسك ومتتكلمش كلمة تانية مع الراجل والا همسح بيك الارض

    للاسف وكالعادة لقيت الموظف اتخرس وادي الراجل التذكرة كان نفسي يفتح بقه علشان اعرفه قيمته


    يا جماعة الناس دي هي اللى حاربت بجد وهما اللى شالوا البلد وقت ما كانت محتاجاهم وللاسف نسيناهم

    في البلد فيه اللى ضحي علشان غيره يعيش وفيه اللى بيضحي بغيره علشان هو يعيش


    شكرا يا ابو حمزة على المقالة الاكتر من روعة ومستني منك اكتر من كدة سواء منقول او منك



 

المواضيع المتشابهه

  1. جمعية نايل موتورز ... شارك معنا
    بواسطة ahmed_su في المنتدى المنتــــــدى الاجتمــاعى
    مشاركات: 28
    آخر مشاركة: 19-09-2011, 11:41 PM
  2. جمعية رسالة ما بين مؤيد ومعارض
    بواسطة nonetta في المنتدى المنتــــــدى الاجتمــاعى
    مشاركات: 33
    آخر مشاركة: 16-01-2011, 01:23 AM
  3. جمعية حقوق الحمير !!!؟؟؟؟
    بواسطة abogogo في المنتدى مقــاطـع الفيــديـو و الكليبات و صـور للسيارات
    مشاركات: 3
    آخر مشاركة: 20-03-2010, 04:37 PM
  4. للاسكندرانية - جمعية رجال الاعمال
    بواسطة wardet في المنتدى دليل الطرق الداخلية وطرق السفر
    مشاركات: 2
    آخر مشاركة: 10-01-2010, 03:25 PM
  5. تهنئة لقدامى المحاربين !!!
    بواسطة وائل عطية في المنتدى قـــــسم التهانى و المناسبات و الواجبات
    مشاركات: 0
    آخر مشاركة: 03-05-2007, 03:17 PM

الكلمات الدلالية لهذا الموضوع

&#, ٢, ٣, ٧, ٨, ..., 16, 163, 164, 34, 35, 39, 40, 63, 635, 640, لأ, للمواصفات, أملك, لما, أمام, أمامه, لماذ, لماذا, للازم, لمياه, مليون, لمرة, لمروحة, لمرور, للسائق, لمع, للعين, ألف, لله, ملهاش, أموال, لمواصفات, لموضوع, لموقف, لأ،, ملك, لمكان, ملكه, ممكن, ما, ماء, مالي, مالك, ماذ, ماذا, لاب, لازم, ماشية, ماهو, لان, لاول, لانة, ماك, ماكنش, أب, أبدا, لى, ليا, لجامعة, مياه, مية, أخف, ليه, ليها, مين, ميني, ليون, أيضا, ليك, مر, مراية, مرة, أربع, أربعة, أرجو, أرجوك, لرسالة, أروح, مروحة, مرور, مش, أسم, أصلاً, أصلي, لسا, لشارع, لسائق, مشاكل, لسة, أصبح, مشيت, مصدق, لشنط, لشنطة, مع, لعالم, معدني, معدنية, لعربيات, أعرف, لعظيم, معنا, معناه, معنديش, أعط, لفترة, له, لها, مهزوم, من, أول, لولا, لنا, موال, لواحد, مواجهات, لناس, مواصفات, منذ, لوس, أنزل, لنظرية, لون, منور, منورة, موضوع, موقف, منقول, أضاء, أضاءت, مط, أطلع, مطب, مطر, لقاء, لقد, أقدام, لقيت, أقرب, أقول, لقوة, لك, لكل, أكمل, لكلية, مكان, أكثر, أكيد, ام, الل, اللا, اللازم, اللي, الميا, المحاربين, المياه, المية, الأجرة, المراية, المرة, المروحة, المرور, المع, المعدني, المعدنية, الله, الموضوع, الموقف, المكان, الابتسامة, الت, التاكس, التي, البيه, البك, البكاء, الي, الحمدلله, الجامع, الجامعة, الحسين, الخوف, الراحة, الراس, الرسال, الرسالة, الشارع, السائق, الصح, الشجاعة, الصغير, الصغيرة, الشنطة, الع, العالم, العالمية, الظابط, العيال, العر, العرب, العربي, العربيا, العربيات, العسكري, العظيم, الفا, الفاس, الفتح, الفتحة, امه, الهجوم, الهرم, امن, الواحد, الناس, النظر, النظرية, الونش, الوقت, الق, القاه, القاهر, القاهرة, القدم, القدماء, القوة, الك, الكل, اذا, ابة, ابتدت, ابتدي, ابتديت, ابتسامة, اتحرك, ابن, ابني, اياهم, اية, احتاج, ايش, ايه, ايه؟, احنا, ار, اس, اشتر, اشتري, استع, استطيع, اصدق, اصدقائي, اشرب, اف, اه, اهو, او, اول, انت, انزل, انك, اقف, اكل, اكر, اكس, اكسي, ذلك, تم, بلدنا, تمشي, تمن, با, بال, بالله, بالموضوع, بالحسين, باب, تاعها, بان, بانت, تاكس, بتاع, بتاعه, بتاعها, ثبت, تتفرج, بتفك, بتفكر, بدأت, بدا, بداخل, تحذير, بيت, تدبر, بيته, بيع, بيه, بين, بر, برة, بس, تسا, بسبب, تصدق, تعمل, تعملو, تعال, تعالى, بعد, بعيدا, تعيش, بعده, بعدها, تعرف, تفك, بفكر, به, بن, بول, بنا, توجه, تنرفز, تون, تنقذ, توقع, ب،, تط, بطني, بقت, تقيل, بقيت, تقف, بقو, بقوة, تك, حل, حمدلله, جميع, جميعا, يمين, خليك, جمعية, خلف, دلوقت, دلوقتي, يمكن, يا, دام, خالص, جامع, جامعة, جات, داخل, دايما, دايماً, ياه, حان, حاول, ياض, يثبت, حتى, يتوقع, خبط, خبطني, يخليك, جدا, حياتنا, يديك, دي؟, يخطف, جر, حرب, خش, يسرق, حسن, يعالج, يعذب, يعد, يعدي, يف, يفهم, يفضل, ده, يهم, جهه, جن, حنا, ينتظر, جنيه, جوز, دون, حضرتك, خط, خطأ, خطة, خطف, خطوة, خطوتين, يقل, يقلب, يقف, حك, يكمل, يكون, راس, رائ, راكب, رب, ربي, ربية, ربع, ربنا, رتني, رد, رحل, رحمن, ريس, رسالة, رغم, رف, رفة, ره, رق, سلم, سلمى, سما, شمال, شمالي, زمان, صمتك, سمحت, سمع, سمعت, سمعته, سمعتها, صا, سامة, شار, شارك, ساعات, ساعة, ساعته, ساعتها, سائق, زاك, صب, سبب, سبحان, ستطيع, شيء, شجاع, سير, سينا, صدق, سر, سرائيل, شرب, صرف, شغل, شغال, شغالة, صعبة, صغير, صغيرة, صف, صفات, شئ, سوا, صوت, صوتي, شوية, سنين, شنط, شنطة, شنطتها, غم, عمل, عمليه, عملو, علا, على, عليا, عليه, عليهم, عليها, عمر, غلو, عالم, عالمي, عالمية, ظابط, عاي, عايز, عايزة, عارف, عارفة, عذب, عة, عد, عيال, عجبني, عيدا, غير, عيش, عده, غر, عرب, عربي, عربيات, عربية, عربيته, غريب, غريبة, عرف, عشان, عساكر, عسكر, عسكري, عظيم, عفا, عه, عها, عن, عنا, عند, عنديش, عنده, عندهم, عنه, عنها, عنك, عطيه, عقل, عقلك, فلوس, فا, فات, فاهم, فاهمة, فاكر, فتح, فتحة, فترة, في, فجأة, فيه, فيهم, فيها, فر, فس, فعل, فعلا, فعلاً, فوق, فض, فضل, فضلت, فقط, فك, فكر, فكرة, فكري, فكرين, هل, همة, إلى, إليه, ها, هات, هذ, هذا, هذه, هتعمل, هتعملو, هتعرف, هي, هيا, إجابة, هيخلص, إيه, هجوم, إس, إسم, إسرائيل, هو, هنا, هناك, ول, ولم, ولا, ولاد, ولاول, ومين, ومش, وأنا, نا, وال, والله, والظابط, والناس, واحد, واحدة, ناس, وان, وانت, وانتي, واقف, نة, وتم, وبيع, وبعد, وبعده, وبعدها, نخ, نخلص, وجه, وجهه, ور, ورة, نرتاح, وش, وشمال, نسى, وشهم, وسط, نظر, نظرة, نظرية, نعرف, نفس, نفسه, نه, وهي, ون, نوال, نور, ونش, ووقف, ووقفت, ووقفته, وطبعا, وقت, وقتي, وقع, وقعت, وقف, وقفة, نك, وكان, وكانت, نكت, نكسة, وكنت, ضا, ضع, ضعف, ،،, ،،،, ؟؟, طلع, طلعت, طلقة, طب, طبع, طبعا, طبق, طي, طن, طول, طوال, قل, قلب, قلبي, قلبي،, قميص, قال, قاد, قادر, قاهر, قاهرة, قبل, قي, قيل, قدام, قدي, قديم, قديمة, قرب, قربت, قص, قسم, قع, قف, قول, قوة, قط, قطع, كل, كلم, كما, كلام, كمان, كا, كان, كانت, كت, كتب, كبير, كتر, كي, كدة, كيف, كرة, كره, كن, كنا, كنت

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2