بيان رقم واحد فى تظبيط العربيه 1- شراء سوند سيستم كامل 2000 ج
:satelite:صباح الفل على احلى منتدى واحلى اعضاء
انا قررت ابتدى فى تظبيط عربيتى بعد فتره من الثبات الانفعالى ههههههههههه اصل انا شارى العربيه دى زيرو ف مكنتش راضى اعدل فيها اي حاجه شويه كدا لحد ما يعنى قلبى يجمد واغير واعدل فيها زى عربيتى الاوبل القديمه انا كنت مظبطها بعد كام خبطه كدا خدتها فى العربيه فقولت بالمره اظبط العربيه طالما كدا كدا هرش العربيه يبقى انفخها واعملها فايبر وعدادات حراريه وصوت وغيره الخ ودى صور عربيتى الاوبل المرحومه ههههههههه :verygood:
:w6266d المهم خلاص بقى راحت لحال سبيلها وربنا يبارك للى اشتراها انا كدا كدا كنت لازم اغير علشان العربيه فى الاخر طلعت عينى مصاريف كل شويه كانت بتعطل ليا معاها ذكريات كتير حلو ومره يالله خلينا بقى فى النهاردا عوده ولقاء مره اخرى مع تظبيط عربيتى الجديده الانسر وطبعا زى المره اللى فاتت هبتدى التظبيط من اول حاجه الا وهيا طقم الصوت طبعا الكاست اللى بيجى مع العربيه مع كامل الاحترام ليه ميكولش معايا خالص انا كان معايا فى الاوبل بايونير 2025 تقريبا او حاجه زى كدا المهم انه كان من اوائل فئه البايونير وكنت مركب جى ام جولف وسماعتين جى بى ال امريكى اول ما نزل الجى بى ال قبل ما اى حد يشتريه او حتى يعرفه الكلام دا من زمان قوى دلوقتى بقى انا عامل ميزانيه تقريبا 2000 جنيه يزيدو شويه يقلو شويه حسب اللى انا هعمله . كنت فى المنصوره فى محل اكسيزورز عربيات من كام يوم وكنت قبلها فى بورسعيد بشوف الدنيا فيها ايه فى الاطقم الصوت وقريب هنزل القاهره علشان اقرر ايه اقل الاسعار وانسبها لطقم الصوت اللى فى دماغى بس اعتقد ان ارخص اسعار فى تظبيط العربيات عموما فى القاهره دا حسب تجربتى قبل كدا , نيجى بقى للطقم اللى فى دماغى رقم واحد فى الطقم دا هيكون سى دى بايونير pioneer 6050 عجبنى جدا الجهاز دا اتمنى الاقيه فى القاهره علشان مكانش موجود فى المنصوره كان فيه 7150 ومكنش عاجبنى خالص مش عارف ليه محصلش لغه حوار بينى وبينه ههههههههههه ورا بقى لازم اعمل الاختراع العجيب اللى اسمه الكوبيسته وافحر فى الصاج علشان هجيب سماعتين بايونير 460 وات تيلاندى اتمنى انهم يقضو الغرض ومزودش سماعات تانى وطبعا جى ام جامد يشيلهم ويشيل بازوكه جى بى ال مستقبليه علشان الميزانيه هتطرنى انى ااجل البازوكه شويه والجى ام كان قدامى واحد سنفونى فى المنصوره 650 وات بيرغى فى 580 جنيه او حاجه زى كدا وكان فيه فى بورسعيد جى ام اسمه jec او حاجه زى كدا تقريبا 1800 وات كان بيرغى فى 700 اه تقريبا بس انا ان شاء الله ناوى على بايونير برده لو سعره لقيته قريب علشان يبقى الطقم كله بايونير لان انا بج فان بالشركه دى من مااااان ودى صور my lancer lol
