هاو كم ازاي يعني يا دكتور محمود ده لو كده ربنا يستر
عرض للطباعة
[quoteهوا فيه ملحوظة الجاز بتاع العربيات ده ما بيولعش لو حطيت عليه نار حتى الموتور الجاز بيشتعل فيه الجاز بالضغط العالى مش بالشرارة المعلومة اتقالتلى بس يا ريت حد ياكدها][/quote]
كلامك تمام
انا كان غرضي من الكلام مش فكرة جاز ولا بنزين ولا سولار
انا كل يوم بشوف عربيات بتنقط جاز وفي بنزين وفي اللي التانك بتاعه مش مقفول كويس وكلامي مش مقصود به جاز بس ولكن منظر الجاز وهو نازل من العربية امبارح هو اللي شدني جامد لأنه كان عامل زي الحنفية ومكانتش ميه لأن في عربيات نقل بيبقي فيها تانكات تانيه بس كانت ريحة الجاز باينة
انا قصدي الاهمال والتسيب عامة
العيب مش علي اللي بيرمي السيجارة بس
مخالفة رمى السجاره مولعه فى السعوديه 50 ريال
بس انا برميها من الشباك عشان متعملش ريحه وحشه فى الطفايه :44:
فعلا عندك حق ديه كارثة انا بس السؤال اللي عايز أسأله لأصحاب العربيات ديه
هم ليه حاطين لكم طفاية سجاير في العربية منظر يعني و لا ايه
طب سواقين التاكس يعني مش عارف اقول عليهم ايه دول مش بيلتزموا بحاجة و المفروض يتفرض عليهم قيود و يتظبطوا شوية
لكن الناس المثقفة اصحاب الملاكي ليه بيعلموا كده
فعلا حاجة تنرفز و ممكن تؤدي لكوارث احنا بنتكلم عن تنك بنزين مخروم
طب افرض كان في بنزينة و حصل و ان شوية بنزين او جاز او .. او ..الخ ..الخ
اي مادة مشتعلة كانت نازلة من البنزينة و السيجارة اللي رماها الشخص جت فيها و وصلت للبنزينة تخيلوا الكارثة و ارواح اد ايه هتروح
و تخيل بقي لو جت عند عربية نقل بنزين في وسط الشارع تبقي فعلا كارثة
و انا من رأيي انهم يا يرموا السجاير في الطفاية يا اما يبطلوا سجاير هههه
و يا ريت الحكومة تنزل غرامات ان لو اي حد اتشاف بيرمي سيجارة هيدفع غرامة متقليش عن 50 جنيه وزي القمامة كده اي حد هيتشاف بيرمي هيدفع غرامة زي الفل و الحوكمة تحط عساكر في اماكن كتير و لوحد اتشاف بيرمي سيجارة بتكتب رقم عربيته و تروح للمرور و يا ريت المرور ساعة اسخراج شهادة المخالفات تكتب كل مخالفة سببها ايه عشان لو الناس عرفت ان السجاير لما بتترمي بيتاخد عليها مخالفة هيبطلوا يعملوها تااني بس ميكونش فيها تظلم و الكلام ده
الوقاية خيرا من العلاج
واسف ع الاطالة
مش موضوع سجاير بس
امتى الواحد حيبقى متحضر ويبطل يرمى بكل فخر زبالته بره العربية
فى سنة 93 كنت فى النمسا قعدت سنتين فى فيينا وتانى يوم وصولى لفيينا عزمنى واحد صاحبى على الغدا عنده فى بيته وهو متزوج نمساوية المهم عدى عليا بعربيته وخدنى معاه و واحنا فى العربية ولعنا سيجارتين وبعد ما خلصت سيجارتى فتحت الزجاج بتاعى ورميت السيجارة وكانت المفاجأة ثورة عارمة من صديقى العزيز عليا لانى رميتها من الشباك فى الشارع وبنفس اللفظ قالى(انت عايز اللى ماشى ورايا ياخد نمرة العربية و يبلغ عنى وتيجى لى غرامة)يا سلام هما يعنى ممكن يصدقوه(ده ردى)فقالى ايوه هنا بيصدقوا كل حاجة ومفيش حد بيتبلى على التانى والناس هنا محترمة جدا
وطبعا لا تعليق على سلوكياتنا والحوار ده لنظافة الشارع مش علشان تنك بيخر
............................*
محمود عينو
و الله فكرة حلوة ان اللي وراه يبلغ عنه يا ريت فعلا تطبق هنا
بس هنا هياخدوها هيصة و كل واحد قرفان من حد هيبعتها
و طبعا المرور هو المستفيد ههههههه الفلوس هتبقي بالرز
الموضوع ده يطبق في حالة واحدة الناس تبتدي فعلا تبقي خايفة ع بلدها و عايزاها نضيفة طول الوقت
و انا فعلا شايف ان في ناس كتير بتحب البلد و خايفين عليها و عايزين يخلوها عالطول نضيفة
بس للأسف نعمل ايه في الناس اللي عايشيين في دنيا تاانية و كل واحد بيقول انا مالي يعني انا اللي هصلحو ما الناس بايظةو انا يعني اللي فيهم و الكلام الفارغ ده المفروض لو عازوزين الباقي يتغير نبتدي بنفسنا
كنت راكب مرة مع واحد قريبي ، وبعد ما فول العربية كان فيه فايص من التانك وعمال ينقط من تحت
كنا مرعوبين جداً من حوار السجاير ده
بس الحمد لله ربنا ستر
ربنا يسترها