الموضوع: اتفقت على لانوس2008

المشاركة الأصلية كتبت بواسطة ragab

الحمد لله انا اتفرجت على عربيىة2008 امبارح عاملة 60 الف كيلو رشة حزام خارجى وصاحبها قالى خد العربيىة ووديها زى منت عايز طبعا انا مش فاهم حاجة فى العربية الاننى كنت راكب فيورا 85 ودى طبعا غير دى خالص فبعد اذنكم اودى العربية فين علشان اتاكد ان كله تمام ارجو الاهتمام

محطه بنزين شيل في اول الهرم من بعد النفق ,, الكشف بالكامل على العربيه بيتكلف 99 جنيه

يشمل الكشف :-
1- الكشف على كبس وكفاءه الموتور
2- الكشف على دواخل وخوارج العربيه
3- الكشف على العفشه والكبالن
4- فحص الحاله العامه للعربيه (سواء داخل الكابينه او حوض الموتور او الشكل العام)

بالإضافه الى :-
1- فحص عن طريق مهندس موجود في المحطه بيكشف على العربيه بنفسه وبيقولك عيوبها ومميزاتها بما يرضى الله
2- تسليمك تقرير مطبوع من على الكمبيوتر مكتوب فيه حاله العربيه بالظبط
3- لو ظهرت مشكله في العربيه عند الفحص المهندس بيقترح عليك الحلول وتكلفه الحلول دي اد ايه
4- تقدر تعرف من المهندس ده على جنب كده سعر العربيه مناسب ولا لا

العنوان بالظبط :-
اول محطه شيل على اليمين وانت داخل شارع الهرم من بعد النفق - هتلاقي محطتين شيل ادام بعض (هي على اليمين) , ومواعيد شغلهم على ما اتذكر من 9 صباحاً لغايه الساعه الساعه 9 بالليل

بس نصيحه : متحاولش تسيب صاحب العربيه من الصنايعيه اللي بيشكفو على العربيه لوحدهم عشان ممكن يلاغيهم بكلمتين وتيجي على دماغك انت

وكمان حاول تقييم العربيه انت من وجهه نظرك لانها 2008 يعني وانت بتشوفها اعتبر نفسك بتتفرج على عربيه زيرو , طبعا مش شرط في الشكل بس اقصد في المضمون

وبعدين بصراحه 65 الف كيلو دي كتير شويه على عداد لانوس 2008
انا معايا لانوس 2000 وعامله لغايه دلوقتي 115000 كم , يعني حوالى 11 الف كم في السنه , يعني لو العربيه 2008 المفروض تعمل نص العداد المذكور تقريبا

ملحوظه :- المفروض قبل ما تروح المحطه للكشف على العربيه تتفق مع صاحبها ان لو ظهرت اي عيوب بخلاف اللي انت عرفتها منه خلال الاتفاق هو اللي هيشيل الـ 100 جنيه المدفوعه

لو رحت بنزينة الهرم دي (أنا كشفت فيها على عربيتين) خد بالك إن مفيش غير واحد بس بيفهم والباقيين يا إما نصابين يا إما بطيخ !
للأسف مش فاكر اسمه الميكانيكي ده .
الباقي (والله العظيم) فتايين .

المشاركة الأصلية كتبت بواسطة tompina

لو رحت بنزينة الهرم دي (أنا كشفت فيها على عربيتين) خد بالك إن مفيش غير واحد بس بيفهم والباقيين يا إما نصابين يا إما بطيخ !
للأسف مش فاكر اسمه الميكانيكي ده .
الباقي (والله العظيم) فتايين .

انا بمنتهى الأمانه اتعاملت معاهم ما يقرب من 10 مرات وبصراحه محستش الكلام ده !!! لان على الاقل الواحد بيكون واقف وشايف كل حاجه بعنيه ويقدر يفرق بين الصح والغلط

بس عالعموم مشكور على التوضيح

المشاركة الأصلية كتبت بواسطة bshndi

فمع إحترامي للصنايعيه الموجودين في البنزينه فهم لايرون إلا جانب واحد من العيوب أو علي أقصي تقدير إثنين وهو ما يعرفونه بينما التوكيل قصة مختلفة

طيب حضرتك كان ليك تجربه مع البنزينه دي او غيرها ؟؟؟

المشاركة الأصلية كتبت بواسطة mohammad_alshamy

انا بمنتهى الأمانه اتعاملت معاهم ما يقرب من 10 مرات وبصراحه محستش الكلام ده !!! لان على الاقل الواحد بيكون واقف وشايف كل حاجه بعنيه ويقدر يفرق بين الصح والغلط

بس عالعموم مشكور على التوضيح

المشاركة الأصلية كتبت بواسطة mohammad_alshamy

:oc_sun1[1]:

ما هو الراجل اللي بقول عليه ده طلع لي المستخبي في عربية نوبيرا كنت هاشتريها .. نص عمرة وتأخير في الجير وكفاءة موتور 50% ومشاكل في العفشة والشاسيه وخلافه .
المرة التانية الراجل ده ماكانش موجود اللي هناك قالولي عن عربية تانية إنها (حلوة) ! .. بس كده وخلاص ..
(ملحوطة: في المرتين كنت دفعت المعلوم)
والعربية اللي اشتريتها رحت بيها عندهم عشان يغيرولي زيوت وفلاتر كانوا هايتسببوا لي في مصيبة .
خلوا الفرامل واخدة هوا وكنت هاعمل حادثة فظيعة وهادهس واحدة ست في شارع الهرم لكن ربنا ستر .