الموضوع: أيه رأيكم في سامسونج ستار

المشاركة الأصلية كتبت بواسطة El.Hossieny

ايه يا حمادة .... انت بعت ال 81 و لا ايه ؟؟

no ...... but i need anew one

كتليفون هو كويس اوى ومريح سواء فى كتابه الرسائل او مرونه الاوضاع فيه او صوت السماعه او البطاريه اللى بتقعد وقت طويل جدا جدا فعلا , كذلك تصفح الاسماء مريح جدا وسهل جدا حتى وانت سايق

كتطبيقات تعبان جدا جدا , برامج الجافا قليله واللى موجود منها وظايفه بسيطه قوى وزود على كدا كمان صعوبه تركيب خلفيه للتليفون لأن ليها 3 اوجه بيتم عرضهم ودايما هتلاقى الخلفيه مش مظبوطه زى ما انت عايز الا بعد محاولات كتير

ال widget اللى على الشاشه الرئيسيه تحفه تحفه بكل المقاييس , هتفتحها تلاقى فيها كل الوظايف اللى انت محتاجها وممكن تعدل فيها براحتك وتسحبها برا القائمه تستعملها وترجعها تانى لما تخلص , بشكل عام واجهه المستخدم فيه تاخد 15 من 10

الانترنت فيه كويس قوى كتصفح بس طبعا هو مبيدعمش 3G فأبطأ من منافسيه فى التحميل بجانب ان الناس اللى معاه النسخه الواى فاى بتشتكى من صعوبه خطوات الاتصال فيه

مش سريع بالشكل اللى يتقال عليه ممتاز بس تقدر تقول عادى وبيبقى فعلا بطئ لو مثلا مشغل ال Music player وبتتصفح التليفون او بتفتح صور , بس فى المقابل بيشيل كروت لحد 8 جيجا مرتاح ورسمى هو بيشيل لحد 16 جيجا

حساسيه الشاشه كويسه جدا وحجمها يعتبر الاكبر فى فئته فعلا بجانب مقاومتها فعلا للخدوش حتى لو استعمالك وحش , وجسم التليفون نفسه خامته حلوه وبيستحمل الخبطات

صوته فى السماعه الخارجيه تحفه وعالى جدا وكذلك سماعه الاذن صوتها كويس بس مش ممتاز السونى مثلا افضل منها

بشكل عام او افضل قيمه ماديه لكن لو هتستعمله فى تطبيقات كتير هيخنقك , انا استخدامى عليه تليفون ومريحنى جدا فى سهوله التعامل وطول عمر البطاريه وشكله الغالى وخامته الكويسه وقوه استقباله وبيضايقنى بقا فى انه بطئ فى البرامج او فى فتح ملف مليان صور مثلا

thx mr.ahmed