مشكلة في الدركسيون؟

**hosam2010** · 14-01-2008 10:17 AM

أنا عندي في سيارة بروتون واجا ٢٠٠٥ لما بدور العربية الصبح أول لم بحرك الدركسيون بسمع صوت طقة لو مشيت بالعربية شوية لحد متسخن الصوت مبيظهرش هل ده عيب في علبة ال دركسيون؟
سؤال أخر:لم بكون معشىء على D... وبفرمل أو بشيل رجلي من على الفرامل بسمع صوت تذييء ف هل دة طبيعي علما إن التوكيل الإن دة عادي فل اتوماتيك

**aboalm** · 14-01-2008 09:25 PM

صوت التزييئى ده يحصل كتير فى الاتوماتيك لان الفرامل بتفضل محمله بسيط لحد ما تشيل رجلك خالص و مش عارف ليه فى الاتوماتيك بس بصراحه

**mohamed el hussien** · 15-01-2008 03:37 AM

صوت التزييق دة عادي
في اي اتوماتيك

بس صوت الدريكسيون غريب شوية
بس انا متهيألي حاجة بسيطة
لما تروح الصيانة ابقي اعملة ان شاء اللة
ومتقلقلش مش علبة دريكسيون

**eng_elnaggar** · 15-01-2008 01:49 PM

موضوع الطقة ده عندي بالظبط في عربيتي بنفس الوصف اللي انت بتقوله وانا معايا واجا 2007 وكنت ناوي اسألهم في التوكيل لما اروح المرة الجاية ويا ريت لو سألتهم تطمنا...

**hosam2010** · 16-01-2008 10:25 AM

شكرا للجميع علي الردود و ان شاء الله لما اروح التوكيل هاطمنكو و لكن للاسف انا مشغو اوى الفترة دى

**memo_hefnawy** · 16-01-2008 11:57 AM

هى المشكلة دى سمعتها كثير فى الجين 2 لكن أول مره أسمعها فى واجا

و أصل المشكلة إن العربية متصممة يمين مش شمال (إنجلترا و ماليزيا) عربيتهم يمين ولما بتنزل أسواق عربيتها شمال ذى مصر بتظهر المشكلة دى و الله أعلم

**sab3aawy** · 16-01-2008 12:15 PM

لو الطقة دى لو هى عبارة عن طقة واحدة فقط لما تلف الديريكسيون وبتتسمع على الواقف أو على سرعات بسيطة وليس على السرعات العادية او العالية يبقى دى تريح السوستة بتاعة المساعد على البطاحات، تزول لو حطينا شوية شحم على طرفى السوستة السفلى والعلوى وربطنا البطاحات كويس

بالنسبة للتزييق فده عادى لان لما بنحط الفتيس على D الموتور بيحاول يشد العربية، فى حين ان رجلك لسة على الفرامل فده بيخلى العفشة تتحرك وتعمل التزييق ده

نفس التأثير ممكن تشوفه فى عربية مانيوال لو حاولت تطلع بالعربية على الأولانى وانت شادد فرامل اليد

**hosam2010** · 16-01-2008 03:50 PM

شكرا ياباشمهندس سبعاوي هو فعلا ذي منته بتقول مع العلم انها بتحدث عندما ألف الدركسيون من الشمال إلى اليمين فقط وليس العكس ولكن ولغريب أنه عندما تسخن العربية كويس يعني لما مؤشر الحرارة يكون عند المنتصف لا أسمع الصوت أو نادرا ما أسمعه