عرض للطباعة
405 موديل 99 فابريكة دواخل ورشه بره نظافة لونها زهبى عامله 180000كيلو وشكلها جميل والكاوتش تعبان والصالون بحالة الفابريكة عايزة دسك تعمل كام بما يرضى الله وعلى فكره العربيه دى تانى يد تعمل كام وايه النصيحه قبل الشراء علشان انا هابيع الزلاموكه واجيبها علشان اخلص من اشتغالات المرسيدس وهل دى كمان فيها اشتغالات ولا لا بالنسبه لقطع الغيار والصنايعيه افيدونى جزاكم الله خير بحياديه على فكره الراجل ماسك على 44 ومش عايز ينزل حاجه
ولا واحد رد عليا فعلا ونعم الشباب
يا سيدى بلاش زعل
جايز محدش عنده معلومة أكيدة
انا برضه معنديش معلومة أكيدة
بس أظن ان السعر ده كويس مقارنة بالأسعار اللى بتيجى فى الوسيط او كونتاكت
يا رب حد من الأعضاء يبقى عنده خبرة فى الأسعار يرد عليك
في موضوع مثبت في المنتدى فيه كل حاجة عن البيجو 405 بما فيها مميزات وعيوب واسعار قطع الغياراقتباس:
المشاركة الأصلية كتبت بواسطة monamor_kill
تعمل 45-47 الف لو حالتها نضيفة اوى وممكن تنزل عن كدا كمان الف الفين على حسب صاحبها بقي
ومعلش على التأخير ولكن المنتدى بتاعنا فيه كل حاجة بس نصيبك بقي جه فى انشغال اغلب الاعضاء
+111111111111اقتباس:
المشاركة الأصلية كتبت بواسطة the-hero
بس ركوبتها ما لهاش دعوة بالزلموكة خالص هاتحس بفرق المرسيدس متعبة شوية فى التصليح بس ما تتعوضش لو عربيتك و انت عارف لها من زمان يبقا حرام تفرط فيها و ربنا يوفقك و البيجو كويسة بس ديه عربية فى ناحية و المرسيدس فى ناحية تانية خالص
يعنى انت رأيك يا استاز احمد ان انا مش ها تعجبنى البيجو بعد الزلاموكة طب ممكن اعرف من حيث ايه وخصوصا ان انا كنت راكب مرسيدس معدل وبعدها نوبيرا وقعدت معايا شهر وبعتها
هاتفرق طبعا فى كل حاجة اولا الاداء هايختلف اللى انت متعود عليه فى المرسيدس مش هاتلاقيه الدواخل نفسها و قعدة الكراسى و راحتك فى الركوب و التحميل و العزل الداخلى الثبات مش هوا طبعا انا ما بقللش من البيجو بالعكس عربية ممتازة بس انت كده بتنزل بالمستوى عن المرسيدس انا ركبت الزلموكة و عندى الكورولا الللى فى الصورة الناس بتسميها الملكة و على عينى و على راسى بس ركبت الزلمكة و سقتها حسيت اننى فى عالم تانى و كانت موديل 90 يعنى بقالها 20 سنة بتدح فى الطريق احساس المرسيدس مختلف تمامااقتباس:
المشاركة الأصلية كتبت بواسطة monamor_kill
و شوف فى الفيديو ده عملوا ايه فى الزلمكة
YouTube - Fifth Gear TV show, killing a nice Mercedes!!
البيجو احساس تانى ..غير المرسيدس .. النعومة والرقة من غير صوت .. لكن المرسيدس لازم تحس فيها القوة الشديدة ..وصوت الموتور وعافيتة .. لكن بالتأكيد لآزم فى كل الاحوال تكون السيارة a 1