المشاركة الأصلية كتبت بواسطة ghazy12
هو في مواصفات قياسيه مصريه للسيارات و انا ماعرفش..!!!!
يا جماعه مافيش كلام من ده والله, المصري هو هو الخليجي في الأساسيات,
و يختلف فقط في الكماليات, و على حسب التوكيل ما هيطلب, لكن الخليجي
و المصري واااااااااااااحد... الفرق الوحيد كماليات...
ده لسه وزير الصناعه بيفكر يعمل المواصفات و يبدأ في تطبيقها السنين القادمه
و ربنا يديني و يديكوا طولة العمر و نشوفها قبل ما نعجز و نبطل نركب عربيات
بالنسبه لقصة ان التوكيل مش هيعمل صيانه للخليجي, فالواضح انه اتجاه عام
لكل التوكيلات المصريه, نظراً للانتشار الفظيع للخليجي, و قلة مبيعات التوكيلات
بس بشكل عام, التوكيل له الحق انه يرفض صيانة الخليجي لأسباب...
1- تقليل نسبة الازدحام على الفروع الخاصه بالصيانه
2- الاهتمام بالعميل الأهم بالنسبه لهم و هو, العميل اللي اشترى وكيل..!!
3- زيادة كفائة الفروع
4- سهولة مراقبة الجوده و حل المشكلات نظراً للعدد القليل في مراكز الصيانه
5- زيادة نسبة مبيعات التوكيل و موزعيه المعتمدين
6- حدوث بعض المشكلات في الخليجي و اللي هي مش من اختصاص التوكيل
لأنه بيعمل صيانه بس, لكن المشكلات دي بيتدبس فيها التويكل و بيكون ملزم
بحلها و اصلاح كل العيوب نظرا لأنه قبل من البدايه عمل الصيانه للخليجي
و طبعاً العيوب دي مش عيوب صناعه أكيييد... لككن عيوب عاديه و ممكن
تحصل في المصري و الخليجي, بس التوكيل بيعتبر نفسه مسؤل عن المصري فقط
دي وجهة نظري بشكل عام...