صيانة ال 5000 مع تركيب باركينج سينسور و وحدة رفع و غطاء مضئ للمرآه

الحمد لله عملت صيانة ال 5000 فى مودرن موتورز اللى فى أبورواش... و مشفتش العربيه لحد م جت للغسيل .... المهم اللى عرفته إن الصيانه كانت كشف على العربيه و تربيط عفشه و مغيرتش زيت و تكلفة الصيانه 75 جنيه -بدون الضريبه-
و مع خالص شكرى و تقديرى للباشمهندس / محمد حمام .... لإنه كان السبب فى إنى أفكر فى إضافة باركينج سينسور و وحدة رفع .....
ركبت باركينج سينسور ... و تكلفته 330 جنيه
وحدة رفع ...... و تكلفتها 330 جنيه
غطاء مرآه مضئ - بإشارات يعنى - .... و تكلفته 500 جنيه
المهم الصيانه و التركيبات إتكلفت 1300 جنيه
و إن شاء الله هبقى أرفع لكم صور للإضافات
المهم مسئول بيع الإكسسوارات هناك هو المهندس سامر رشوان و ده رقم موبايله لو حد عايز يستفسر على ثمن أى إكسسوار 0127161065 و هو وافق إنى أحط رقم تليفونه

الناس هناك واضح إنهم محترفين تقنياً ... بس مزحومين ....و محدش سلمنى العربيه لما خلصت - خصوصاً إنى عامل إضافات - بس جربتها مع نفسى
أعتقد إن الباركينج سينسور و وحدة الرفع فعلاً مهمين .... و أعتقد إن سعر غطا المرايه مغالى جداً فى سعره و مكانش فيه داعى لتركيبه أصلاً
عموماً ده اللى عملته و يارب يكون فيه إفاده لإخوانى الصناويه

هي العربية نوعها ايه ؟

اقتباس:

---

المشاركة الأصلية كتبت بواسطة abou_ruqi

هي العربية نوعها ايه ؟

---

Ex-Saloon 2010 Auto

مبروك الاضافات بس فعلا غطاء المرايا غالى ويه بس هل هو نيكل وفيه اشاره ولا فبر عادى.
وكمان ان مفيش حد يسلمك العربيه دى حاجه مش كويسه برده

اقتباس:

---

المشاركة الأصلية كتبت بواسطة elsayed

مبروك الاضافات بس فعلا غطاء المرايا غالى ويه بس هل هو نيكل وفيه اشاره ولا فبر عادى.
وكمان ان مفيش حد يسلمك العربيه دى حاجه مش كويسه برده

---

الله يبارك فيك ....
غطا المرايا فيبر عادى و مكنش فيه لون العربيه ف رشوه الأول .... فيه إشاره و شكله جميل بس فعلاً غالى .... بالنسبه لموضوع التلسيم فعلاً أنا حكيت اللى حصل بالضبط ... و طبعاً دى حاجه مش كويسه

على فكره انا اشتريت غطاء نيكل للتيدا بتاعتى وبه اشاره بس كمان زى اللى فى الفبر ومصنع للتيدا. بس لسه مركبتوش لانى خارج مصر واشتريته من هنا

اقتباس:

---

المشاركة الأصلية كتبت بواسطة elsayed

على فكره انا اشتريت غطاء نيكل للتيدا بتاعتى وبه اشاره بس كمان زى اللى فى الفبر ومصنع للتيدا. بس لسه مركبتوش لانى خارج مصر واشتريته من هنا

---

بس فى التوكيل قالولى إنهم بيركبو حاجة الكهربا من عندهم و مبيركبوش حاجه من بره

واخبار المرايات الضم ايه ؟ زي اللي في السوبر صالون ؟ ممكن يركبوها ؟

اقتباس:

---

المشاركة الأصلية كتبت بواسطة د.محمود صلاح

واخبار المرايات الضم ايه ؟ زي اللي في السوبر صالون ؟ ممكن يركبوها ؟

---

ممكن تركب بس السعر 1600 جنيه

اولا الف الف مبروك الصيانة وكمان مبروك الاضافات اللى عملتها فى العربية
تانى حاجة ياراجل كنت تقول انك هناك ,لانى كنت هناك فى الوقت ده برضوا وقبلت سامر اللى ماسك الكماليات هناك ,وقالى ان كان فى حد من النايل بردوا قابله ,فاظهر انه كان انت , انا جيت وقت الساعة 1 ومشيت وقت 4 العصر
واحب اقول ان سامر راجل محترم فعلا وخدوم وتوكيل مودرن فرع ابورواش رائع بجد , وطلعونى بعرببية لغاية كارفور كمان من الشركة عشان مقدرتش انتظر فى التوكيل وحبيت اضيع وقت عقبال ما يخلصوا

واحب اقولك انى انا كمان ركبت زيك غطاء بالاشارة للمرايا الجانبية وكان غاالى بردوا يمكن اغلى كمان من اللى انت ركبته ,بس ده حال التوكيل انت عارف ده الطبيعى ,بس شكله شيك جدا وغير فى شكل العربية
ولما استلمت كان المهندس سامر معايا وسلمنى , يمكن انت فى الوقت اللى استلمت فيه كان فيه زحمة وقت الظهر , وبعدين كنت طلبت ان حد يسلمك واعتقد انهم مش حيمانعوا لانهم ناس ذوق جدا

انا بصراحة اللى جننى وكان نفسى اركبه بس الفلوس قصرت معايا والمرة الجاية ناوى عليه هو الزينون , لانهم عاملين عليه عرض ب990 جنية وكان سعره الاول 1700 ونوع تايوانى ده اللى تحفة بجد
مرة تانية مبروك الصيانة

عفواً أخى و زميلى العزيز و ألف مبروك و ربنا يديك خيرها و يكفيك شرها و نسمع عنك كل خير إن شاء الله

اقتباس:

---

المشاركة الأصلية كتبت بواسطة ahmedmostafa_tv

اولا الف الف مبروك الصيانة وكمان مبروك الاضافات اللى عملتها فى العربية
تانى حاجة ياراجل كنت تقول انك هناك ,لانى كنت هناك فى الوقت ده برضوا وقبلت سامر اللى ماسك الكماليات هناك ,وقالى ان كان فى حد من النايل بردوا قابله ,فاظهر انه كان انت , انا جيت وقت الساعة 1 ومشيت وقت 4 العصر
واحب اقول ان سامر راجل محترم فعلا وخدوم وتوكيل مودرن فرع ابورواش رائع بجد , وطلعونى بعرببية لغاية كارفور كمان من الشركة عشان مقدرتش انتظر فى التوكيل وحبيت اضيع وقت عقبال ما يخلصوا

واحب اقولك انى انا كمان ركبت زيك غطاء بالاشارة للمرايا الجانبية وكان غاالى بردوا يمكن اغلى كمان من اللى انت ركبته ,بس ده حال التوكيل انت عارف ده الطبيعى ,بس شكله شيك جدا وغير فى شكل العربية
ولما استلمت كان المهندس سامر معايا وسلمنى , يمكن انت فى الوقت اللى استلمت فيه كان فيه زحمة وقت الظهر , وبعدين كنت طلبت ان حد يسلمك واعتقد انهم مش حيمانعوا لانهم ناس ذوق جدا

انا بصراحة اللى جننى وكان نفسى اركبه بس الفلوس قصرت معايا والمرة الجاية ناوى عليه هو الزينون , لانهم عاملين عليه عرض ب990 جنية وكان سعره الاول 1700 ونوع تايوانى ده اللى تحفة بجد
مرة تانية مبروك الصيانة

---

أشكرك شكراً جزيلاً .... و الف مليون مبروك على الإضافات اللى عملتها
فعلاً حظى مش حلو علشان م قابلتش حضرتك هناك .... بس إن شاء الله نتقابل - و ده أكيد هيبقى من حسن حظى - ..... انا كنت هناك الساعه 10 صباحاً و مشيت الساعه 2 ظهراً -تقريباً-
هم فعلاً شغلهم واضح إنه كويس ... بس زحمه حبتين

اقتباس:

---

المشاركة الأصلية كتبت بواسطة mohamedhamam

عفواً أخى و زميلى العزيز و ألف مبروك و ربنا يديك خيرها و يكفيك شرها و نسمع عنك كل خير إن شاء الله

---

الله يبارك فيك يا باشمهندس .... و جزاك الله كل خير .... المفروض توكيل الصنى يدولك هديه علشان طلعت فكرة الإضافات فى دماغ الصناويه:F_eyeb1[1]: