بصراحة انا مش عارف مين المهندس الجهبز اللي عمل اليوتيرنات الكتير ديه لأنها بقت علامة الجودة للشوارع المصرية دلوقتي ههههه
و يا تري تعرف مين اللي جاب المهندس الجهبز ده؟!!
ده معليش مش بسبب الحكومة ده بسبب الناس اللي بينزلوا يعملوا الشارع اللي بيكبروا دماغهم و ميكملوش بقيت الشارع و انا شوفت الكلام ده قدامي و برده دلوقتي انا ملاحظ ان شوارع كتير بدأت تتعدل عن الأول
و الناس دول برضو مين اللي اتعاقد معاهم و مين اللي تابع شغلهم و استلم منهم؟!!
اولا انت بتكلم في حاجة من اواخر التمنينيات اتخططت ثانيا لما ميقدروش يوصلوا المترو سعتها اتكلم انما هما شاغلين ع قدم و ساق عشان يوصلوها لما ميقدروش بقي ساعتاه ابقي روح اتكلم
كلامك ده ان دل فيدل علي ان حضرتك حاطط كل الاعذار للي خطط و عامه اسلوب كلامك ده غير علمي او واقعي
لما دكتور يعملك عمليه و ينسالك فوطه جوه بطتك هيكون رده عليك لو معرفتش اشيل الفوطه في عمليه تانيه ساعتها تبقي روح اتكلم؟!!!
مهو لو الناس بتحترم المرور و مش بيسوقوا بتهور مش هنلاقي المطبات ديه انما هنعمل ايه بقي في الللي مي بيحترم المرور
و علي القياس ده حضرتك بقي اكيد هتوافق علي منع استخدام السكاكين لأن الناس بتسيء استخدامها و بتموت بعض بيها
هو انا معاك انه معمول بعوجة سودا و لازم يتعدل
للاسف مش هينفع يتعدل الا اذا النفق كله اتحفر من تاني و انا عندي شك انه كان معمول علشان العربيات تمشي فيه عكس الاتجاه الحالي (و تخيل كده الوضع لو العربيات مشيت فيه عكسي هتلاقيه كويس و كمان ساعه ما اتعمل كانت اشارات الاسهم علي الارض عكس الوضع الحالي)بس انا مش فرحان ان حضرتك ايدتني و ملمتش الناس اللي عملته
لامعليش لأن كل المحطات كان عليها تندات لكن هنعلم ايه بقي في المخربيين اللي بيبوظوا المحطات و الحديد اللي بيتسرق و يتباع و شعان اوفر عليك سؤال كمان مين اللي بيخرب الاتوبيسات و يبوظ الكراسي بتاعتها
علي اي اساس حضرتك واثق كده؟!
و هل احنا في مصر عندنا ناس همجيه لا تقبل النظام دونا عن باقي شعوب العالم؟!!
و عموما متشكر علي توفيرك سؤال ليا كمان بس مكنتش هسأله لأني لو سألته و جاوبت عليه اجابتي مش هتعجب حضرتك ولا هتكون في صالحي
بص معليش برده متكلمش ع الموصلات اظن الموصلات القديمة كلها اتلغت مبقاش موجود غير قليل اوي في الاماكن الشعبية
و جيه مكنها ميني باصات نضيفة و بعضها مكييف بس للأسف السواق معندوش ضمير و بيركب ع الفاضي و المليان و العربية تتبهدل و كل ده شعان خاطر ميعملش اكتر من دورة في اليوم و كمان عشان ياخد نسبة اكبر لأنها عمليه طردية كل ما جاب تذاكر بياخد نسبة كويسة
ليه دايما ليك اسلوب سد الافواه و الحجر علي رأي غيرك
الواقع الاعضاء في المنتدي شابفاه في الشوارع
و كان الله في عون السواق اللي حضرتك بتتهمه ده
و هل حضرتك ليك علم بالملايين اللي السواق بيلهفها و يقاسمها علي المشرفين و المراقبين و المسئولين علي متابعته؟!!!!
لا معليش انت كده بقي مش عايش في مصر لأن كل المولات طالعة و تحتيها جراجات
انا مش عايش في مصر؟!!
برضو اسلوب معين في الكلام لا احترمه
انزل يا فندم عند اي مول و شوف الجراج او ما يسمي بالجراج اللي تحته هل بيكون مليان و مغطي كميه السيارات ولا لأ
و لو مش فاضي تنزل الجراجات دي تبقي بص علي عدد صفوف الانتظار
ده لو حضرتك معانا في البلد
لما تحب تشتري حاجة ساقعة و لا باكو بسكوت هتروح تجبها منين من الصحرا و لا هتروح تدب مشوار كل 5 دقايق تجيبها من هايبر ماركت
تابع الاسلوب اياه في الكلام و المنطق المغلوط
انا مش هقول غير حاجة واحدة بس انت اتكعبلت فيه قبل كده او وقعت عليه ؟ للاسف حصل و ربنا ستر و ركبتي كانت داخله في سهم من الاسهم دي
و قبل كده برضو اتكعبلت فيما تبقي من عامود اعلانات علي رصيف من الارصفه
بس لو سمحت بلاش ترمي اللوم عليا في النقط دي
لا سكران ولا ماشي نايم ولا حاجه
جرب المشي في الشوارع علي الارصفه و احكم
و كمان ايه هتسافر و تسيبها سيبها و انساها و انسي انك اتربيت فيها
اللي ملوش ارض ملوش عرض و من خرج من داره اتقل مقداره بس روح و وريني هتعرف تاخد حقك ازاي برة لو حد عملك حاجةاما احنا بقي هنشبع بيها براحتنا و مهما حصل فيها عمرنا ما هنسيبهاو نحاول نصلحها مش هنفضل نقول كلام و نشتكي و بس http://www.nilemotors.net/nile/image...t-bot-left.gif
للاسف برضو الاسلوب اياه في التعامل
و باقي امثله خيبانه كتير......
اللي نعرفه احسن من اللي منعرفوش
يا بخت من بات مغلوب ولا باتش غالب
البلد دي احسن من غيرها
اصرف ما في الجيب يأتيك ما في الغيب
اللي فاته الميري يتمرمغ في ترابه
و بقيه امثله كتير من الامثال المتداوله في مصر
للاسف حضرتك مؤمن تماما ان الوضع كده فل الفل و العيب من الناس
و دي قناعتك و انت حر فيها
بس لو عندك علم الناس بره عايشين حياتهم ازاي تبقي تعالي اتكلم مش بس ترمي كلمتين و كأني خاين مليش اصل و انت اللي ابن بلد!!
و الحمد لله امثالي مش بتوع كلام بتوع الكلام و الشعارات الرنانه هما اللي بيقولو نفس كلامك و الوقع اهوه قدامك
البلد بقت مفضوحه لجميع سكان الارض و مازلت حضرتك مؤمن ان البلد حلوه و جميله و الشعب هو اللي ابن ستين في سبعين!!!!!!!!!!!!!!!!!
و بعدين بلاش اسقاط انا مش المتسبب في حال البلد
و بلاش كلام معايا بأسلوب العيال الصغيره
انا بحب بلدي الحمد لله و نفسي تكون احسن و احسن
بس امثالك في التفكير هما اللي حاجرين علي امثالي
الاعتراف بالاخطاء و محاوله اصلاحها هو الاسلوب الناجح
ولا نمسك طبله و نهلل ان كله تمام ولا كان في الامكان ابدع مما كان؟!
شكلك كمان مخدتش بالك من الكلام اللي قولته انا قولت 90 في المية ههههههه و ربنا يهدي الجميع