لسكان مدينة نصر المترو ( الترام يعني ) ولا نوسع الشارع

**abdo_general** · 01-04-2010 06:37 PM

يا جماعة انا محتار بجد في مدينة نصر
ومش لاقي حل
غير ان احنا نشيل المترو خالص ونوسع الطريق يبقي مافيش رصيف في النص الا زي الي علي كورنيش اسكندرية يا دوبك وفصل بين الرايح والي جاي
او حتي لو دا مش هينفع يبقي يا دوبك رصيف رفيع اوي وظيفته برضه الفصل بين الرايح والي جاي
اعتقد كده هنبقي وفرنا كتير
ولو نفس الفكرة عملناها في شارع مكرم عبيد وعباس العقاد وامتداد مصطفي النحاس لناحية الحي السادس ويوسف عباس وشارع ذاكر حسين لحد التجمع واحمد الزمر
كل الشوارع الي انا ذكرتها دي من النوع الي بيحتوي علي رصيف من النوع العريض اوي
انا عارف ان فيها حضرة وشجر
بس خلاص بجد جيه الوقت ان احنا نشيلهم ولو اتظبطت المرور ومحدش يركن صف تاني
اعتقد زي ما خيالي بيقول هتبقي في فرق كبير اوي
خصوصا لو الشوارع لما توسع تتسفلت كويس
علشان الشارع ممكن يبقي فاضي مش زحمة اوي بس فيه كسرات كتير وطبعا
كل واحد خايف علي عربيته فا ماشي علي مهله اوي وبالتالي بيسبب تكدس العربيات

من ناحية تانية
واحد صاحبي بيقولي لاء مش هيشيلو المترو دول هيصلحوه ويبقي احسن
علشان مدينة نصر مش هينفع يبقي فيها مترو انفاق
وهيبقي شغال

هتفتكرو مهما عملو في المترو دا هيبقي حل ؟؟
دا انا فاكر زمان لما كنت بركبه سعات للترفيه بروح مصر الجديدة في ساعتين
هل انهي حل فيهم انتو شايفينه يبقي اصلح لمدينة نصر
للتخلص من الازمة المرورية الدائمة 24 ساعة

**m2die4** · 01-04-2010 06:55 PM

يا باشا ممنوع اى شجره تتشال من مكانها , و موضوع الرصيف الصغير حلو بس الناس حطير عليه و يخبطو فى بعض و بالاخص لما الطريق حيسلك و معظم الناس شباب , اداره المرور شغاله مش واقفه , الفكر دلوقتى انه يقفل معظم اليو ترن علشان اليروح ميرجعش و بتنجح بنسبه 60% عملى ( قدامنا ) بس الشارع بيتزحم من منطقه اليو ترن الواحد ( ال هما سايبينه ) و شارع الطيران صباح الذكاء قبل المحلاوى ( فى زى مفرق على قده كده بيلفو على بعض زى دايره , النتيجه ( الشارع كله وقف رايح جاى معدى لحد ما يجى سوبر مان ) يقعد يزعق للاغبياء المصمين حتى لو مشيت عجله يلزق فى القدامه و عامل نفسه من الهند مش فاهم هو غلطان فى ايه , مصطفى النحاس ده ملوش حل شيل المترو كبر الشارع مش حتفرق علشان دى يوترنات اتعمل عليها شارع مش العكس , يعنى الناس كتر خيرهم كل نص متر يوترن علشان لو نسيت حاجه فى بتكو و لا حاجه ترجع عباس العقاد برده زى الفل كل الزحام على اليوترن القبله فتحه الشارع الداخلى و الناس عايزه تقطع الشارع يعنى برده اليوترن

كل ده ميمنعش الناس اللطيفه ال المدام عايزه تشترى حاجه فيقف صف سادس مش تانى و عادى جداً انو يسبلنا حاره نمشى منها

**د.محمود صلاح** · 01-04-2010 10:42 PM

المترو الترام لو اتحدث هيعمل حل للأزمة لكن انا مش مع شيله

**Amr Axel** · 02-04-2010 03:41 PM

انا من رأي
-مينفعش نشيل المترو(الترام) لأنه بصراحة بيربط مناطق كتير ببعضها و ناس كتير بيعتبر وسيلة نقلهم الأولي
- يبقي المفروض يحصل كالآتي :
- تجديده بالكامل او يجيبوا واحد غيره يكون نضيف و لسه جديدة يبقي ليه منظر بدل اللي عامل زي بور الجاز ده او حتي يصنعه محلي احنا صناعتنا المحلية في المواد التقيلة هايلة .
-ثانيا تقليل مساحة الرصيف اللي حواليه شوية.
مع تعليه الرصيف عشان يبقي عالي ومش خطر بدل لاقدر الله حد يوقع تحته.
-يتسور كله يتسور عشان محدش يعدي او يرمي زبالة ع الشريط زي ما بنشوف و يبقي مفتوح بس مكان المحطات لأن مهما نقول و نعيد الناس مش هتسمع الكلام يبقي مفيش غير ان يبقي في حل رادع بقي من الاخر انه يتسور و يكون مستوي ارتفاع السور في حدود مترين او مترين و نص عشان بس الشكل العام
و لو هنقول طب الناس تعدي ازاي و الطريق كله مقفول بسيطة يتعمل كوبري علوي للمشاه.
حاجة كمان هي ممكن غيري يشوفها كماليات بس انا شايفها مهمة
ان بين كل عربية يبقي في باب مقفول مفتاحه مع الكومسري و نسخة مع السواق عشان بدل ما الكومسري يفضل يتنطط من عربية لعربية يادوب بس يفتح يعدي يلم تذاكر و يقفل تاني ويرجع.
اهم حاجة بقي اوقات الشتا الشديدة و المطرة المترو بيواجه مشكلة انه بيعطل بسبب المطرة ساعات ,يبقي يتعمل زي عازل للمطر و هتكون فكرة بسيطة اوي لكن مفيدة اوي و مش هتكلف ولا اي حاجة خالص.
-في حاجة اخيرة بس اشك ان حد هيبقي معايا فيها ان في كل مفرق لعبور السيارات و عليه شريط مترو يتعمل زي حديد القطر كده ,لما المترو يبقي جاي الحديد يتقفل و يعدي يتفتح تااني و ده هيجنبنا حوادث اللي بتحصل دايما ع شريط المترو.

و اظن بكده تبقي مشكلة المترو (الترام) اتحلت نهائي و لا انتوا ايه رأيكم ..؟

اما بقي موضوع في مدينة نصر بالأخص فقبل تنفيذ كل ده المفروض يرجعوا يفتحوا التقطاعات تاني ( عباس العقاد - مكرم عبيد - الحي التامن) و مش هيخسروا حاجة من كام عسكري يظبطوا المكان و يسيبوا برده الدورانات(يوتيرن) كده العملية هيبقي في سيولة في المرور هناك و مش هتقف الوقفة السودا ديه.

**abdo_general** · 04-04-2010 01:22 PM

المشاركة الأصلية كتبت بواسطة axel

انا من رأي
-مينفعش نشيل المترو(الترام) لأنه بصراحة بيربط مناطق كتير ببعضها و ناس كتير بيعتبر وسيلة نقلهم الأولي
- يبقي المفروض يحصل كالآتي :
- تجديده بالكامل او يجيبوا واحد غيره يكون نضيف و لسه جديدة يبقي ليه منظر بدل اللي عامل زي بور الجاز ده او حتي يصنعه محلي احنا صناعتنا المحلية في المواد التقيلة هايلة .
-ثانيا تقليل مساحة الرصيف اللي حواليه شوية.
مع تعليه الرصيف عشان يبقي عالي ومش خطر بدل لاقدر الله حد يوقع تحته.
-يتسور كله يتسور عشان محدش يعدي او يرمي زبالة ع الشريط زي ما بنشوف و يبقي مفتوح بس مكان المحطات لأن مهما نقول و نعيد الناس مش هتسمع الكلام يبقي مفيش غير ان يبقي في حل رادع بقي من الاخر انه يتسور و يكون مستوي ارتفاع السور في حدود مترين او مترين و نص عشان بس الشكل العام
و لو هنقول طب الناس تعدي ازاي و الطريق كله مقفول بسيطة يتعمل كوبري علوي للمشاه.
حاجة كمان هي ممكن غيري يشوفها كماليات بس انا شايفها مهمة
ان بين كل عربية يبقي في باب مقفول مفتاحه مع الكومسري و نسخة مع السواق عشان بدل ما الكومسري يفضل يتنطط من عربية لعربية يادوب بس يفتح يعدي يلم تذاكر و يقفل تاني ويرجع.
اهم حاجة بقي اوقات الشتا الشديدة و المطرة المترو بيواجه مشكلة انه بيعطل بسبب المطرة ساعات ,يبقي يتعمل زي عازل للمطر و هتكون فكرة بسيطة اوي لكن مفيدة اوي و مش هتكلف ولا اي حاجة خالص.
-في حاجة اخيرة بس اشك ان حد هيبقي معايا فيها ان في كل مفرق لعبور السيارات و عليه شريط مترو يتعمل زي حديد القطر كده ,لما المترو يبقي جاي الحديد يتقفل و يعدي يتفتح تااني و ده هيجنبنا حوادث اللي بتحصل دايما ع شريط المترو.

و اظن بكده تبقي مشكلة المترو (الترام) اتحلت نهائي و لا انتوا ايه رأيكم ..؟

اما بقي موضوع في مدينة نصر بالأخص فقبل تنفيذ كل ده المفروض يرجعوا يفتحوا التقطاعات تاني ( عباس العقاد - مكرم عبيد - الحي التامن) و مش هيخسروا حاجة من كام عسكري يظبطوا المكان و يسيبوا برده الدورانات(يوتيرن) كده العملية هيبقي في سيولة في المرور هناك و مش هتقف الوقفة السودا ديه.

هو المترو مش بيربط مناطق كتير ببعضها في مدينة نصر
دا هو مصطفي النحاس كله ويوسف عباس
فا اي ميكروباص بنفس تذكرة المترو هيوصلك

بس انا معاك وبشدة في انهم يرجعو التقاطعات
وحتي يعملو فيهم بدل العسكري كاميرات
بدل اختراع اليوترون العبقري

**abdo_general** · 04-04-2010 01:27 PM

المشاركة الأصلية كتبت بواسطة bishoy02010

الموضوع بسيط قوى للى عندهم عربيات طبعا نشيل المترو وده هيحل مشاكل كتير وللى معندهمش طبعا منشلش المترو بس كده

لاء هيا مش كده خالص
اولا الي عندهم عربيات هيقولو نشيل المترو وهيوسع الطريق ويتحل جزء من الازمة المرورية في مدينة نصر

ثانيا الي مش عندهم عربيات
هو المترو بيربط بين مصطفي النحاس بطوله ويوسف عباس
يعني بيتهيألي نفس تذكرة المترو او بأكتر ربع جنيه او نص بالكتير اوي هيوصلك لنفس المكان
تمام
لو حضرتك بصيت علي الي بيركبو المترو هتلاقيهم مش كتير نظرا لسرعة سيره البطيئة جدا
ومش بيسلم من الزحمة في التقاطعات واليوترنات
وكمان اعتقد ان برضه الناس الي مش عندها عربيات هتئيد ان المترو يتشال
لانه هيحل الازمة المرورية بنسبة
بالتالي هو وهو راكب الاتوبيس مش هياخد وقت كبير
هيوصل اسرع
يعني التأثير مش هيبقي لصاحب الملاكي فقط

**member** · 04-04-2010 02:45 PM

نظام اليو ترن ده نظام فاشل،، الأول كان فيه إشارات قفلوها وعملوا يو ترن في كل حته بدالها بتوقف الدنيا خصوصا مع ثقافة الشعب المصري أن مفيش حاجة أسمها طابور، تلاقي السواق رايح أقصى اليمين عشان يلف وياخد اليو ترن شمال والدنيا تقف

الحل الشارع يتوسع شوية ويتعمل أنفاق أو كباري في المفارق، زي نفق العروبة ، كوبرى التجنيد، كوبري أحمد سعيد وهكذا ..

**amir** · 04-04-2010 03:45 PM

للاسف مدينه نصر حالها بقي ولا اجدع خرابه فيكي يا مصر
و لسه لما سيل المولات يفتتح
و الابراج و العماير تسكن
صباح الفل
و نتيجه لتراكم الاخطاء و حلها باخطاء العن و اضل سبيلا
بأتباع نظريه النظر تحت الارجل و عدم التفكير في المستقبل القريب حتي مش البعيد
فالحل مش هيكون بسيط او سهل
و انا الحمد لله فكرت كتير و شاركت كتير في موضوعات من العينه دي
و الخلاصه ان بعد النقاش الطويل هيكون في حلول كتير نافعه
بس علي صفحات المنتدي فقط
و نظرا لأن المنتدي بقي كبير و في ناس مسئوله بقت بتابعه
فالمسئول المختص عن مدينه نصر لو متابع معانا في المنتدي
يقولنا و نعمل اجتماع وياه و كل واحد يتقدم بفكرته و مردودها علي مدينه نصر و المسئول ده يشوف ايهم قابل للتنفيذ و يكون فيه الخلاص
و انا عن نفسي مش مستني مقابل للافكار او حتي نسبها ليا
انا متنازل عن كافه الحقوق المعنويه و الماديه
انا بس نفسي انزل الشارع و احس ان مدينتي و بلدي احسن و انضف و ارقي من اي بلد تاني في العالم
و نفسي النضافه و النظام يكون معمول ليا و ليكم و للناس
مش كل حاجه حلوه تتعمل تكون موجهه علشان منظر مصر قصاد الاجانب و السياح
نفسي حاجه تتعمل و تهدي للمواطن المصري اللي نفسه بلده تكون اجمل و انضف و احسن بلد في العالم
بس للاسف كلامنا هنا مجرد نقاش ينقصه التنفيذ
فهل من مجيب؟!!

-

مشاهدة نتائج الإستطلاع: المترو ام توسيع الشوارع

الموضوع: لسكان مدينة نصر المترو ( الترام يعني ) ولا نوسع الشارع

LinkBack

أدوات الموضوع

عرض

-

-

-

المواضيع المتشابهه

بشرى لسكان مدينة 6 أكتوبر والشيخ زايد

للايجار شقة بزهراء مدينة نصر علي الشارع الرئيسي محطة الكهرباء

لسكان مدينة نصر والعباسية .. أروح المكان ده ازاي

هل يوجد "ورشة" خاصة بالعفشة في مدينة نصر ؟ ( عفشجي محترم يعني )

لسكان مدينة نصر - شارك بأفكارك

الكلمات الدلالية لهذا الموضوع

المفضلات

المفضلات

ضوابط المشاركة