عرض للطباعة
من متابعتي للنقاش الدائر عن الرادياتير واستخدام المية العادية والصدا والتاكل اللي بيحصل جت في بالي فكرة وياريت نتناقش فيها ينفع ولا لأ
الفكرة ببساطة كالتالي
اية اللي يحصل لو حطيت wd40 مع المياة في الرادياتير
اللي اعرفة انة مزيل ومانع صداء وكمان بيزيت
ودة اللي محتاجينة في الرادياتير وطرمبة المية
وزي ماقولت في الاول مجرد فكرة للنقاش ماحدش يجرب قبل مالنقاش ينتهي
تحياتي
ممكن والله اعلم ياكل الخراطيم او يأثر عليها لانه مزيل صدأ
وبعدين ماهي المياه الخضرا فيها مزيل او مانع
ولا انا بفتي؟؟؟؟
بس دي اول حاجه حتيجي في دماغ اي حد
وحلوه محدش يجرب دي
فكرتني بالتحذير بتاع برامج الحركات الخطيره
هذه الحركات تمت من قبل محترفين برجاء عدم محاوله فعلها تجنبا للاخطار
اشكرك علي الرد
انا علي فكرة قصدي استعمال لمرة واحدة كل فترة وبما ان ال wd 40 هو اشهر مادة لازالة الصدأ
وايضا لتكوينة اللي بيساعد علي منع الصداء فلو اضافناة مرة واحدة كل فترة هايحد من صداء الرادياتير وكمان هايحافظ علية لفترة
بالنسبة لموضوع تاثرة علي الخراطيم انا مش متاكد مية في المية بس احنا بنستخدمة علي حاجات كتير بيبقي فيها بلاستيك وتاثيرة عليها التزييت فقط
وكمان موضوع خاصية التزييت اللي فية هاتعمل تزييت لطرمبة المية ودة نظريا ممكن يطول عمرها ويحسن الاداء
وعلي رايك
هذه الحركات تمت من قبل محترفين برجاء عدم محاوله فعلها تجنبا للاخطار
مش عارف انا حاسس ان الموضوع دا فيه حاجات غلطمش قادر احط ايدى عليها بس اقلها خالص اكيد خصائص التجمد والغليان حتتاثر وممكن يكون بنتيجة عكسية
وبعدين انت بتقول حنحطها كل فترة
طب ماهو اصلا دورة الرادياتير مغلقة فالزيت اللى بيتحط حيفضل موجود ومش حيخرج
هو انت ممكن تستخدمه لمده يوم او اتنين للازاله الصدا فقط لكن اعتقد انه شديد التاثير على خراطيم المياه وحشو طلمبه المياه
لعلمك انا عندي نفس الاحساس بس مش عارف فين الاناقتباس:
المشاركة الأصلية كتبت بواسطة ainshouka
اما بالنسبة للدورة المغلقة انا ماكنتش اقصد انك تحتفظ بالمحلول
انا قصدى ممكن تخلية شوية انا باقترح 10 دقايق وبعدها تغير بماء مقطر او ماء اخضر
الفرق هايكون في اية ان الدبليو دي فورتي بيتغلغل في المعدن نفسة وبيحمية من الصدا لفترة كبيرة
مش متأكد لو كان بيزيل الصدأ فعلا
بس الأكيد انة هيزيل الخراطيم والجوانات
انا اعتقد انه هيعمل طحينة مع السخونة
أعترض على الفكرة دي
شوف مكتوب على العلبة هتلاقي درجات الحرارة اللي المحلول بيشتغل عليها هتلاقيها أقل من درجة حرارة الموتور .
نقطة كمان المفروض استخدام المحلول بدون تخفيف و انت عايز تضيفه على مية الردياتير يبقى كده سيادتك غيرت في خصائص المحلول .
كمان المفروض الواحد بيستخدم المحلول بالرش الموجه على الجزء المعدني المطلوب معالجته مش بالطريقن اللي انت عايز تعملها ......
بيقولوا..كل حاجة ولها حاجة
Wd 40 يعتبر زيت مش هيتخلط بالميه يعنى هيدنه فوق والميه معديه من تحته دى اولا
ثانيا بيأثر على الربر بتاع الخراطيم والأجزاء البلاستيكيه والفيبر بشكل ملحوظ عشان كده بقول للناس اللى بتستخدمه لتلميع المريات وخطين الربر اللى ع السقف بلااااااااااااااااااااش
متجربش لان الزيت هيفضل عايم فوق المياه ومش هيخش الدوره
أصلا فيه عبوات بتتباع منفصلة خاصة بنظافة الريداتير
انت كده كأنك بتزييت دوره التبريد بالكامل وبتبوظها , لان عالاقل المواد الزيتيه الموجوده في السائل wd40 مش هتختلط بالميا العاديه بتاعت الريدياتير وجزيئاته هتفضل متمسكه ببعضها
يعني لو بصيتلها بشكل عام هتلاقي كأنك اضفت شويه رواسب زيتيه لمياه التبريد
ده غير ان ال wd40 هيضعف الخراطيم والوصلات بتاعت دوره التبريد
الافضل خلينا مع الميه الخضره
على الاقل مجربه ومعروف كفائتها
بدل مانجرب ونخسر كتير
مش بس كده ، ده كمان ممكن يولع لأنه بيحتوي على مواد متطايرة زي البنزين العطري ، وخلي بالك أن الدورة بتاعت التبريد بيبقى فيه ضغط ، بمعنى تاني ( ضغط + بنزين + درجة حرارة مرتفعة ) ، يعني بتهيأ كل الظروف أن تولع في السائل ، وراجع التحذيرات الخاصة بدرجة الحرارة الموجوده على العبوة نفسها .
Wd40 لا يمتزج بالماء، لا يعمل على درجات حرارة المحرك، له تأثير سلبى على بعض انواع البلاستيك والمطاط التى تتكون منها دورة المياه، وبالتالى فهو لا يصلح لهذة العملية