الموضوع: تعليقك .......... لو سمحت

انا مش عارف هو بيفكر ازاى بغض النظر اذا كانت تستحمل و لا ولأ بس المفروض مايكبرش الموتور على قد ما يقدر علشان ما تسحبش بنزين و بالاضافة اللى النقطة ده جايبها صينى تقفيل مصرى

طيب هوا يا جماعه استفسار بجد خصوصا للأخ ابو عبد الله اللى تعب نفسه و صور العربيه عشان يفيدنا في المنتدى و كان تعليقه على الصورة(((ههههههههههههههههه� �هههههههههههههههههه))

مش عارف بجد معناها ايه لو يتكرم عليا و يوضحلي معنى تعليقه بس اكون شاكر ليه جدا لأني مفهمتش الغرض من كدة


اما عن تعليقي اللى هوا طالبه :

فبصراحه في نقطتين النقطه الاولى اننا طول عمرنا بنقول انك لو عايز تثبت كفاءة عربيه في مصر شوف هيه شغاله تاكسي و لا لأ زي البيجو و الشاهين و الحاجات دي دليل انها اشتغلت تاكسي و استحملت معناها انها معمرة و طبعا دة بينطبق على فئه (سعريه معينه ) لأن بالطبع في عربيات اكفأ بمراحل و اكثر حموله بمراحل كثيرة جدا و لكن لا يمكن تشغليها تاكسي في بلدنا العجميله بسبب ارتفاع سعرها البالغ و عشان موضوع العدادات


النقطه التانيه هي اني شايف ان دي حاجة كويسه يا ريت و الله كل تاكسيات البلد تبقا عربيات زيرو بغض النظر عن نوعها سواء شيري او اسبرانزا او شاهين او لانوس او اكسنت او اي حاجة لأن لأن دة له ميزتين
الاولى: انك كمواطن بدل ما هتركب عربيه شغاله بقالها 30 سنه اقل او اكثر قليلا و الباب يتفتح و انت راكب و مفيش اي عامل رفاهيه و لا امان و لا اي حاجة خالص هتركب عربيه زيرو على الاقل هتفتح الزجاج اللى جمبك بسهوله لو ممكن تشغل التكييف هتشغله في الصيف و تدفع للراجل زيادة شويه يعني انا شايف انها ميزة كبيرة جدا

الثانيه: هي ان شكل البلد ينضف شويه عشان الواحد لما بيسافر بيتعقد بجد و طبعا عمرنا ما هنوصل لمرحله التاكسيات اللى برا انضف عربيات بتشتغل تاكسيات برة عادي جدا جدا و برة دة يا جماعه اللى هوا الدول العربيه و الخليجيه اللى بعضنا مش فالح غير انه يقول عليهم متخلفين !! دة طبعا بغض النظر عن الوضع في الدول الاوروبيه


الحاجة الاهم في التعليق لأخي ابو عبد الله هي ان لو قصد حضرتك الانقاص من قدر العربيه علشان هيه تاكسي يبقا حضرتك كان المفروض يكون في مواضيع مسبقه لحضرتك عن صور جميله زي اللى حضرتك جايبهالنا دي و لكن بسيارات تاكسي العاصمه في القاهرة و يكون تعليق حضرتك عليها هو ( ههههههههههههههههههههههههه هههههههههههههههههههههه)

تحياتي ليك و الف شكر على الموضوع :)