شداد الماتور فى اللوجان ... يتبع ..!
السلام عليكم ورحمة الله وبركاته
اهلآ بيكم من جديد :36_1_1[1]:
اعمل ايه بس والله حاسس انى بعقدكم من العربيه معرفش ليه :120146b
يا جماعه حصل معايا موضوع غريب المره دى
ياريت اي حد عنده خبره يفدنى
انا ركبت عربيتى زي الناس ودخلت المفتاح وجيت ادور وهوبا جبت الغيار الاول
ودبرياج وبنزين وبطلع زي الحرير على الارض
لاقيت صوت طق طق طق طق طق جاى من قدام !!!!!!!!
الصوت ده بيجى على الاول وانت وطالع وعلى التانى بعد كده مبتسمعوش الا بسيط
المهم صبرت يوم والتانى نفس الحكايه !
وبعدين روحت لبتاع عفشه معرفه وقولتله فى صوت طقطه ده من ايه ؟
المهم ركب العربيه وساق بيا شويه وبعدين قالى ده شداد الماتور يا باشا
وقالى كانت عندى نفس العربيه دى من كام يوم وقالى فيها نفس العيب
بس العربيه التانيه مختلفه شويه عن دى قولتله يبقى قصدك على الرومانى ؟
قالى اه هى تقريبآ ولما راح بيها التوكيل غيروله الشداد ( بعد عذااااااااب )
وقعد فتره وبعدين رجعلى تانى بنفس المشكله !!
المهم يا جماعه انا قولت اروح اتمشى كده عند بتوع قطع الغيار بتاعة رينو
روحت عند واحد وقالى الشداد بيعمل 275 جنيه
وروحت عند واحد تانى وقالى الشداد التركى بيعمل 175 جنيه والاصلى 275 جنيه
المهم انا مش عارف ليه مش مقتنع وحاسس انه برضو مش عيب شداد :rfds:
ياريت اي حد عنده خبره يفدنى انا مش عارف اعمل ايه بصراحه
