يعني ايه فوج لايت خلفي؟

هو سؤال بسيط بس معرفش اجابته
يعني ايه فوج لايت خلفي؟

انا معرفش ان فيه حاجة اسمها فوج لايت خلفي ..الا انه ممكن يكون حاجة من اتنين :
- لما كان عندي الفيليشيا كان فيه زرار بيعلي النور الاحمر الخلفي ..و ده بيستعمل في الظلام الحالك عشان اللي جاي من ورا يشوفك كويس او في الشبورة برده ..
- او ..الموضة الجديدة اللي بعض العربيات طالعة فيها ( و خصوصا سواقين الميكروباص و النصف نقل ) بيحطوا فوجات ورا عشان لما حد يقلبلهم النور العالي من ورا يقوموا مشغلينها فيعموا المسكين اللي ورا .

من ناحية تانية ..اسمحلي اسأل حضرتك عن معني الجملة المكتوبة في توقيعك .. و هل مينفعش انك تكتب نفس المعني بالعربي او بالانجليزي ؟؟؟ مجرد فضول
تحياتي

اقتباس:

---

من ناحية تانية ..اسمحلي اسأل حضرتك عن معني الجملة المكتوبة في توقيعك .. و هل مينفعش انك تكتب نفس المعني بالعربي او بالانجليزي ؟؟؟ مجرد فضول

---

الجملة يا باشا هية Your Will Be Done و انا بصراحة مش فاهم معناها

اقتباس:

---

المشاركة الأصلية كتبت بواسطة Hassan Khalil

انا معرفش ان فيه حاجة اسمها فوج لايت خلفي ..الا انه ممكن يكون حاجة من اتنين :
- لما كان عندي الفيليشيا كان فيه زرار بيعلي النور الاحمر الخلفي ..و ده بيستعمل في الظلام الحالك عشان اللي جاي من ورا يشوفك كويس او في الشبورة برده ..

---

كلام منطقي
انت عارف فانوس الشاهين الخلفي:
فيه 3 ستوب (أحمر) من بره لجوه: -
الأول مع التابلوه وبيزيد مع الفرامل
الوسطاني من فوق ما فيهوش لمبة بس عاكس
الثالثة (من جوه) في زرار في التابلوه جنب الانتظار والشبورة (الأمامي) بيخليه ينور لما ببص وانا في الجراج وانا منور النور ده بلاقيه ضارب ورا جامد وعالي

اقتباس:

---

المشاركة الأصلية كتبت بواسطة Hassan Khalil

من ناحية تانية ..اسمحلي اسأل حضرتك عن معني الجملة المكتوبة في توقيعك .. و هل مينفعش انك تكتب نفس المعني بالعربي او بالانجليزي ؟؟؟ مجرد فضول
تحياتي

---

هي شكلها حلو كده!

أعتقد الفوج الخلفي علشان السيارات التي في الخلف تقدر تشوفك كويس ...... من متطلبات السلامة و الامان في بعض الدول الأوروبية و الخليج

اقتباس:

---

الجملة يا باشا هية Your Will Be Done و انا بصراحة مش فاهم معناها

---

اقتباس:

---

هي شكلها حلو كده!

---

تصدقوا و لا اخدت بالي انها انجليزي ..اللعب اللي فيها مخليها زي ماتكون يوناني ..الواحد محتاج يعمل كشف نظارة علي وجه السرعة

اقتباس:

---

المشاركة الأصلية كتبت بواسطة fahd_628

الجملة يا باشا هية Your Will Be Done و انا بصراحة مش فاهم معناها

---

اعتقد معناها شبيك لبيك


ومتنساش تسلملى على كهرمانة

يا شباب المفروض الموضوع بيناقش حاجة تانية غير توقيعي
يعني الردود اللي مالهاش علاقة بالموضوع بلاش منها
واللي عايز يسألني على توقيعي ممكن يبعتلي رسالة خاصة

الفوج الخلفى بيبقى فانوس او اتنين بينوروا احمر بقوة زى نور الفرامل و دة تجهيز اساسى للسيارات الاوروبية عشان الضباب و الشبورة لكن فيه فى مصر ناس (@#$%^&*) بتشغلة على الفاضى و مبيعملش حاجة غير انه يعمى الناس اللى وراهم

MMamdouh

اقتباس:

---

أعتقد الفوج الخلفي علشان السيارات التي في الخلف تقدر تشوفك كويس ...... من متطلبات السلامة و الامان في بعض الدول الأوروبية و الخليج

---

اقتباس:

---

الفوج الخلفى بيبقى فانوس او اتنين بينوروا احمر بقوة زى نور الفرامل و دة تجهيز اساسى للسيارات الاوروبية عشان الضباب و الشبورة لكن فيه فى مصر ناس (@#$%^&*) بتشغلة على الفاضى و مبيعملش حاجة غير انه يعمى الناس اللى وراهم

MMamdouh

---

شكرا ياشباب ع الايضاح :)

اقتباس:

---

المشاركة الأصلية كتبت بواسطة tutankhamoun

أعتقد الفوج الخلفي علشان السيارات التي في الخلف تقدر تشوفك كويس ...... من متطلبات السلامة و الامان في بعض الدول الأوروبية و الخليج

---

+1
هو اضائة حمراء أعلي من ضوء الفرامل تعمل عند و جود شبورة
له زرار مخصوص في الجين2 اول زرار علي يمين زرار الأنتظار

اقتباس:

---

المشاركة الأصلية كتبت بواسطة MMamdouh

الفوج الخلفى بيبقى فانوس او اتنين بينوروا احمر بقوة زى نور الفرامل و دة تجهيز اساسى للسيارات الاوروبية عشان الضباب و الشبورة لكن فيه فى مصر ناس (@#$%^&*) بتشغلة على الفاضى و مبيعملش حاجة غير انه يعمى الناس اللى وراهم

MMamdouh

---

بزبط والله كان شاب لسه مطلع 525i وفراحان بيها ومشغلي الفوج الخلفي وعاميني وشايف الدنيا لونها أحمر وكان نفسي أشتمه بس قلت خليه يفرح بالعربية الجديدة

أ،ا شوفت كذا مره سواق ميكروباص ونص نقل بيركبوا فوج لايت من اللي بيركب قدام بس ورا وبينور مع الاستوب لما تدوس فرامل

موجود عندي كمان في الكرسا 97.. الزرار بتاعه جنب مفتاح النور علي الشمال
بينور لمبة واحدة حمرا في الجنب الشمال..تحت خالص..