تابلوه سيارة ريجاتا 84

**SHLD** · 14-01-2008 01:33 PM

أنا عندي سيارة ريجاتا 84 ويوجد لمبة بيان بالتابلوة بجوار لمبة الزيت والبطارية أضاءت مني أمس والسيارة الان لا تدور برجاء شرح التابلوة يا ريت

**ahmed_3omda** · 14-01-2008 04:29 PM

بصراحه انا ماعنديش فكـره بتفاصيل تابلوه الريجاتا بس عموما حضرتك ممكن يكون سلك اللقط في المرش وقع .. والله أعلم :)

أو حد من الخبره في الريجاتا يقولنا ايه العيب أحسن :D

**SAMER_ENGINES** · 06-12-2008 09:26 PM

اللمبة اللي جنب البطارية دي لمبة الزيت غالبا العربية مفيهاش زيت او نقص اوي منها حاول تشوف موضوع الزيت ده بس اللي اعرفه اني نقص الزيت ميمنعش دوران الموتور ممكن يدور بس تلاقي صوته سئ جدا و ممكن يكون ده نظام في العربية عشان يحافظ علي الموتور لو الزيت نقص حاول تشوف الزيت عندك ظروفه ايه و ابقي طمننا و خلي بالك لو فرضنا اني الزيت فعلا ناقص و حصل و العربية دارت بطلها فورا طبعا و متحركهاش من علي الارض الا لما ترجع الزيت لمستواه الاصلي.

**Lord of the flies** · 06-12-2008 09:59 PM

[QUOTE=ahmed_3omda;149123][CENTER][COLOR="Navy"][SIZE="4"][CENTER][B]
لو انتا عندك التابلوة الاول ودة الى حسب معلوماتى يخص الريجاتا 84 فالمبات كالاتى من اليمين الى الشمال :
1-لمبة التيل الخلفى
2-لمبة التيل الامامى
3-لمبة الزيت
4-لمبة البطارية الخاصة بالشحن
5-لمبة الشداد
6-لمبة الهاند بريك(فرملة اليد)
7-لمبة الزجاج الحرارى الخلفى
8-لمبة فانوس الشبورة
9-لمبة النور الواطى
10-لمبة النور العالى
11-لمبة الاشارات
12-لمبة الانتظار
يا ريت حضرتك تقول انهى لمبة الى كانت منورة و اية الصوت الى العربية بتعملة ساعت الدوارة ؟؟
و يا رب اكون افدتك

**sab3aawy** · 07-12-2008 09:53 AM

لو انت بتتكلم على اللمبة الشبيهة بحرف N كابيتال فدى اللمبة بتاعة الشفاط ومعناه ان الشفاط مشدود، وممكن تكون انت شديت الشفاط بطريق الخطأ، وممكن يكون فيه مشكلة فى الشفاط من الأصل بتخلى العربية تشرق ومتدورش، اقترح عليك انك ترجع الشفاط لمكانه سواء من الشداد فى داخل السيارة اومن بلف التشوك فى اعلى الكاربراتير (غالبا هتلاقى طرف سلك غير سلك الأكسراتير متصل بالكربراتير، هتلف بيدك الشداد اللى متصل بيه السلك ده لحد آخر مشواره علشان يعيد بلف التشوك الى الوضع المفتوح)وتجرب تشغل العربية

**karmoty** · 05-02-2009 05:34 AM

لو اللمبة اللي منورة عند حضرتك شبه دي |0| يبقى ده شفاط البنزين وده بيسخن العربية وهي عالبارد ممكن يكون السلك ده مشدود اكتر من اللازم اي ميكانيكي هيعملهولك مش هياخد 3 جنيه (حصلت معايا في ريجاتا برضه)