العربية دي ذات أرقام حروفها غبية جداً ... ه ط ل ... عارضها للبيع .. تفتكروا حد ممكن يشتريها منه ؟
http://i43.tinypic.com/o906cz.jpg
عرض للطباعة
العربية دي ذات أرقام حروفها غبية جداً ... ه ط ل ... عارضها للبيع .. تفتكروا حد ممكن يشتريها منه ؟
http://i43.tinypic.com/o906cz.jpg
عادى يا دكتور معتقدش
والله ياباشمهندس مصطفى االحروف دي تخليني ما أقربش ناحية العربية بتاتاً ... دي العيال تزفني في الشارع وانا ماشي بيها
ممممممم ممكن
طبعا ممكن البيعه تبوظ بسبب الحروف لان فيه ناس كتير بقت بتتأمل الحروف فى اللوحات الجديده وبتطلع منها كلمات مش كويسه وكده اللى شارى العربيه بحروف مش ولابد مش هايخلص من التريقه عليه
دها فضيحة بالذمة حد يشترى حروف زى دها
ايه المشكلة يعنى...
اقتباس:
المشاركة الأصلية كتبت بواسطة 3ateef
المشكلة إن الحروف دي لوجمعت كلمة دارجة شعبية هتخلي صاحبها يكره حياته من التريقة وكلام الناس الفاضية
وفعلاً بقى فيه ناس بتدقق في حروف العربيات اللي هتشتريها عشان ما تكونش مجمعة كلمة بايخة
انا اشترى الحتة البى ام ديه و الموديل ده بالذات و لو كان مكتوب عليه اسوا من كده
بالظبط زى ما حضرتك قلت...ناس فاضية...اقتباس:
المشاركة الأصلية كتبت بواسطة د.محمود صلاح
وغير كده محدش بيختار نمر عربيته او الحروف اللى عليها...دى حاجة كل الناس مجبرة عليها الا من رحم ربى...
واللى عايز يدقق يدقق...هو الخسران فى الاخر انه ميشتريش عربية عشان النمر بتاعتها...
اللى حا يشترى العربية اكيد حاينقل ملكية وياخد نمر جديدة ... وهو وحظه ... يمكن تطلع احلى أو أنيل من دى !!
مفتكرش ان النمر تقف عقبة في بيع عربية
النمر الجديدة ما بتتغيرش خالص ... على حد علمي .. حتى لو اتنقلت محافظة تانياقتباس:
المشاركة الأصلية كتبت بواسطة khaled_al_nowaihy
لأ يا باشا لتصيحيح معلوماتك انا اشتريت عربيتين من ساعة ما النمر الجديده اتعملت والاتنين كان عليهم نمر جديده ولما روحت نقلت ملكيه ادونى نمر جديده ورجعوا النمر القديمه لوحدة المرور الى كانت تابعه ليهم العربيتيناقتباس:
النمر الجديدة ما بتتغيرش خالص ... على حد علمي .. حتى لو اتنقلت محافظة تاني
لما بتنقل ملكيه اى سياره وعليها نمر جديده او قديمه بياخدو النمر الى عليها وبترجع للمرور القديم تانى
نسى يكتب فى الاعلان(نمر مميزة)
ههههههههههههههه
........................
محمود عينو
كلام منطقى والا ماكانش اتخصص نظام ارقام مختلف للقاهرة و الجيزة و باقى المحافظاتاقتباس:
المشاركة الأصلية كتبت بواسطة medo980
يعنى لو اشتريت عربية من القاهرة و نقلت ملكيتها للاسكندرية مثلا لازم تتغير نمرها
النمر والحروف دي والتوليفات المختلفة بتاعتها بيطلعها نظام كمبيوتر معين
زي أرقام التليفونات كده سواء الأرضي أو الموبايل
اللي عايزة أقوله ان المسئولين في الدولة عن الموضوع ده لازم بجد ياخدوا بالهم من بعض الحروف وترتيبها ويشيلوها ومتتوزعش علي الناس
لان بجد في منها ترتيب معين ممكن يدي كلام بذئ أو شتيمة أو ايحاءات معينة واحنا بجد شعب تافه مبيفكرش الا في التفاهة وبس
الناس شغلت مخها حلو أوي في انها تطلع من أي توليفة حروف كلام له معني
بالذمة ده هيفيد في ايه يعني!! طب ما يشغلوا مخهم في حاجة تنفع!
هي صحيح تفاهة والمفروض اللي بيشتري عربية ميبصلهاش خالص بس بجد بتفرق وبتضايق الواحد
انت دماغك نضيفة ومخك كبير لكن غيرك مش كده
لما اشتريت عربيتي الجديدة وكنت برخصها كنت حاطة ايدي علي قلبي متطلعش حروف ليها معني معين
مش علشان انا اللي هاممني ده
لكن علشان اللي حسبته لقيتخ بالمللي
محدش من اصحابي مسألنيش ها وطلعلك حروف ايه؟؟
حاجة بجد تنرفز
شكراً للتنبيه وتصحيح المعلومة.. بس معلش انا فاكر كويس انهم لما بدأوا اللوحات الجديدة قالوا انها لن تتغير حتى ولو راحت محافظة تاني ,, يمكن رجعوا في كلامهم والله أعلماقتباس:
المشاركة الأصلية كتبت بواسطة medo980
دي حقيقة فعلا يادكتور ، لأن مثلا النمر اللي هي ( رقمين ، 4 حروف ) خاصة بمحافظة الجيزة ، والنمر اللي هي ( 3 أرقام ، 3 حروف ) خاصة بمحافظة القاهرة ، والنمر اللي هي ( 3 أرقام ، 4 حروف ) لبقيت المحافظات ، و ما شوفتهاش غير في القليوبية وباقي المحافظات لسه .اقتباس:
المشاركة الأصلية كتبت بواسطة د.محمود صلاح
لموضوع هيعتمد على البيئة المحيطة بيك..... فى ناس مش فارق معاها و جايز فى اماكن تانية زى مبتقول "العيال تزفك بيها".....