هو لية الاتوس برايم مش وخاخدة حقها فى المنتدى؟
مع ان 99% من المواضيع على العربيات الاخرى بس الاتوس برايم منتشرة فى كل مكان يعنى مفروض يكون حد بيتكلم عنها و عن تكلفة الصيانه و عن الاداء و بيانات كاملة و صور برة و جوة و تجربة قيادة
عرض للطباعة
هو لية الاتوس برايم مش وخاخدة حقها فى المنتدى؟
مع ان 99% من المواضيع على العربيات الاخرى بس الاتوس برايم منتشرة فى كل مكان يعنى مفروض يكون حد بيتكلم عنها و عن تكلفة الصيانه و عن الاداء و بيانات كاملة و صور برة و جوة و تجربة قيادة
العربية دى كنت مهتم بيها أوى أوى وكنت هاجيبها وجربتها
العربية حقيقى هايلة وكمالياتها جيدة وواسعة من جوه وإستهلاكها جميل جداً وسعرها دلوقتى 53500
بس ربنا رزقنى باللوجان
الحقيقة يشرفنى الرد عليك وفعلا هى محتاجة شوية اهتمام يريت كل اللى معاة العريسة يحاول يفيدنا انا عامل بيها 1900 كيلو فى 25 يوم بصراحة عربية جيدة وتحملها جيد من حيث التخبيط لانى خبطت بيها كذا مرة والحقيقة الاكصدام هايل وبيستحمل واكتر حاجة ملحوظة فى العربية هى فعلا استهلاك البنزين اكتر من هايل اكتر من 320 كيلو فى الصفيحة مع متوسط سرعة 80-100 كيلو فى الساعة بس محسبتش بالضبط وهى كمان ثباتها جيد حتى 120 بس مجربتش اكتر من كدة بصراحة
طيب بالنسبة للوسع؟
حجم الشنطة اى صغير
بس يا ترى قدرت تستفاد بية ولا كنت محتاج تحط شبكة على السقف؟
كمان يا ترى جربت تحط تلفزيون 36 بوصة وراء على الكنبة و دخل ولا مجربتش الحجم دا؟
لان ميزة الهاتش باك انك ممكن تدخل فيها حاجات كبيرة و تدخل بكل سهولة
و هل الكراسى عالية؟ يعنى رجل الى قاعد وراء مش مزنوقة؟
طب الاخ اللى اشترى اللوجان ممكن نعرف فضلتها ليه عن الاتوس و ازاى حسمت رايك
فى الحقيقة أنا بعشق الهاتش باك عشان إنت عارف مصر عاوز عربية صغيرة تعرف تركنها فى أى حتعه وإستهلاكها حلو فى البنزين
بس عشان أنا متزوج فقلت إذا إشتريت هاتش باك دلوقتى فكده كده لازم فى خلال 3 سنين هتتغير عشان الأسرة ومحتاج شنظة
وكمان ربنا رزقنى وعرفت أكبر المبلغ إلى معايا فعشان كدا جبت اللوجان
أما عن الأتوس فهيه لحد دلوقتى طالعة من عينى
بالنسبة للشنطة هى مش زى السيدان طبعا بس بجد حلوة تاخد شنطتين سفر كبار فوق بعض مستريحة نايمين طبعا والكراسى اللى ورا فعلا عالية عن ادام بس دا مش عيب دى ميزة مش عايز اقلك اد اية مريحة للقاعد ورا وبتخلى رجلية مش واصلة للكرسى اللى ادام اصلا بس هى الكنبة كنزة شوية يعنى تاخد اتنين كبار من الحجم العائلى او تلاتة رفيعين مش اكتر من كدة على فكرة انا مليان انا وزنى 105 كيلو وبجد مش حاسس انها ديقة
على فكرة كمان انا لاحظت ان الهورس باور بتاعها مش اد كدة لان انا جبت بيها 130 امبارح وكان ار بى ام على 4 دة غير خالص معدلات العربيات فى مصر خصوصا ال 1600 بس برضة كدة مقبول دى مهما كان 1100 سى سى والحمد للة على كل حال :ask: احسن من قرف المواصلات
العربية معايا تقريبا من 9 شهور و عامل بيها 7500 كم تقريبا و هي أكتر من ممتازة و سفرت بيها أكتر من مرة ( قنا - الغردقة ) و كان ثباتها على الطريق كويس و أستهلاكها للبنزين ممتاااااز
و اتفق مع الزملاء في انها مش واخده حقها في المنتدى أو في التوكيل فهو عديم الدعاية لها مطلق و أعتقد ان ده هوسبب عدم انتشارها في العديد من المحافظات و منها قنا فأنا كنت تاني واحد معاه العربية من النوع ده و بعد ما اشتريتها الناس بدأوا يسألوني عليها و محدش كان يعرفها مطلقا
طب ممكن اصحاب العربية يعملوا موضوع و يطلبوا من الإدارة تثبيته في القسم للإفادة ... زي موضوع الفيرنا و الماتركس
ممكن صورة للعربية النتو بتتكلمو عنها دى
طيب و قطاع الغيار متوفر ولا لاء و هل هي كوري ولا هندي و التكهيف ايه اخباره في الحر و ايه الكماليات الموجودة ياريت حد يعمل موضوع عن العربية ديه عشان سعرها معقول و ناس كتير تفكر تجيبها !
ده الموقع الرسمي للسيارة في الهند
http://www.hyundai.com/in/en/Showroo...825214207.html
عربيه شبابيه و اقتصاديه, شكل و موديل قديم و تم استبداله بال اي 10 , عموما يعيبها بشده انها توكيل غبور و ما ادراك ما هو غبور. و من منصور لغبور يا قلبي لا تحزن
استهلاك بنزين قليل جدا و في المقابل: قطع غيار مرتفعة لعدم انتشارها, تحميل ضئيل, اداء ضعيف
انا شهرين كده ويبقي كملت معايا ال 3 سنين ..عملت 30 الف كم...انا من العشرة الاوائل اللي اشتروها :)
الحمد لله مريحاني في كل حاجه وكان اختيار موفق الصراحه ....
متوسط استهلاك البنزين داخل المدينة 15 كم للتر
طرق سريعة بيوصل 20 كم للتر
في مواضيع كتيير في المنتدي عنها بس هتلاقيها ورا شوية
بالنسبة للزملاء مالكي الأتوس
كنت بستفسر عن نوع البنزين المستخدم لأنه كنت شاهدت موضوع قبل كده على المنتدى كان بينصح بأستخدام بنزين 92
فكنت عايز أتأكد
وكمان كنت عايز أسال عن مواعيد تغيير الفلاتر ( الزيت - بنزين - هواء ) كل كام ألف كيلو
[frame="1 50"]
بالنسبة للزملاء مالكي الأتوس
كنت بستفسر عن نوع البنزين المستخدم لأنه كنت شاهدت موضوع قبل كده على المنتدى كان بينصح بأستخدام بنزين 92
فكنت عايز أتأكد
وكمان كنت عايز أسال عن مواعيد تغيير الفلاتر ( الزيت - بنزين - هواء ) كل كام ألف كيلو
[/frame]
انا شخصيا بستخدم 92
فلتر الزيت انا اغيرة مع تغيير الزيت ( كل 10000 كم )
انا كمان بستخدم 92 وهى موفرة جدا مش مستاهلة نحط 90 مش هايفرفق حاجة لان مش قبل 300 او 320 كيلو لما بتخلص الصفيحة بس هو فى حاجة حكاية الفلتر اللى كل 10 كيلو دا عادى لانى فى صيانة ال 1000 حطيت زيت 10000 معنى كدة انى مش هحتاج اروح صيانة ال5000 ولا اية لانى عرفت ان صيانة ال 5000 مفيهاش حاجة غير زيت وفلتر زى ال1000 بالصبط
شكرا مقدما
[overline]
السلام عليكم ورحمة الله وبركاته
يا اهل الاتوس طمنونى على الفرامل عملة معاكم اية ؟
[/overline]
ايه عرفته ان تغيير الفلتر بعد 10000 فأعتقد ان انت مش محتاج تغيره الا مع صيانة ال 10000
أما بخصوص الفرامل فهي الحمد الله مافيش مشاكل فيها اطلاقا حتى الأن
كنت بفكر اسافر بالعربية اسكندرية .. اية رايكو يا شباب ..
موضوع ممتاز .... بس ماحدش قال بالنسبه للتكييف أخباره أيه؟
التكييف كويس بس سحب العربية كان ضعيف و هو شغال و لكن بعد نصيحة الزملاء باستخدام بنزين 92 السحب اتحسن و بقي أفضل من الأول بكتير
و على فكره انا مقيم بقنا يعنى درجة حرارة عاااالية جدا خاصة من الظهر للمغرب و لكن التكييف بتاع الأمورة قايم معايا بالواجب و زيادة
يعني الاتوس و بلاشالبيكانتو ولا ايه عشان في فرق في السعر ولا ايه رايكم
انا اتفق معاك تماما فرق السعر ملوش اى 30 لازمة فلوس على الفاضى والتكيف تلاجة ماشاء اللة
واللة وعفشتها زى الفل وعالية عن الارض دا انا لسة واخد اول امبارح مطب واللة العظيم انا قلت عوضى على اللة وخلاص كنت هاعيط :O_stupid[1]: اتحط ادامى فجاة مش عارف جة منين وانا ماشى على 80 تقريبا فرملت على اد ماقدرت بس طبعا اخدتة على 50 او 60 متلا كنت مذهول من صوت الهبدة بس الحمد للة جت سليمة ومحصلش حاجة
ياريت ياجماعة حد من اهل الخبرة يفيدنى فى حالة المطبات اللى زى دى الواحد يكشف على اية فى العربية عشان يتاكد انة كلة تمام
وشكرا مقدما
يعني حضرتك تنصحني بيها عشان انا بقالي فترة بفكر اجيب البيكانتو بس شايف ان سعرها كتير عليها انا يهمني التكهيف و الراحة يعني القعدة تبقي مريحة
ممكن حضرتك تقولي ايه الكماليات الي فيها و فين ممكن اروح اتفرج عليها عشان مش بشوفها خالص ههستني ردك
ممكن حضرتك تشوفها في أي توكيل هيونداي و ممكن تركبها و هتحتس بنفسك قد ايه هي مريحة و صالونها مناسب جدا
وهي بتنزل بفئة تكييف و باور و كاسيت سي دي ( ودي انا اشتريتها في شهر 8 /2009 و كانت بـــ 54000 ) معرفش بصراحة دلوقتي بكام
من شهرين كانت 53500
انا شوفت صورة ليها من جوة التابلوه بسيط علي قد فلوسها
نزلت سئلت عليها في اكتر من معرض عشان اشوفها بعنية كلهم يقولولي مش موجود ده في المخزن او اتباع و لسه مجبناش كلام مكرر
صيانة الــ 10000
سألت عليها بمركز خدمة الغردقة كانت كالأتي :
18 فلتر الزيت
150 مصنعيات
230 زيت موبيل 10000 كم
و الصيانة شاملة فحص كامل أجزاء العربية
بس أعتقد أغير زيت الـــ 10000 كم أفضل و لا أيه رأيكم ..؟