افادكم الله جميعا
عرض للطباعة
افادكم الله جميعا
أنا أسف على التأخير فى الرد
أنا عندى على طلمبة البنزين حساس ولما حصل فيها مشكلة وبطلت تشتغل ورحت الوكالة أشترى زيها مالقيتش نفس اللى كانت راكبة فيها ... اللى جبتها مالهاش مكان للحساس
ودى صورة للطلمبة اللى متركب عليها الحساس
بس محدش يسألنى الحساس ده بعمل إية .. أحسن حيبقى شكلى وحش جداً
http://up3.up-images.com/up//uploads...36bdb7dfd6.jpg
ياريت تفيدنا يا بشمهندس ممدوح عن الجزء ده إذا كان حساس ولا لأ
وإذا كان فعلاً حساس يبقى أنا لما فصلتة كده حيأثر على إية
معلومة : أنا لمبة التشيك منورة عندى ولفيت هنا فى قطر على سكانر .. كلهم يقولوا معنديش بتاع الدايو .. مابنفهمش فيها .. على العموم أنا إشتريت سكانر من النت وحيوصل فى خلال شهر وإن شاء الله أكشف عليها وأشوف الأعطال .. اللى طبيعى أول مأخد التقرير حبعتهولك تفهمنا عليه ...
بصراحة الموضوع دة انا شفت فية العجب معلوماتي وممكن تكون موش دقيقة طبعا
1. أن الماكينة في الصورة دي بتاعة النوبيرا 1 موديلات قبل 1997 موش نوبيرا 2 موديل 2001.
2. الماكينة دي 1600 كاربيراتير كهرباء وليست 2000 ولا رشاشات اصلا وبالتالي مفيش حساس ماب وهو مكانة غالبا صدر السيارة وواصل للمانفولد بخرطوم فاكيوم رفيع.
3. الحساس الي راكب علي الطرمبة اول مرة اشوفة.
عاوزين نفهم اية الملابسات تفسيرها اية والحساس دة بتاع اية
هو دة فعلا حسس ماب بس عمرى ما شوفتة راكب على طلمبة بنزين فى عربية دايو... معرفش انت ازاى عربيتك فيها حاجة كدة
عموما حساس الماب بيقيس قوة الضغط السالب (الفراغ) فى الحيز اللى راكب فيه بالتالى نظريا الحساس دة بيقيس قوة الفراغ داخل خزان البنزين.... بيفيد فى ايه الموضوع دة.... الله اعلم
هى عربيتك OBDII؟؟اقتباس:
معلومة : أنا لمبة التشيك منورة عندى ولفيت هنا فى قطر على سكانر .. كلهم يقولوا معنديش بتاع الدايو .. مابنفهمش فيها .. على العموم أنا إشتريت سكانر من النت وحيوصل فى خلال شهر وإن شاء الله أكشف عليها وأشوف الأعطال .. اللى طبيعى أول مأخد التقرير حبعتهولك تفهمنا عليه ...
MMamdouh
هو من الطبيعى إن أى إسكانر يشتغل بس هنا الناس الصنايعية دول ولاد ....... مابيحاولش يتعب نفسة فى أى حاجة .. والله هنا أصلاً مافيش تصليح فى أى حاجة كله فك وتركيب جديد
يعنى من الأخر لو عندك شوية معلومات عن الميكانيكا ممكن تفتح أحلى محل ... ههههههه بس لازم يكون كفيله قطرى
والجميل فى الموضوع إن الميكانيكى هنا الورشة بتاعتة مابتكونش مشحمة وشكلها يقرف .. بتلاقيها كل حاجة مترتبة ومنورة وزى الفل