ياريت اللي معاه سيارة ريجاتا ياريت يراسلني لاني لسة شاري عربية من 7 شهور وعلي فكرة أنا لسة جديد في العربيات ومفهمشي أي حاجة مع أني مهندس ميكانيكا للاسف
عرض للطباعة
ياريت اللي معاه سيارة ريجاتا ياريت يراسلني لاني لسة شاري عربية من 7 شهور وعلي فكرة أنا لسة جديد في العربيات ومفهمشي أي حاجة مع أني مهندس ميكانيكا للاسف
انا معايا ريجاتا بس مش عارف اذا كنت هقدر افيدك ولا لا بس ربنا المستعان
طب ياريت يا باشا لو تقولنا على ناس متخصصين في الريجاتا لو تعرف حد
أنا لما جيت أشتري العربية كان معاي واحد وأنا وهو لا نفهم شئ عن السيارات كل اللي نعرفه إنه كان بيعرف يسوق فقط لدرجة أننا إشترينا السيارة بالتليفون ورحنا جبنا العربية ومشينا ونحن لا نعرف إذا كانت جر خلفي ولا كبالن لدرجةإننا كنا ماشيين علي الدايري ومشعرفين النور الامامي بيتولع منيين
يا ريت حد عنده ريجاتا يفيدنا ياجماعة
الأستاذ shld السيارة الريجاتا هى تطوير للسيارة ال 128 بس على اشيك واوسع والسعة اللترية اعلى وهى من فئة الجر الأمامى وهى من العربيات القلائل الى كانت بتيجى مكيفة فى مصر
العربيه جر امامي ( كبالن قدام يعني ) المواتير فيها متعدده حسب الموديل بتاعك .. ممكن تشوف في الرخصه كام سيسي و تقولنا .. و لو عاوز تسال حاجه معينه اتفضل .. و اللي هانعرف فيدك فيه هانفيدك فيه (شفت حته الفتاكه دي بقي :d )
مش كل الموديلات مكيفه .. عندك النور بينور من مفتاح النور اللي ورا التاره ده .. لفه (علي ما اعتقد انه بيتلف عندك زي الريتمو) .. و عندك كمان 4 مفاتيح كده بيتداس عليهم لجوه ..
جرب تلعب في العربيه و استكشف ايه اللي بيحصل و انت تعرف (مهندس ميكانيكا .. اكيد عارف طريقه التريال و الارور .. و التجربه و النتايج ههههههه) ..
المهم .. هيا لذيذه و شكلها حلو .. بس تكون حالتها نضيفه ... ميزتها كمان ان الناس بتفهم فيها (شعب تخصصه البيجو و الفيات )
و لو عندك اساله معينه اسال ولا يهمك ;)
عزيزى أنا معايا ريجاتا 85 منذ عام 1985 إشتريتها على الزيرو و مر على عدد كبير من الأعطال و المشاكل لو صادفتك أى مشكلة ممكن أكون مررت بها فأستطيع مساعدتك
مثلا عنما كانت السيارة جديدة كانت تعطل مع كل ملف حاد لليمين و تتخنق و كان لازم أطفى الموتور شوية ثم أعيد تشغيلة بعد 3 دقائق
و جربت كل رأى لحل تلك المشكلة من تغيير طقم كهرباء لتغيير بوبينة لتغيير طلمبة البنزين
و لكن لاحظت بعد سنتان أن المشلة تم حلها من تلقاء نفسها بعد تغيير علبة الشكمان الثانية (الخلفية)
اى حاجة بخصوص الريجاتا انا تحت امرك،
الريجاتا سيارة ممتازة واعطالها مش صعبة وانا معايا واحدة فى الوقت الحالى وعدت عليا كثير من مشاكلها، فلو محتاج لها اى استشارات اسأل وهتلاقى مليون واحد يجاوبك
بس الأفضل تكون الإستشارات على صفحات المنتدى علشان الكل يستفيد
عزيزى الأخ سبعاوى
هل من الممكن التنبؤ بتكلفة عمرة الريجاتا (مصنعية + قطع غيار)
و ماهى محلات قطع الغيار التى تبيع قطع غيار أصلية بصرف النظر عن شركة النصر للسيارات
و لكم جزيل الشكر
اخى العزيز
انا عندى ريجاتا من سنة و نص و تقريبا عملت فيها كل حاجة فلو محتاج حاجة معينة اسال و إن شاء الله احاول افيدك و طبعا البركة فى استاذنا الكبير سبعاوى معاه ريجاتا و هو حتى لو مش معاة ريجاتا بردة هيفيدك
بص يا سيدى انا لسه عامل عمرة من قريب بس العمرة بردة بتختلف حسب حالة الموتور
يعنى ممكن تعمل نص عمرة و تغيير طقم شنبر دى مش مكلفة قوى ممكن تخش فى الف جنية او اقل شوية يعنى انا جبت بعض الحاجات كالاتى
1- طقم شنبر + جوانات حوالى 180
2-خراط اللى خرط وش السلندر و البساتم خد 80
3-مصروفات اخرى (تغيير زيت + فلتر +بنزين لتلين العربية) 120
4- مصنعية الميكانيكى 300
دة بصراحة اللى انا فاكره
و عموما متقلقش حاجات الريجاتا رخيصة مش غالية
اما عن اماكن بيع قطع الغيار عندك فى وسط البلد فى التوفيقية هشام لهيطة و فى الدقى امام سينما التحرير محمد يوسف كمان فى شارع السودان فى المهندسين امام التوحيد و النور محمد و احمد
وربنا يوفقك إن شاء الله