نويت اشترى سوباروا 2010 عاوز اعرف كل حاجة عنها

بسم الله الرحمن الرحيم
نويت ان شاء الله اشترى سوبارو2010 (معايا جين 2 اوتوماتيك ) وانا من اسكندرية
قبل ما اقرر دورت كتير على النت لغاية ما لقيت موقعكم ولقيت تحليلكم جميل جدا وشيق جدا وناس فاهمة كويس مش عايز اطول عليكم انا محتاج اعرف حاجات عن سوبارو مانيوال
ايه اخبار توكيل اسكندرية انا زرتهم لقيتهم مضيعين هما فاتحين فى مركز اسمه الصفوة فمحتاج اعرف ايه الأخبار فى توكيلات سوباروا عموما قطع الغيار موجودة فى التوكيل ولا فوت علينا الشهر اللى جاى.
ايه نوع البنزين اللى ينفع مع السوبارو خصوصا انا بحب الشد علشان كده بجيب مانيوال
هل العربية 2009 او 2010 فيها مشاكل فنية - فيها عيوب الواحد لازم ياخد باله منها قبل ما يشترى
ايه اخبار ارتفاع العربية عن الأرض خصوصا انتم عارفين الشوارع اليومين دول هل هى عالية ولا واطية
ايه اخبار الأمان والثبات هل هو موجود فى 1500 سى سى زى sti ولا ايه انا مش عايز اطول عليكم لو حد عنده حاجة تفيدنى فى اختيارى يبقى خدمنى على فكرة انا معايا اسعار قطع غيار سوبارو بس حاول ارفعها على الموقع هنا بس فشلت لو حد عايزها يدينى ايميله وانا ابعتهوله شكرا

السوبارو بدون نقاش و كلام كثير ثابته جدا بسبب ال awd و المحرك البوكسر و العفشه ايضا مش ناعمه اوي يعني ...

المفروض علي ما اعتقد 95 بس انا بحط في الموديل اللي قبلها 92 و اهي ماشيه ...

انا ماتعملتش الا مع التوكيل اللي هنا في القاهره في جسر السويس و بصراحه ناس محترمه و عندهم قطع الغيار موجوده عادي بس بصراحه مجربتهمش في قطع غيار تقيله هو يادوب سير دينامو و صيانه عاديه وفلاتر و اسعارها كويسه جدا و كمن ارخص من باقي التوكيلات اليابانيه بص المقارنه دي

http://www.nilemotors.net/Nile/12999...post3872514448

يمكن عيبها في نظري قطع الغيار مش سهله بره التوكيل ...
و ايضا موتورها في السحب و الشد مع العربيات التانيه يعني مش زي ما كنت فاكر ... بس هي مش بطيئه بس عزمها شديد و كويس

ارتفاع ال2006 2007 واطيه بصراحه ... ال 2009 و ال 2010 مش عارف بس اعتقد ممكن اعلي ...

اهم ميزه فيها الثبات و ان مش كل الناس ركباها زي يعني تحس انك متميز في مصر الحمدلله ههههه انا بحس ان السوبارو دي ركوبه يعني مش زي اي عربيه حتي الالمان بيحترموها و بفضلها علي عربيات الماني جربتها زي البورا مثلا .. عربيه محترمه جدا و انت لو دورت هنا في المنتدي هتلاقي حاجات مفيده كثييير

العربية جميلة و انت حسب ذوقك تختار من السيدان أو الهاتش باك الاختلاف شكلا فقط لكن العربيتين نفس الحجم من جوه و نفس الوزن والقوة .. الموتور 1500 مزدوج الكامة بتحكم الكترونى فى عمل الصمامات لتوفير البنزين ... متوسط الاستهلاك فى بنزين 92 هو 8 لتر لكل 100 و أقصى استهلاك داخل المدينة وصل 10 لتر لكل 100 ك فى فترات معينة ..
-
السحب بتفتح جامد بعد اللفات ما تعدى 3000 لفة rpm
و المانوال سحبها كويس جدا و لكن طول ما حتستخدم بنزين 92 ما تعديش ال rpm ل5000 لأنه ممكن يؤثر على العربية مستقبلا .
-
الهاتشباك مانوال فيها فتيس تانى اسمه dual range بيزود العزم و بيخلى العربية تجمع أسرع لو فى مطلع أو حمولة تقيلة ..وده فتيس سوبارو متعودة تحطه فى الامبريزا الواجون على مدار تاريخها كنوع من التميز للواجون .. وهما حطوه فى الهاتشباك دى على أساس إنها الموديل الواجون الجديد من امبريزا
-
العربية من جوه معقولة وشكل التابلوه حلو وخاماته بتعيش رغم انها بلاستيك ..التكييف مش السوبر يعنى لكن أداءه جيد فى الحر بتاعنا ومش حتحتاج تعليه على الأخر إلا إذا كنت محمل كتير فى العربية .
-
العفشة ناعمة عن 2007 و 2005 و مريحة جدا فى الطرق المكسرة و المطبات .. لكن على الطرق المفتوحة حتحس بأى رجرجة فى الطريق لكنها عيب لايذكر أمام نعومة العفشة زى باقى اليابانى .
-
السعر أعتقد حتغلى الأيام القادمة و 2011 حتغلى تانى و الشكل ده اخره 2011 و من أخر 2011 حينزل الشكل الجديد ...

أنت متاكد ان في شكل جديد هاينزل ؟؟ في 2011 ؟

اقتباس:

---

المشاركة الأصلية كتبت بواسطة Kazzaz

أنت متاكد ان في شكل جديد هاينزل ؟؟ في 2011 ؟

---

-
فى تصريح رسمى من الشركة فى معرض نيويورك .. إن موديلات wrx المعدلة متاحة من شهر 6 الجارى للبيع و إن ده أخر تعديل يطول الموديل الجارى ... وعادة موديلات إمبريزا بتفضل من سنتين لتلاتة وبعدين يغيروها .. الموديل ده من 2008 ... أعتقد فى 2012 فى إمبريزا جديدة .. مش شرط تكون جديدة كليا .. ممكن يعدلوا الواجهة أو الخلفية زى ما عملوا مع 2007 بعد 2004

شكرا جدا على الردود
لكن نظرا للسوق بتاعنا والتوكيلات عندنا الواحد بيخاف من موضوع تكون فيه مشاكل وعيوب وطبعا التوكيل مش عارف قطع الغيار متوفرة ولا لأ يبقى هالبس العربية وهبقى تحت رحمة التوكيل وكالعادة فوت علينا بعد شهر
تانى حاجة انا بسال فعليا على موضوع العافشة وارتفاعها عن الأرض علشان انا بلف فى طرق كتيرة لو ارتفاعها كويس يبقى الكلام كويس
موضوع ان سحبها فى الأول بطئ ده علشان awd فتتقل على الغيار لغاية ما تسحب معاك
لو على كلام الدعاية كله كلام جميل علشان انا كده عاوز كلام واقعى من تجربة ناس معاها العربية دى وجربت التوكيل

شوف أنا معايا موديل ٢٠٠٨ والعربية الحمدلله كويسة، مفيهاش غير العيب المعروف بتاع الطنبير و اتغير على حساب التوكيل والحمدلله مرجعش تاني.
التوكيل كويس و محترم، مفيش معه مشاكل جامدة، كلها الحاجات العادية في مرلكذ الصيانة ف مصر.
أما باءة بالنسبة لإرتفاع العربية فطول منطة راكب لوحدك أو ٢ بالكتير مش في مشكلة، لكن أكتر من كدة العربية حتحك في المطبات العشوائية المعمل فالشوارع وبالذات في الشوارع الجانبية.
سحب العربية اه ضعيف، موتور ١٥٠٠ و كمان دفع رباعي، فدي حاجة طبعية.
إستهلاك البنزين زيادة عن أي عربية برد عشان الدفع الرباعي. أنا العادي بنال على ٣٠٠٠ - ٤٠٠٠ و معدل الإستهلاك ال-٦٠ لتر بتعمل جوا البلد ٤٥٠ كم. على السفر باءة يزيد ال-٦٥٠ كم لو سرعة ١٠٠-١٢٠.
و أي سؤال تاني أنا تحت أمرك.

معايا ٢٠٠٧ مانيوال و سوقت ٢٠٠٩ اوتو كتيييييير
ال٢٠٠٩ على من ٢٠٠٧ بنص سم يعني ارتفاعها ١٥.٥ سم و ده ارتفاع كويس جدا. العربيه اوسع من ٢٠٠٧ و انعم.

متخافش من التوكيل... خصوصا جسر السويس. كويسين جدا و كل قطع الغيار تقريبا موجوده.

كده الموضوع بقى حلو
haythams انا محتاج اعرف ايه العيوب المنتشرة وحلولها ازاى ؟؟ وممكن تشرحلى ايه عيوب ومميزات التوكيل بأستفاضة اكتر
انا فكرت فى فكرة بس مش عارف انفذها ازاى برده علشان انا مش عندى سوبارو فمش عارف اشرح كل حاجة فيها
بس انا بفكر لو كل موديل من سوبارو وكل واحد يتكلم على الموديل بتاعوا من ناحية مزاياه او عيوبه ايه المشاكل اللى قابلها واتغلب عليها ازاى
تبقى كويسة لأى حد متخوف من انه يشتريها يبقى كل حاجة تحت ايده وتانى حاجة تبقى مساعدة للجروب علشان اللى صادفه المشكلة دى يعرف يحلها ازاى