ايه رايكم في النظام ده للتقسيط ؟؟؟
كنت قاعد مع واحد صاحبي و اتكلمت معاه في حاجات كتير اوي ... اهم موضوعين
1- انا عاوز اغيرالعربية
2- عاوز اعمل مشروع
الموضوعين منفصلين .... فجاة لقيته بيقولي طيب ما تعمل مشروع بيع عربيتك
بيع عربيتك تقسيط اسلامي .....:osama:
يعني من غير فايده ..... ممتاز
سالته وانا هستفاد ايه ....و ازاي ده يبقي مشروع
لاحظوا ان انا قبل اللحظة دي معرفش تفاصيل عن التقسيط الاسلامي في مصر
قاللي .... لو عربية ب 60 الف كاش و هتتقسط اسلامي هتبعها ب 70 الف
يعني 35الف مقدم و 35 الف علي سنتين
فوائد الموضوع ده
1- هاتلي واحد يقدر يقول انه حرام ...... حلال حلال
2-محدش هيقعد يفاصل معاك في تمن العربية ...
مثلا انا معايا افيو 2007 بسمع اسعار كتيرة بس متوسطها 57 الف تزيد او تقل
في الحالة دي هحسبها انها تقسيط اسلامي ب 70 الف
طيب بتسالوا انا كاتب الكلام ده ليه
عشان انا شايف ان لا ده تقسيط و لا ده اسلامي
دا استغلال لما استغل عدم قدرة الشخص علي الدفع الفوري و ارفع سعر البضاعة للدفع بالاجل لسعر اعلي من القروض الربوية
يبقي انا كده راجل مش تمام
في حين ان نفس الشخص لو معاه 35 الف و خد قرض من البنك 25 الف و دفع ال 60 هيقسط ال 25 الف دول 29250
يعني هيدفع في العربية64250 يعني ارخص 5 الاف جنيه من التقسيط الاسلامي ده غير انه مش مجبر يستحمل تقديري لسعر العربية و ممكن ياخدها ب 57 الف
انا بفكر اعمل الموضوع ده بس احسب الحسبة قدام اللي هيشتريها و اعرفه اني حاسب تمن العربية ب 60 الف و ربحي 10 الاف
وهو حر ...
في النهاية تنصحوني بايه ؟؟؟؟؟؟؟؟؟؟؟؟ :majd(4):
