ممكن أعرف العنوان و السعر كم حاليا و الوقت المستغرق فى التحديث. أنا سيارتى سي4 موديل 2006
عرض للطباعة
السلام عليكم..انا كنت بسأل علي الجراند بيكاسو 2009..شفت كذا واحده و انشالله يمكن اخلص في واحده كويسه..بس المشكله انا سمعت ردود متفاوته عنها بخصوص انها جاز..ناس بتشكر فيها جدا و ناس تقول سيبك منها..انا هاعمل كشف عالموتور في التوكيل..بس اللي عرفتو ان الناس بتشتكي منها عشان الناس بيسوقوها غلط..بيتعاملو مع الموتور الديزل زي البنزين و انه محتاج اسلوب خاص في السواقه اظنه مش صعب قوي و لو اتعامل مع اي عربيه هيصونها..محتاج المشوره بخصوصها و هل عند سعادتك ورشه خاصه ممكن الواحد يتعامل معها في الصيانه بعد كده ؟
الموضوع قديم اوى يا جماعة
و بشمهندس رامى بطل يدخل يرد على الاستفسارات من فترة كبيرة اوى
فمحدش يستنى رد فى الموضوع ده
السلام عليكم يا شباب
أنا معايا وبنو لوجان روماني من ٥ سنين و بافكر أغير لستروين c4 أو بيكاسو في حدود ٥٠-٦٠ الف
ارجو النصيحة أيهما افضل من حيث الاعتمادية / الصيانة / قطع الغيار / سهولة إعادة البيع
و كيف يمكن ان اجد سيارة حالة ممتازة و و الكشف عليها مع مراعاة ان وقتي مضغوط جداً و محتاج حد ثقة يساعدني
و لكم جزيل الشكر
الاتنين زي بعض الاختلاف فى الشكل الخارجي و قطع الغيار للسي 4 أكتر و مش عالية فى العموم و الاتنين اعتماديين و سهولة اعادة البيع للاتنين مش أوي لكن السي4 أفضل و سعر 50 ألف ده قليل النضيف لو أوتو 70 و أكتر حسب الموديل و الكيلومتر و الحالة و المانوال أقل طبعا و ما تسترخسش أبدا زيادة 3 أو 4 الاف جنيه مش مبلغ أمام الحالة النضيفة الكويس لأنها حتوفر عليك كتير بعد كدة
السلام عليكم
ارجو المساعدة فى معرفة مكونات سيستم الاير باج الأزمة لإعادة تشغيل النظام لستروين c4 ، ذلك لان الاثنين عندى مفتوحين وعملت اتفاق مع تاجر قطع غيار استيراد بالاسكندرية أنى اشترى النظام كله بجميع مشتملاته ، بمبلغ معقول (٣٠٠٠ جنيه ) فما هى القطع والواصالات المطلوبة وأماكنها بالسيارة
وسؤال تانى ، سمعت أن تغير كارتة الكمبيوتر( وحدة bcm ) اللى تحت عصاية الفتيس باخرى كانت مستعملة بسيارة اخرى غير سليم وفى الغالب النظام لن يعمل حيث أن الكارته دى تحوى الذاكرة الخاصة بكل سيارة ولا يمكن إلغائه . فهل هذا كلام سليم ولا إيه ؟؟؟
وهل ممكن اشترى هذه الوحدة فقط من التوكيل جديدة والباقى استعمال حيث ثمن السيستم كامل فى التوكيل أكثر من عشرين ألف
ولا أحسن حاجة أنى انسي الموضوع وأللغى النظام خالص
أرجو النصيحة ضرورة لانى بجد محتار جداً
تحياتي للجميع