اي حد عندة استفسار في ستروين انا في الخدمة

**omarcar** · 19-02-2014 12:04 PM

السلام عليكم اريد ان اعرف بعض اسعار قطع غيار ax ومن اين
- كربراتير سمعت ان فيه صيني لاني تعبت من اصلاح القديم و الاستيراد بحوالي 500 جنيه
- المساعدين الامامي و الخلفي ولو القديم ممكن يتملو
-علبة الدركسيون الصيني بكام
- جلب المقصات
وشكراً

**hemaah48** · 10-03-2014 09:51 PM

السلام عليكم يابشمهندس رامى
عايز اعرف من حضرتك ليه البيكاسو 2012 فيها مشاكل مثل الحراره وهل هى يتاكل زيت وايه مشكلتها مع البنزين 92 وهل استخدام البنزين92مره او اثنين يؤدى الى تدمير الموتور
ممكن ايضا تحصرلنا مشاكل البيكاسوا ولك جزيل الشكر

**عبدالناصر محمد** · 26-04-2014 05:38 PM

السلام عليكم
اشتريت c3 1.1 موديل 2004 من اسبوع وعايز اعرف ايه عيوبها ومميزاتها واسعار قطع غيارها بعد اذن حضرت يا باشمهندس رامي وياريت رقم موبايل حضرتك

**filex17** · 05-06-2014 10:44 AM

متابع لاني لسه شاري c3 2004 موتور 1100 مانيوال
عندي العربيه سعات تبطل و هيه ماشيه كل ماشيل رجلي من علي البنزين و تفضل كده 10 دقائق و ترجع تتظبط لوحدها 2-لمبه الشيك علطول منوره بس العربيه ماشيه عادي
3-العربيه بتاخد و قت علي ما بتجمع اقصد لما بدوس علي البنزين علي الاخر مبتسحبش بسرعه
4-لما بستخدم المفتاح العادي لفتح باب السياره مش بيخش كله جوه الكالون بس السنتر بالريموت شغال عادي
5 اخيرا و اسف علي الاطاله في زرازرن تحت الكاسيت يمين مش عارف بتوع ايه

**midohadji** · 07-06-2014 02:30 AM

بالنسبة لل c3 سيارة محترمة وتعتير السيارة المستعملة الاكثر مبيعا في اوربا لعدة اسباب ( عفية متينة مقارنة بالسيارات الاخري - حجم متوسط يسع ل 4 افراد - ارتفاع ممتاز - بور ناعم جدا - تابلوه به عداد ديجتال - اهم ميزة الامبوليزر السيارة تعمل بمفتاح شفرة لا تستطيع ان تدار بدونه مانع للسرقة - اتزان علي السرعات عملت بيها 120 ولم اشعر بشي- موفرة في الينزين )
العيوب ( السيارة الممتازة خارج مصر بتبقي في مصر غير ممتازة والعكس صحيح واكبر مثال الفيرنا والانوس والادا خارج مصر تم ايقاف تصنيعهم ولازالوا يتحكمون في السوق وكمان بيغلوا كل سنه - فطع الغيار غالية بالنسبة للاصلي ولكن يوجد اسباني وتونسي وفرنسي قرز تاني واستيراد يعوض الفرق ده ونصيحة اشتري قطعه غيار غالية وتعيش احسن ما تجيب صيني مضروب انه كوري وتلبس مصنعية التركيب وهنا المصنعية بياخدوا ثمن القطعه في التركيب - الماتور 1200 وسحبه تقيل علي الاول والتاني بيجمع متاخر بس بيفتح بعد كده - ضيق الحوض يجعل الصنيعي شغال وهو متكتف - ال 1200 حوالي 60 حصان ودي ضعيفة اوي - الصنيعيه بلية وشلته لا يفهموا فيها وننصح بميكانيكية البيجو والستروين )

ده موقع عليه اسعار قطع الغيار باليورو والدولار طبعا حاجات فرز اول مش زي اللي بيجلنا لو عاوز تحسب قطع الغيار بتاعتها حاول تضرب في 10 لو يورو وفي 7.25 لو دولار وهنبقي بالرنج ده في مصر
citroen c3 used | eBay

**Sindibad** · 07-06-2014 11:47 AM

المشاركة الأصلية كتبت بواسطة romeo26222

صباح الخير لكل الاخوة الاعضاء
الموضوع دا هيبقي مخصص لمشاكل السيارات الستروين وبالاخص مشاكل الموديلات الحديثة وحلولها واسعار القطع المطلوبة..
اي حد عندة استفسار انا في الخدمة..
م/رامي

السلام عليكم

مهندس رامى من فضلك محتاج منك رأى فى الستروين سى 5 موديل 2012 و13 و14

اكبر مشكلاتها ايه - وسواقتها عاملة ازاى ؟ - هل هى مملة كما يقولون؟
هل بها مشكلة معينة مشهورة؟ قرات فى بعض المنتديات الأجنبية ان صوت الأطارات بيسمع جامد فى الكابينة ؟ فهل هذا صحيح؟

ولك الشكر

م / طارق منصور

**تامر الطيب** · 08-06-2014 04:34 PM

عايز أعرف أسعار 2 مُساعدين أمامي كامل و2 مقص و2 تيش لعلبة الدركسيون و2 بار و2 أولسية كوبلن و1 كوبلن يمين ودُنجل خلفي لسيارتي ستروين zx وشُكراً جزيلاً يا باشا

**corvin** · 10-06-2014 02:18 AM

السلام عليكم جميعا
أنا هشترى ستروين c4 2012 إن شاء الله وكان عندي سؤال على اللون
العربيه لونها بترولي (أزرق غامق) بس مكتوب في الرخصه فيراني
هل ده عادي بالنسبه لاللون ده؟

**tottihr** · 18-06-2014 01:17 AM

المشاركة الأصلية كتبت بواسطة Romeo26222

صباح الخير لكل الاخوة الاعضاء
الموضوع دا هيبقي مخصص لمشاكل السيارات الستروين وبالاخص مشاكل الموديلات الحديثة وحلولها واسعار القطع المطلوبة..
اي حد عندة استفسار انا في الخدمة..
م/رامي

**ALshahba** · 24-06-2014 06:29 PM

المشاركة الأصلية كتبت بواسطة sindibad

السلام عليكم

مهندس رامى من فضلك محتاج منك رأى فى الستروين سى 5 موديل 2012 و13 و14

اكبر مشكلاتها ايه - وسواقتها عاملة ازاى ؟ - هل هى مملة كما يقولون؟
هل بها مشكلة معينة مشهورة؟ قرات فى بعض المنتديات الأجنبية ان صوت الأطارات بيسمع جامد فى الكابينة ؟ فهل هذا صحيح؟

ولك الشكر

م / طارق منصور

+1111