اي حد عندة استفسار في ستروين انا في الخدمة

**Romeo26222** · 02-04-2010 02:49 PM

صباح الخير لكل الاخوة الاعضاء
الموضوع دا هيبقي مخصص لمشاكل السيارات الستروين وبالاخص مشاكل الموديلات الحديثة وحلولها واسعار القطع المطلوبة..
اي حد عندة استفسار انا في الخدمة..
م/رامي

**medomonier** · 02-04-2010 08:21 PM

السلام عليكم

انا عندي نتشة غريبة في الفتيس بين d1&d2 انا معايا c4 2006

**Romeo26222** · 02-04-2010 09:50 PM

العربية بتنتش وهي باردة ولا وهي سخنة؟
هل العربية بتديك "Gearbox faulty" ولا لأ

اجابتك علي الاسئلة دي هتحدد اذا كان دا عيب في الفتيس ولا طبيعي لان كل السي 4 فيها نتشة بين الاول والتاني..

**haythamsamir** · 03-04-2010 12:45 PM

انا قدامي اشتري اكسارا 2004 وماشية 50000 كم بس العربية اتخبطيت والميكانيكي بيقولي ان الخبطة طالت الاكصدام والفوانيس بس مع العلم بان الوسادة الهوائية فتحت . فهل يمكن ان تضرب الوسادة الهوائية دون حدوث خسائر مؤثرة ؟
وياريت حضرتك تقولي اهم عيوب العربية دي

**Romeo26222** · 03-04-2010 03:48 PM

المشاركة الأصلية كتبت بواسطة haythamsamir

انا قدامي اشتري اكسارا 2004 وماشية 50000 كم بس العربية اتخبطيت والميكانيكي بيقولي ان الخبطة طالت الاكصدام والفوانيس بس مع العلم بان الوسادة الهوائية فتحت . فهل يمكن ان تضرب الوسادة الهوائية دون حدوث خسائر مؤثرة ؟
وياريت حضرتك تقولي اهم عيوب العربية دي

بالنسبة للاكسارا ال n7 اللي هي بتتسمي اكسارا 2 العربية دي كويسة جدا ومن افضل الموديلات اللي نزلت سيدان من ستروين
بالنسبة للوسائد الهوائية ممكن تفتح فعلا بدون حدوث خسائر مؤثرة لان الكومبيوتر بيحسب السرعة المتناقصة للعربية وبيقرر فتح الوسائد..
بالنسبة للعيوب احب اقولك ان الاكسارا n7 من اقل العربيات اعطالا دا بشرط ان مايكونش في اي لعب في ضفيرة العربية لانها حساسة شوية من جهة الكهرباء وقطع الغيار متوفرة لكن غالية نسبيا...

**amrrashed** · 03-04-2010 04:36 PM

الف شكر على جهدك

**yaco_nil** · 04-04-2010 04:12 PM

موتور خفيف يعنى ايه
الفيوزات
علبة الدريكسيون لو عايزه حشو يعنى ايه
العربيه احيانا بتنتش او بتقطع وهى بتجرى وبعد كده تبقى كويسه واحيانا تقطع
ممكن اجابه

**Romeo26222** · 04-04-2010 07:17 PM

المشاركة الأصلية كتبت بواسطة yaco_nil

موتور خفيف يعنى ايه
الفيوزات
علبة الدريكسيون لو عايزه حشو يعنى ايه
العربيه احيانا بتنتش او بتقطع وهى بتجرى وبعد كده تبقى كويسه واحيانا تقطع
ممكن اجابه

ممكن اعرف انت بتتكلم علي اي عربية بالظبط؟؟

اولا بالنسب للموتور الخفيف يعني كبس الموتور بقي اضعف بسبب التاّكل اللي بيحصل في بستم الموتور والشمايز او ضعف طقم الشنبر..
علبة الدركسيون عايزة حشو يعني في جزء فبر اسمة طقم حشو بيكون مكسور او متاكل جوة العلبة وبيتغر بس نتايجة مش مضمونة وطقم الحشو مش متوفر في كل الموديلات
بالنسبة للتنتيشة احب اعرف نوع وموديل العربية..

**kahrota** · 04-04-2010 11:50 PM

ممكن تكلمنا عن مشكله الجير الاتومتيك فيc4 و بتحصل امتي و هل هي تحدث بتكرار و هل العربيه ال ؤ4cيعتمد عليها ولا كثيره الا عطال
و شكرا

**Romeo26222** · 05-04-2010 10:11 AM

المشاركة الأصلية كتبت بواسطة kahrota

ممكن تكلمنا عن مشكله الجير الاتومتيك فيc4 و بتحصل امتي و هل هي تحدث بتكرار و هل العربيه ال ؤ4cيعتمد عليها ولا كثيره الا عطال
و شكرا

مشاكل الجير بوكس الاتوماتيك في السي 4 كانت كتيرة في موديلات 2006 بسبب عيب في تصنيع جزء داخلي في الفتيس وقلت خالص بل كادت ان تختفي في الموديلات الاخيرة
العربية السي 4 يعتمد عليها وهي ما اكثر العربيات ثباتا وامناً لكن يشترط عدم تركيب اي اكسسوارات او كماليات مش مصممة للعمل علي السيارة لانها حساسة جدا من ناحية الكهرباء غير كدة العربية من احسن العربيات اللي موجودة حاليا في سيتروين..