صباح الخير لكل الاخوة الاعضاء
الموضوع دا هيبقي مخصص لمشاكل السيارات الستروين وبالاخص مشاكل الموديلات الحديثة وحلولها واسعار القطع المطلوبة..
اي حد عندة استفسار انا في الخدمة..
م/رامي
عرض للطباعة
صباح الخير لكل الاخوة الاعضاء
الموضوع دا هيبقي مخصص لمشاكل السيارات الستروين وبالاخص مشاكل الموديلات الحديثة وحلولها واسعار القطع المطلوبة..
اي حد عندة استفسار انا في الخدمة..
م/رامي
السلام عليكم
انا عندي نتشة غريبة في الفتيس بين d1&d2 انا معايا c4 2006
العربية بتنتش وهي باردة ولا وهي سخنة؟
هل العربية بتديك "Gearbox faulty" ولا لأ
اجابتك علي الاسئلة دي هتحدد اذا كان دا عيب في الفتيس ولا طبيعي لان كل السي 4 فيها نتشة بين الاول والتاني..
انا قدامي اشتري اكسارا 2004 وماشية 50000 كم بس العربية اتخبطيت والميكانيكي بيقولي ان الخبطة طالت الاكصدام والفوانيس بس مع العلم بان الوسادة الهوائية فتحت . فهل يمكن ان تضرب الوسادة الهوائية دون حدوث خسائر مؤثرة ؟
وياريت حضرتك تقولي اهم عيوب العربية دي
بالنسبة للاكسارا ال n7 اللي هي بتتسمي اكسارا 2 العربية دي كويسة جدا ومن افضل الموديلات اللي نزلت سيدان من ستروين
بالنسبة للوسائد الهوائية ممكن تفتح فعلا بدون حدوث خسائر مؤثرة لان الكومبيوتر بيحسب السرعة المتناقصة للعربية وبيقرر فتح الوسائد..
بالنسبة للعيوب احب اقولك ان الاكسارا n7 من اقل العربيات اعطالا دا بشرط ان مايكونش في اي لعب في ضفيرة العربية لانها حساسة شوية من جهة الكهرباء وقطع الغيار متوفرة لكن غالية نسبيا...
الف شكر على جهدك
موتور خفيف يعنى ايه
الفيوزات
علبة الدريكسيون لو عايزه حشو يعنى ايه
العربيه احيانا بتنتش او بتقطع وهى بتجرى وبعد كده تبقى كويسه واحيانا تقطع
ممكن اجابه
ممكن اعرف انت بتتكلم علي اي عربية بالظبط؟؟
اولا بالنسب للموتور الخفيف يعني كبس الموتور بقي اضعف بسبب التاّكل اللي بيحصل في بستم الموتور والشمايز او ضعف طقم الشنبر..
علبة الدركسيون عايزة حشو يعني في جزء فبر اسمة طقم حشو بيكون مكسور او متاكل جوة العلبة وبيتغر بس نتايجة مش مضمونة وطقم الحشو مش متوفر في كل الموديلات
بالنسبة للتنتيشة احب اعرف نوع وموديل العربية..
ممكن تكلمنا عن مشكله الجير الاتومتيك فيc4 و بتحصل امتي و هل هي تحدث بتكرار و هل العربيه ال ؤ4cيعتمد عليها ولا كثيره الا عطال
و شكرا
مشاكل الجير بوكس الاتوماتيك في السي 4 كانت كتيرة في موديلات 2006 بسبب عيب في تصنيع جزء داخلي في الفتيس وقلت خالص بل كادت ان تختفي في الموديلات الاخيرة
العربية السي 4 يعتمد عليها وهي ما اكثر العربيات ثباتا وامناً لكن يشترط عدم تركيب اي اكسسوارات او كماليات مش مصممة للعمل علي السيارة لانها حساسة جدا من ناحية الكهرباء غير كدة العربية من احسن العربيات اللي موجودة حاليا في سيتروين..
م/رامي
حضرتك قولت قبل كده ان عيب الفتيس الاوتوماتيك لc4موجود في موديل 2007
وليس 2006 فايه هو الصح
الاهم هو
ما هي الاعراض وكيفية الحل؟
شكرا
و التصليح الجير بوكس في حدود كام
نوع العربيه
ax موديل 1995
ايه اخبار تسارع ال c4 والثبات؟؟
وهل موتورها يسعف فى السرعات البطيئه ولا بطه فى الاول وبتشد بعد
كده؟
شكرا...
باشمهندس رامى اولا اشكرك على جهدك ثانيا عندى سؤال انا عندى سى فور 2005 وفى رسالة طلعتلى ان OIL pressure too low فعلى طول رحت البنزينة وغيرت زيت وحطيت موبيل ال 3000 كم والزيت القديم كان محروق بصراحة هل معنى الرسالة انى محتاج بس اغير زيت ولا فى حاجة تانية؟
الف شكر يا باشمهندس هروح التوكيل فى اقرب فرصة اغير الزيت والفلتر
معلش اصل انا قلقت فى خطورة انى امشى بالعربية كدة لغاية يوم السبت
شكراً جزيلاً Romeo26222 لعرضك الكريم ربنا يبارك فيك
معلش يا باشمهندس رامى هو سعر تغيير الزيت والفلتر فى التوكيل كام علشان اكون عامل حسابى بس
الزيت 230 جنية
الفلتر 85 جنية
كويس جدا والف شكر ليك
سؤال غريب شوية
انا مش عارف استغل الاماكن الموجودة في C4 لأنها غير مصممة للغرض الموجودة به
فمثلا مكان اللي بتضع فيه الكوب... لو الزجاجة كبيرة , بتقع لقدام عند التحرك بسرعة
و بعدين مش لاقي مكان احط فيه iPod او الموبايل من غير ما يقعوا عند التحرك بسرعة
فلو عرفتم تتعاملوا مع المشكلة ده يا ريت تقولولي
شكرا
بس كدة الموبايل بيتحرك قدام و ورا كلما بتتحرك بالعربية و يقعد يخبط
مهندس رامى / استشارة بسيطة c4 2007 ماشيى 56 الف كيلوا كبس الماتور 76% حالة العفشة متوسطة ممكن اعرف سعرها كام واشتريها ولا لا بالحالة دى -- لان 76% ده مش قليل على كبس الموتور
شراء السيارات الستروين يحتاج كشف ادق ومعلومات اكتر من دي بكتير
اولا كبس الموتور انا مش واثق فية لان اغلب اجهزة قياس كبس الموتور اللي موجودة مش معمولها معايرة صح علشان كدة انا شاكك في الرقم لان الكيلومتر بتاع العربية قليل..
علشان تتطمن اكثر علي العربية لازم يتكشف عليها في اي فرع للوكيل..عز العرب ..ايهم الاقرب ليك..
ممكن اجيلك بيها بكره او بعده
السلام عليكم
انا سمعت ان ال c4 موديل 2006 و 2007 فيهم مشاكل تصنيع فى الفتيس و الدينامو و علبة الدريكسيون - ممكن اعرف الكلام ده صحيح و الا لا ؟ و كمان تكاليف تصليحهم كام
أستاذ رامى هو حضرتك بتشتغل فى التوكيل؟ أقصد خبرتك فى السيتروين من عملك بالتوكيل؟ أرجو ان تتقبل سؤالى و لا أقصد أى شىء غير للعلم فقط - و أخيرا أشكرك على إهتمامك بالسيتروين علما إنى من محبى هذه السيارة و معايا من الزيرو إكسارا n6
راجع الموضوع من اولة ستعرف موضوع مشاكل الفتيس
بالنسبة للدينامو لا يوجد مشاكل لكن في بعض السيارات لو الدينامو احتاج لاصلاح فانة يتم نغييرة بالكامل لان ليس لة قطع او اطقم اصلاح
بالنسبة لعلبة الدركسيون لم نسجل حالة واحدة لتغيير العلبة لكن ممكن حضرتك تقصد طلمبة الباور وهي يتم تغييرها اذا سربت زيت هيدروليك فقط عدا ذلك لا توجد مشاكل