اجيبونى بارك الله فيكم ونفع بكم

السلام عليكم حياكم الله وبياكم وجعل الجنة مثوانا ومثواكم
عندى سؤال لااهل الخبرة عن الدايو النوبيرا حيث انى وجدتكم اصحاب همم ولاتبخلوا على بعضكم البعض بالردود القيمة حيث انى متابع للمنتدى منذ فترة .

امامى سيارة نوبيرا 2002 منيوال هيه ماشية كتير لانها بتاعت شركة المهم انها محتاجة موتور استعمال ورشة بره نظافة والان مركونه لان موتورها (خبط) وهما عارضوها للبيع - سنتر باور فيريون مريات كهرباء خمس فرد كوتش بيرلى جداد دى مواصفات العربية تسوى كام ؟؟ او من كام لكام تقريبا علشان متغلبش فيها وبالمره العربيه معمولها سمكره ودكو حلوين قبل متقف وجنوطها الاصلى . وجزاكم الله خيرا اخوانى الافاضل

من 35 الى 38 ألف

بعد ماتطمن على الأساسات كمان

اهم حاجة اساسات العربية تكشف عليها كويس وتحاول تشوف لو فيها مستهلكات هتكلف كام

اقتباس:

---

هيه ماشية كتير لانها بتاعت شركة المهم انها محتاجة موتور استعمال

---

انا من رأيي المتواضع ان حضرتك متشتريهاش

اهم حاجة اساسات العربية تكشف عليها كويس وتحاول تشوف لو فيها مستهلكات هتكلف كام

اقتباس:

---

المشاركة الأصلية كتبت بواسطة samirayad

من 35 الى 38 ألف

بعد ماتطمن على الأساسات كمان

---

جزاك الله خيرا على ردك الطيب
انا وصلتها الى 31.000 الف وهما عايزين 35.000 وربنا ييسر الامور
عموما انا شاكر لردك

اقتباس:

---

المشاركة الأصلية كتبت بواسطة ahmedsrs

اهم حاجة اساسات العربية تكشف عليها كويس وتحاول تشوف لو فيها مستهلكات هتكلف كام

---

بالنسبة للاساسيات مرشتش دواخل وانا سألت عن الموتور استعمال قالوا لى بــ 3.500جنية قول حتصرف 5.000 ايه رأيك ؟؟

عموما انا شاكر لمرورك وردك واهتمامك بارك الله فيك اخى
مشكور

اقتباس:

---

والان مركونه لان موتورها (خبط) وهما عارضوها للبيع

---

أرفعها الأول وأكشف صح على الشاسيه والستاره الأماميه وجوانب الحوض

لأن شكلها خارجه من حادثه محترمه ( وممكن تكون مغيره نص قدمانى )

وأطمن أنها من رشه حوض

والا أيه اللى خبط الموتور ( حتى لو كان مهوش موتور من الويل اللى شافه معاهم )

ومش عارف ليه

أنا مش مستريح لها

وتروى جيدا قبل الشراء

وياريت لو تفكر تانى وتالت وتصرف نظر عنها

فالعربيات كتير

اقتباس:

---

وبالمره العربيه معمولها سمكره ودكو حلوين قبل متقف

---

وشكلهم ولاد الأيه دول

ممكيجينها تمام أوى على البيكو .....علشان يخطفوا العين بجمالها

فخليك مع واحده محترمه أحسن

اقتباس:

---

المشاركة الأصلية كتبت بواسطة romeo_6887

انا من رأيي المتواضع ان حضرتك متشتريهاش

---

انا بحترم رأى حضرتك مشكور اخى بس انا شايف ان حضرتك علقت على انها ماشية كتير صح ؟ اقول لحضرتك ان انا حغير موتور مش حتفرق معايا كتير وللعلم انى لو ربنا قدر واختها مش حبيعها يعنى هيه مش تجارة .
اخى انا شاكر لك مرورك الطيب ورايك الف شكر

اقتباس:

---

سنتر باور فيريون مريات كهرباء خمس فرد كوتش بيرلى جداد

---

:U_thin1[1]:


خللى بالك برضه

أنت ممكن تكون بتشترى خمس فرد كاوتش بس

مش بتشترى عربيه

بس كده الكاوتش حيبقى غالى أوى ............!!!!!!!!!!!!!!!!!!

الفرده داخله فى 6 آلاف تقريبا

اقتباس:

---

فخليك مع واحده محترمه أحسن

---

:shyy:

فيه مثل حلو أوى بيقول أيه


قرد موافق .............ولا غزال شارد

فلايغرنك المظهر الخارجى

ولكن دائما أبحث عن الجوهر الداخلى

ودى خدها قاعده عامه فى كل أمور حياتك المستقبليه

اقتباس:

---

المشاركة الأصلية كتبت بواسطة taty652003

انا بحترم رأى حضرتك مشكور اخى بس انا شايف ان حضرتك علقت على انها ماشية كتير صح ؟ اقول لحضرتك ان انا حغير موتور مش حتفرق معايا كتير وللعلم انى لو ربنا قدر واختها مش حبيعها يعنى هيه مش تجارة .


اخى انا شاكر لك مرورك الطيب ورايك الف شكر

---

من الواضح ياباشا أن حضرتك لسه عضو جديد ، فنصيحة من أخوك خد كلام البشمهندس سمير عياد محمل الجد ، لأنه واحد من أفضل الخبرات الهندسية في المنتدى ، وده مش مدح فيه ولا حاجة ولكن من باب أعطي كل ذي حقا حقه ، فأي كلام قاله قبل كده في الموضوع طبقه بحذفيرة ، لأن في الأول و في الأخر الكل بيدور على المصلحة .

تقبل تحياتي

اقتباس:

---

لأن في الأول و في الأخر الكل بيدور على المصلحة

---

:S_thum1[1]:

متنساش برضه تشوف ورقها فى المرور وتتاكد ان الموتور الى فيها بتاعها مش متغير قبل كده

انا فرحان جدا من مشاركتكم لي انا استفدت كتير من خبرتكم

بس انا عايز اقول ان انا كنت شايف العربية وهيه ماشية من حوالى شهرين واقصد اقول ان موتورها (خبط ) بمعنى عايز عمرة كاملة وانا بقول اجيب لها موتور بدل العمره -

وفرده الكاوتش ايلى بستة الاف جنية..

انا مش للدرجة دى مش فاهم لا انا ميكانيكى سيارات ديزل بس انتم اهل خبرة فى الاسعار وموضوع الورق ده اخر حاجه علشان الشركة اجنبية وورقهم جنيه دهب

على العموم انا مسرور بمناقشتكم الجميلة الممتعه بارك الله فيكم

ممنوع الكتابة باللون الاحمر حيث انه مخصص للادارة

مشــرف دايـــو

اقتباس:

---

واقصد اقول ان موتورها (خبط ) بمعنى عايز عمرة كاملة وانا بقول اجيب لها موتور بدل العمره -

---

لا كده تفرق

وممكن تعيد التفكير

وتنسى كلامى عن أن العربيه تعرضت لحادث

طالما أنت متابع العربيه بهذا الشكل

وبما أنك ميكانيكى سيارات

ممكن يكون الموتور بتاعها كمان
محتاج شوية أصلاحات بسيطه
بدل ماتشترى موتور أستيراد غير مضمون برضه

وبكده تبقى العربيه فرصه فعلا

اقتباس:

---

المشاركة الأصلية كتبت بواسطة samirayad

لا كده تفرق

وممكن تعيد التفكير

وتنسى كلامى عن أن العربيه تعرضت لحادث

طالما أنت متابع العربيه بهذا الشكل

---

انا بحترم كلام حضرتك ونصايحك وارى انك على علم ولا تتمسك وتصر على رايك فأرى انك تسير وراء الحق وان خالف ما قلت من قبل

فجزاك الله خيرا على تواضعك وبارك الله فيك مشكور ياهندسة

اقتباس:

---

انا بحترم كلام حضرتك ونصايحك وارى انك على علم ولا تتمسك وتصر على رايك فأرى انك تسير وراء الحق وان خالف ما قلت من قبل

---

الله يخليك أولا على زوقك

ثانيا

لابد من قول الحقيقه بعد التفهم الجيد لفحوى الكلام

ومش عيب تدارك كلمة الحق
ولكن العيب هو الأصرار على المجادله بدون وجه حق

وصدقنى الأعتراف بالحق فضيله فى كل الأحوال

ويزداد الرجل حسنا وقوة لدى الآخرين
بتمسكه بالحق والدفاع عنه

أما لو كان الرجل من زوى الأنفس المغروره


أعاذنا الله من هذه النوعيه من الرجال
فلن يقول كلمة حق ....أن خرجت منه كلمة أولى
عكس حقائق الأمور

وبالتالى لن يهديك الى كلمة حق بعد تفهمه للواقع الصح

ليه الكلام ده ....................

لأنه مغرور ...........
والمغرور لايراجع نفسه أبدا

أصله مش فاهم حاجه أساسا

والا كان من باب أولى
أن لايرتدى ثوب الغرور

لأنه ثوب منبوذ ............دنيا ودين

أنا أقتبست تانى كلمة الزميل الفاضل

اقتباس:

---

لأن في الأول و في الأخر الكل بيدور على المصلحة .

---

لأن هو ده سبب تحاورنا مع بعض

التفكير سويا من أجل صالح الجميع

وبكل أخلاص دون أهداف ذاتيه

وإلا ملهاش لزمه الحوارات الخداعه اللى حتخلى ربنا يغضب علينا

أحنا كلنا ( عن نفسى طبعا )
مش طالب غير رضاه
غير كده
مش عاوز حاجه

لأن رضاه هو أحسن مايمتلكه الأنسان

وكله زائل
الا رضاه ...........لايزول

لا يسعنى الا ان ادعوا لكم دعوة بظهر الغيب ان يبارك الله لكم فى اوقاتكم ويجعلها فى

طاعته ويجعلكم مفاتيح للغير مغاليق للشر ويبارك لكم فى اولادكم


وفقنا الله واياكم الى مايحب ويرضى

ايضا اسألكم الدعاء

اللهم هيىء له من أمره رشدا

ربنا يوفقك يا باشا وإن كان لك خير فيها تاخده وإن كان لك شر منها يبعده عنك

امين ربنا يكرمكم

احلى دعوات

اللهم اغفر لنا وارحمنا

واهدنا واهدى بنا واجعلنا سببا لمن اهتدى

ممنوع الكتابة باللون الاحمر
حيث انه مخصص للادارة

مشــرف دايــو