عايز اعرف نصائح ما بعد تليين الالف الاولى

**DrMax** · 02-04-2010 04:35 PM

السلام عليكم
انا معايا بومه 1300 مانيوال 2009 وكيل
لسه مخلص الالف الاولى وهروح بكرة ان شاء الله اعمل صيانة الالف فى فرع قليوب
وكنت طبعا ملتزم خلال فترة الالف الاولى بقواعد التليين ان الار بى ام ميعلاش عن 3 والسرعة القصوى من 80-90 ومبحرقش عالغيارات ومبشغلش التكييف والكلام ده

فكان ليا استفسار بسيط بالنسبة لبعد الالف الاولى...هل فى نصايح بالنسبة لطبيعة السواقة زى الالف الاولى كده او فى حاجات معينة التزم بيها ولا عادى اعمل اللى انا عايزو وادوس واجرى واشغل تكييف
لانى سمعت ناس بتقول ان لازم تجرى بالعربية عشان الموتور يفتح وناس تانية تقول لا بالراحة برضو حتى بعد الالف الاولى لغاية الالف التانية كده فارجو الافادة ايه الافضل للموتور عشان احافظ عليه؟؟؟

وياريت كمان تقولولى صيانة الالف لازم احجز معاد ولا اروح علطول
وشكرا جزيلا

**DrMax** · 02-04-2010 07:08 PM

ايه ياجماعه محدش بيرد ليه ؟!!!

**mada121977** · 02-04-2010 07:32 PM

الف مبروك لحضرتك العربيه وربنا يديلك خيرها ويكفيك شرها
بالنسبه لصيانه الالف من غير حجز يعنى حضرتك تروح على طول ويفضل بدرى على الساعه 8 صباحا علشان تمشى بدرى واذا كان عندك اى ملاحظات عن العربيه قولهم عليها علشان يعملوها ... بالنسبه لما بعد الالف فاستمتع بالعربيه واجرى بيها علشان ده فعلا بيفتح الموتور وبيخلى العربيه فايقه :)

**DrMax** · 03-04-2010 12:05 AM

المشاركة الأصلية كتبت بواسطة mada121977

الف مبروك لحضرتك العربيه وربنا يديلك خيرها ويكفيك شرها
بالنسبه لصيانه الالف من غير حجز يعنى حضرتك تروح على طول ويفضل بدرى على الساعه 8 صباحا علشان تمشى بدرى واذا كان عندك اى ملاحظات عن العربيه قولهم عليها علشان يعملوها ... بالنسبه لما بعد الالف فاستمتع بالعربيه واجرى بيها علشان ده فعلا بيفتح الموتور وبيخلى العربيه فايقه :)

الله يبارك فى حضرتك
وشكرا ليك على مساعدتك
تحياتى

**el931** · 03-04-2010 03:06 AM

بداية مبروك عالعربية وربنا يديك خيرها ويكفيك شرها
موضوع حجز الصيانة اعتقد افضل
ولو لحضرتك ملاحظات على العربية يعنى اى حاجة بتفكر فيها اكتبها فى ورقة وخليها فالعربية معاك افضل
اما موضوع الجرى وتشغيل التكييف العربية مكتوب بها تعليمات التليين ودى فترة وعدت و الحمد لله ولكن نصيحة ارجوا ان تتقبلها : متحاولش تجرب حاجة غير عادية فالعربية يعنى تسمع عن حرق وتسارع وتقفيل عداد وناس تقول اختبر العربية وهى لسة جديدة انا شايف ان كل دة كلام شديد الضررر على العربية يعنى خليك عادى وطبيعى وكل الاحتياطات الخاصة بالتلين يذيد عليها انك ممكن تفتح السرعة شوية وتشغل التكييف براحتك وتستمتع بالعربية ان شاء الله
لانى معى لانسر 2010 وعامل بيها لحد دلوقتى 11 الف كم يعنى مشيت كتيير وجربت كتيير ووصلت حتى لسرعة 180 كم / س والحمد لله العربية زى الفل

**DrMax** · 03-04-2010 03:44 PM

المشاركة الأصلية كتبت بواسطة el931

بداية مبروك عالعربية وربنا يديك خيرها ويكفيك شرها
موضوع حجز الصيانة اعتقد افضل
ولو لحضرتك ملاحظات على العربية يعنى اى حاجة بتفكر فيها اكتبها فى ورقة وخليها فالعربية معاك افضل
اما موضوع الجرى وتشغيل التكييف العربية مكتوب بها تعليمات التليين ودى فترة وعدت و الحمد لله ولكن نصيحة ارجوا ان تتقبلها : متحاولش تجرب حاجة غير عادية فالعربية يعنى تسمع عن حرق وتسارع وتقفيل عداد وناس تقول اختبر العربية وهى لسة جديدة انا شايف ان كل دة كلام شديد الضررر على العربية يعنى خليك عادى وطبيعى وكل الاحتياطات الخاصة بالتلين يذيد عليها انك ممكن تفتح السرعة شوية وتشغل التكييف براحتك وتستمتع بالعربية ان شاء الله
لانى معى لانسر 2010 وعامل بيها لحد دلوقتى 11 الف كم يعنى مشيت كتيير وجربت كتيير ووصلت حتى لسرعة 180 كم / س والحمد لله العربية زى الفل

الله يبارك فى حضرتك
بالنسبة للصيانه انا لسه راجع من التوكيل وروحت من غير حجز وطبعا طلعت اسلم عالمهندس طارق
وكالعادة عمل مع الواحد الواجب وزيادة واتعملى خصم عشان الستيكر
بجد بشكره جدا وبتمنالو مزيد من التقدم والنجاح

عامة انا ماليش فى الحرق والسرعة القصوى والكلام ده
انا كنت بستفسر بس عن انى اطول فى كل نقلة شوية يعنى اعلى بالار بى ام واجرى وكده فى حدود المعقول واشغل التكييف طبعا والحمد لله افدتونى كالعادة

شكرا لحضرتك على مشاركتك ومبروك عليك عربيتك انت كمان ورينا يديك خيرها ويكفيك شرها
تحياتى