الموضوع: اعتذار واجب ......ياريت الكل يشارك

المشاركة الأصلية كتبت بواسطة sab3aawy

فيه شخصية واحدة عايز اعتذر لها عن اى تقصير منى فى حقها خلال الفترة القصيرة التى قضتها معى، بس منعا لانى اوجع قلبكم معايا هكتفى بان اقول لها:"انا اسف" دون ذكر لأى تفاصيل

يا استاذ سبعاوي .. انا جايز معرفكش شخصيا ... جايز متشرفتش برؤية حضرتك ... جايز معرفش عنك حاجة اكتر من اللي بتتفضل بيه و تشاركنا فيه من اراء او معلومات او مواضيع سواء ترفيهيه او مفيدة ....
جايز مقلتش لحضرتك البقاء لله علشان معرفتش .. او علشان شايف ان مهما حد قالك مش هايأثر في جبل المشاعر اللي جواك ....
بس ربنا اللي عالم بحالك و عالم بمكنون صدري من ناحيتك ....
و علشان انا سكت و مقولتهاش بقولك انا اسف .. لان المفروض زي ما اي حد ضحك من مواضيعك و قفشاتك كان واجب نواسيك -مع ان مفيش علي الدنيا ما يواسي من في محلك الا رضا ربنا - ....
و ان شاء الله ربنا يرزقك زرية خيرا .. و تحتسب الفقيدة من اسباب دخولك جناته

و اسف يا ربي علي اللي انت شايفوا مني و اللي انت عارفوا عني حتي وانا مخبيه ..

اسف علي عجزي حتي قدام نفسي .. ضعفي تحت شهوات روحي و غرقي في نهر الدنيا الدنيا و نسياني لكل نعمك

الحمد لله من قبل و من بعد
الحمد لله عدد ما كان و ما سيكون ..
الحمد لله و الشكر لله كما ينبغي لجلال وجهه و عظيم سلطانه
الحمد لله كما يحب و يرضي

ولا حول ولا قوة الا بالله