برجاء اريد معرفة صيانة 40000 كم وتكلفتها وياريت يكون فى زى جدول للصيانة وشكرا
عرض للطباعة
برجاء اريد معرفة صيانة 40000 كم وتكلفتها وياريت يكون فى زى جدول للصيانة وشكرا
1- هتغير السيور كلها
2- هتغير تيل الفرامل الأمامى
3- هتغير بوجيهات وفلاتر
4- تربط عفشة
و الزيت ايضا
التكلفة من 600 الى 700 و لو حاله التيل كويس تصل الى 500 دا اسعار توكيل العباسية
اية توكيل العباسية دة اول مرة اسمع عنو
دا برضة زى النوبيرا
yes
MMamdouh
السلام عليكم و رحمة الله و بركاتة ,
أنا لسه أمبارح عامل صيانة 40,000 فى أبو غالى جسر السويس و اتكلفت 1050 جنية و تشمل تغيير سير الكاتينة و بلى الكاتينة و سير التكييف و سير الدينامو و الفلاتر و تيل الفرامل و زيت 10000 و تربيط العفشة و كشف على الموتور بسكانر .
اخدت حوالى 2.5 ساعة
بعد السلام عليكم
شاكرين يا حضرات جميعاً علي الإفادة علشان نحوش لمثل هذه الصيانة :) بالإضافة إلي ثمن أربع كاوتشات وربناي ستر علي الحاليه:)
بالمناسبة يا مستر ممدوح هو لو عملنا الصيانة دي عند ميكانيكي محترم زي محمد عبده مثلاً تتكلف كام ؟ وممكن نضيف إيه لمثل هذه الصيانة علشان نحسن الحالة العامة بخلاف تعديل الفرامل .
تحياتي وإحتراماتي
المصنعية حتبقى فى حدود 120 جنية و حسب الحاجات الاضافية اللى ممكن تتعمل مع باقى الشغل
MMamdouh
شاكر يا محترم علي الرد السريع كويس إن حضرتك أفدتنا كده الحسبة تقريباً هاتبقي النص وفقاً لأسعار قطع الغيار في المواضيع المثبته يارب محمد عبده ما يخذلناش ويظبط المظابيط لما نروح لها يدينا ويديك طوله العمر :)
ابقى قوله انك من طرفى و هو حيعمل الواجب
MMamdouh
السلام عليكم ورحمة الله وبركاتة
انا برضة عايز اعمل صيانة 40000 مع العلم ان العربية عاملة دلوقتى 45000 والضمان حيخلص كمان 5000 وبصراحة انا مستخسر ادفع ضعف المبلغ للتوكيل . بس فى ناس قالوليلى ان الكاتينة والسيور يفضل تغيرهم فى التوكيل عشان تركيبهم عايز ناس تفهم . فمش عارف الصراحة اعمل اية
طب ولو محمد عبدة هو فين بالظبط وهل ايدة زى التوكيل ولا اية وهل قطع الغيار اللى برة زى التوكيل ولا اية .عشان كدة كدة الضمان حيخلص كمان 5000 وبتهيألى اوفر 500 جنية احسنلى برة
شكرا جدا واسف على الازعاج ويارب كدة اسمع نصائح جميلة تساعدنى اعمل اية بالظبط
اين الردود . يا جماعة الحقونى قبل ما العربية تجيب كاتينة
اولا شكرا جدا على الرد والمساعدة
بس مشكلة محمد عبدة انة فى فيصل وانا ساكن فى مدينة نصر . مفيش حد كويس يكون حتى داخل القاهرة عشان الجيزة يبقى حدخل فى ساعتين مواصلات يعنى حروحلة على 8 بالليل عشان بخلص شغل على 6:30 مساء وممكن بقى ابيت عندة لتانى يوم
عايز اعرف حاجة هو اية الفرق في التوكيل عن الناس الا بره التوكيل المصنعية بس والا كمان قطع الغيار في التوكيل اغلي من بره .
انا عندي راي التوكيل غالي بس اكيد احسن مش عارف انا صح والا غلط
ألفرق المفروض يعنى يبقى فى العدد و الاداوات و الامكانات المتاحة... و خبرات الفنيين اللى شغالين... و قطع الغيار الاصلية
بس اللى بيحصل ان ساعات كتير يبقى الصنايعية بتشتغل من غير ضمير و ممكن ساعات بيستخدموا قطع غيار غير اصلية لو المخزون مفيهوش قطعة الغيار المطلوبة
طبعا كل دة كوم و تكلفة المصنعية و قطع الغيار كوم تانى
MMamdouh
طب فى حد كويس بس مايكونش فى فيصل او الهرم
طب فى حد ياجماعة يعرف حد قريب من مدينة نصر بس يبقى كويس عشان دية صيانة 40000
السلام عليكم ,
كان فى ميكانيكى قال عليه ا/ محمد ممدوح من فترة فى الكيلو 4.5 بس للاسف مش فاكر اسمة , ممكن يكون ا/ محمد فاكرة
طارق... بس فيه ناس قالت ان معاملتة مش تمام فا بطلت اقول لحد علية
MMamdouh
استاذ محمد ممدوح
ممكن عنوان محمد عبده بالتفصيل لاني من سكان فيصل وعايز اعمل صيانة ال 40000 للانوس
كمان ممكن تدلني على اماكن بيع قطع الغيار الاصلية واشتري ايه بالضبط لصيانة الاربعين الف مع العلم اني معنديش اي خبرة في الميكانيا
متابع
محمد عبدة فى اخر شارع العشرينى بفيصل... عندر سلان بتاع الكشرى و دة رقم تليفونة: 01223863468
الحاجات الاصلى هتلاقيها عند ابو الحسن فى شارع المرور - بين السرايات - الجيزه
انت محتاج الاتى:
فلتر هواء
فلتر بنزين
فلتر زيت
سير تكييف
سير دينامو
سير كاتينة
طقم بوجيهات
جركن زيت موتور
جركن مية خضراء
قد تحتاج حاجة من الحاجات التالية و دة مش هيبان الا مع الفك و الكشف عليها:
تيل فرامل امامى
لو مكنتش غيرت زيت الفرامل عند 30 الف يفضل تغيرة
قد تحتاج خرطوم بخار او جوان غطاء تاكيهات او خرطوم الفايظ اللى على شكل حرف L
احتمال سلوك البوجيهات تحتاج تغيير
MMamdouh
جزاكم الله خير