أهلا بيك في منصور كلهم كده من أول بتاع الأمن لحد مجلس الإدارة
عرض للطباعة
الموضع مش موضوع اجراءات و لازم اخدها
الواحد عنده اولويات
يعني مثلاً مش معقول اسيب شغلي كل يوم و اروح التوكيل علشان عيب ( كل يوم دي مش مبالغ فيها أطلاقاً )
انا عن نفسي ما بقتش اروح حتى الصيانة بقيت اي مكينيك و عفشجي هي يعني هيحصلها ايه اكتر من الي فيها
جوز اختي كان عنده فيكترا 2008 لقى نفسه بردو نفس الحوار كل يومين تلاتة في التوكيل
باعها و خسر فيها حوالي 70000 جنيه في سنة و نص
الموضوع موضوع اولويات مش اكتر
انا عن نفسي لو فاضي ما كنتش سيبتهم أطلاقاً لانهم فعلاً شوية نصابين
الاستاذ عصام
ممكن حضرتك تقرأ اول مشاركة ليا في قسم شيفروليه و قد ايه كمنت مبسوط بالعربية زيك بالظبط
بس بعد ما مشيت بيها حوالي 700 ابتدت المشاكل تتوالى الواحدة تلو الاخرى
ياريت حضرتك تبقى تقولنا ايه الاخبار عند صيانه الـ 5000 كم
ربنا يباركلك في عربيتك و يبعد عنك المشاكل
بعد أذن صاحب الموضوع انا خدت لينك الموضوع و حطيته في توقيعي
صاحب الموضوع أصلا بيشكرك على الإهتمام
و باحب أقولك إني بكرة حاغير المساعد الأمامي الأيمن للمرة الرابعة و الله العظيم و الأيسر للمرة الثانية و بطاحات و ذلك بعد أن زاد الصوت عن حد إحتمالي. كما أنني بدأت أشعر بعدم الأمان في مطبات الهواء على الطرق السريعة. لاحظ أن اسلوب قيادتي هادئ جدا و أنا أسكن حاليا في مدينة السويس حيث معظم شوارعها بحالة معقولة و لا تستوجب تلف ثمانية مساعدين في أقل من عامين. فليرحمنا الله ,, فعملية التغيير تتكلف 800 جنيه بحد أدنى خارج التوكيل و ذلك حتى يمكن إجراؤها بصورة سليمة. و لقد قررت في هذه المرة تجربة نوع جديد من المساعدين غير بتوع جينيرال موتورز و هو تقليد كوري. و لا أعتقد أنه بنفس السوء , أصلا لا يوجد شيء بنفس السوء و ذلك حتى يتعطف إخواننا فيس مصانع مونرو و يبدأوا في انتاج البديل
الف شكر لحضرتك على هذا الموضوع الشيق والتعب المبذول بوضوح لتجميع كل هذه الاعطال
ولكن انا واحد من اللى حضرتك اشرت اليهم ان العربية جميلة بالنسبة لهم علشان اول عربية زيرو وكمان بعد سنة واحدة من القيادة(127) ولكن بالله عليك كيف تتصور ان هذه المشاكل كلها فى عربية واحدة لما تكون بتخطط لشراء سيارة جديدة وبتعمل مقارنات بين العربيات اللى السوق فى نفس حدود المبلغ وتلاقى العربية دى عددها فى جميع الطرق بجميع المحافظات اكتر من عدد اللادا وكمان اكتر من الفيرنا... حط نفسك مكانى هتقيم ازاى؟...وربنا يبلرك للجميع ويجنبهم مشاكلها....
بالمناسبة بقا انا عامل 15000 فى سنة بالضبط والمشكلى الوحيدة اللى ظهرت عندى هى rpm واتحلت الحمدلله من اول مرة فى التوكيل ولكن فرع ابوغالى اللى فى جسر السويس وبقالها معاى اكتر من 8 شهور وما ظهرش تانى والحمدلله...اما انا مختلف مع حضرتك ان صوت العفشة مشكلة لانه فى الحقيقة عيب وليس مشكلة ومعروف ان العيب يتم تجنبه فى موديل جديد بواسطة الشركة المنتجة ولكن لا يمكن حله باى وكيل ..اعذرنى ده من خلال خبرتى البسيطة لان انا مهندس وباشتغل فى حاجات قريبة من كده.ففى حاجات زى ما حضرتك اشرت لازم نطنش فيها ( نرضى بالمقسوم ) خاصة ان احنا فى بلد مافيهاش حقوق ولا ضمانات ولا محاسبة.
الصراحة موضوع برنس و الي عاملة استاذ انا عندي كل الكلام دة ماعدا مشكلة الدبة الي ورا .. بس في مشكلة ناقصة حضرتك مقولتهاش و هي بتحصل مع 5-10 %
و هي ان حساس الاوكسجين بيبوظ و العربية تتلع دخنة سودا من من ورا و البوجيهات بتبوظ و تاكول بنزين بشراهة طبعا
و الحل تعملهم فضيحة سودا في التوكيل و هما حيغيرو الحساس ..
ة ليا طلب عند حضرتك و هو توضح المشكلة رقم 9 و حلها علشان انا كرهت نفسي منها .. و شكرا