انا شفت ناس حاطه صور عربية لانوس بها فلتر هواء رياضى ياترى ايه الفرق بين فلتر الهواء العادى والرياضى
عرض للطباعة
انا شفت ناس حاطه صور عربية لانوس بها فلتر هواء رياضى ياترى ايه الفرق بين فلتر الهواء العادى والرياضى
افتكر انه بيدخل هوا اكتر للعربية فالعربية بتحرق اكتر وبالتالى التسارع بيزيد.....والله اعلم...
واستنى رأى باقى الاعضاء...
متابع بإهتمام
ومستى رد المهندس / محمد ممدوح
لأنه تقريباً مغير الفلتر الأصلى إلى فلتر رياضى
كلام سليم جدااا , بالإضافه الى ان الفلاتر الرياضيه بتكون مصممه من ألياف خاصه بتنقى الهواء اكتر من الفلاتر العاديه وبتسمح بس للهواء النقى للدخول للموتور ليتم الحرق وإعطاء طاقه وعزم أعلى للعربيه
لمعلومات أكتر شوف اللينك ده http://www.nilemotors.net/Nile/109141-a.html
اعتقد ان الفلتر الرياضي مش بيخلي العربيه تحرق اكتر ولا حاجه الا لو قرصت عليها .. هو بيزود كميه الهوا اللي داخل للمتور وبالتالي الحرق احسن ... ولما تقرص هيدخل كميه هوا اكبر بكتير من العادي وبالتالي العربيه عشان تظبط النسبه هتدي بنزين اكتر وبالتالي الحرق يزيد ... لكن على العادي مش هيزيد بل بالعكس هيريح العربيه
متابع ومستنى راى ممدوح باشا
انا سمعت انه بيزود الهورس باور بتاع العربيه بس مش عارف ايه عيوبه الصراحه ؟
ياعم خلينا في الفلتر العادي هو احنا حنسابق الريح !!
وسعر الفلتر الرياضي ده كام ؟ وايه أنواعه ؟