هل رش السياره من الخارج يقلل من قيمتها خصوصا اذا كان الرش للنظافه فقط؟
عرض للطباعة
هل رش السياره من الخارج يقلل من قيمتها خصوصا اذا كان الرش للنظافه فقط؟
نظرا لوجة نظر الفكر المصرى
أقدر أاقولك ..........نعم
بس لو أنت يهمك فقط متعتك الشخصيه دون الأهتمام بتلك الأفكار المتخلفه
يبقى توكل على الله ومتع نفسك
وتخلص من حمامك القديم
فعلا الناس بتقول بيقلل من سعر العربية بس لو شغلت دماغك بالناس مش هاتسوق العربية و تدنك راكنها عشان لما تييجى تبيعها رشها و ساعة ما ييجى نصيبها تتباع ربنا يسهل
اى حد بيشترى عربيه بيطلع فيها عيوب الدنيا كلها خصوصا لو مرشوشه, على اساس انه مش عايش فمصر و مش عارف الشوارع عامله ازاى و السواقين بيسوقوا ازاى و الزحدمه مش بس كده العربيات بتتخبط و هى واقفه
نصيحه منى رشها و لما تنوى البيع هتلاقى اللى بيشتريها طلعلك 100 حاجه تانيه علشان يقلل السعر, وانت عارف حاجتك و عارف السعر اللى يناسبك
اى عربية تمنها بينزل لما ترش جوة يعنى مابتبقاش فابريكة لكن من برة اعتقد مالهاش تأثير
لانك لو سيبتها مبهدلة كدة وجيت تبيعها هايقولك المشترى مانا لسة هاعملها سمكرة وبوية ودول هايتكلفوا مش اقل من 3000 جنية يعنى كدة كدة هاينزل حتى لو مارشتش وسليمة بردة هينزل
ولو رشتها هتبقى السيارة نظيفة وحلوة طول ماهية مرشوشة برة بس
يبقى لو هاترش نظافة توكل على الله ورشها عادى جدا انا مش عايز اقولك صاحبى لسة جايب نيسان تيدا ماقعدتش معاة 6 شهور ومن كتر الخدوش اللى فيها راح راششها كلها هل كدة غلط لأ طبعا بس لازم تعرف حاجة واحدة ان العربيات الحديثة بيبقى شكلها وحش اوى لما بتبقى مليانة خدوش وخبطات عشان صاجها بيبقى مكرمش
هى بتعتمد على اللى بيشترى لو معاه سمكرى هيعرف هى رشة نظافة ولا عاملة حادثة وتوكل على الله زى ما قال الاخوة الاعضاء و متع نفسك بعربيتك وسلمها لله
............................*
محمود عينو
موضوع رشة بره مش مشكلة لوموديل العربية عدي عليه 5 او 6 سنين بس لو اقل من كدة بيقلل من قيمة العربية بس لو الشاري تاجر هاينزل بيها السوق تاني يوم يبيعها بس اي واحد عادي بيشتري عربية و مش ناوي يبيعها تاني يوم اكيد يهمة يشترى عربية شكلها من بره كويس سواء فبريكة او لا بس عموما لو فيه عربية فبريكة بره و عمرها 10 سنين يبقي تمنها اكتر من واحدة زيها بالظبط و رشة
و مش معني كلامي اننا نشجع الناس الي بتسهبل و تقول على العربية فبريكة بره و هيا من بره حالتها كرب و لازم تترش
للاسف سعر العربيه بينزل عشان موضوع الرش ده و يقولك العربيه مش بويه شركه ... اصل دي تفاهه الصراحه ... ممكن تلاقي واحد يشتري عربيه مكنتها ضايعه و ميشتريش عربيه مرشوشه نضافه ... اصحاب العقول في العنايه المركزه