"رينو لوجان".. شريك جديد فى مشروع إحلال التاكسى

أبرمت الشركة المصرية العالمية للسيارات (EIM) وكلاء سيارات "رينو" الفرنسية فى مصر، عقدًا مع الصندوق الاجتماعى للتنمية يفيد بمشاركة السيارة "لوجان" فى المرحلة الثانية لمشروع إحلال التاكسى الجديد.

http://www.youm7.com/images/NewsPics...0109141133.jpg
"رينو لوجان"

يأتى ذلك فى إطار خطوة جديدة لتعدد الاختيارات المتاحة أمام راغبى استبدال سياراتهم التاكسى القديمة بأخرى جديدة، لتنضم "لوجان" إلى خمس شركات شاركت بسياراتها فى المرحلة الأولى وهى "هيونداى فيرنا، شيفروليه لانوس، بيجو بارس، لادا 2107، اسبيرانزا A516 ، وكذلك A113".

من المعروف أن "لوجان" دخلت السوق المحلية وفقاً لاتفاقية أغادير، التى تضم أربع دول هى مصر والمغرب وتونس والأردن، حيث اتسمت السيارة المجمعة بمصانع شركة "رينو" بالمغرب، بالعملية والاقتصادية فى التشغيل إلى جانب تصميمها المتميز وسعرها التنافسى.

الجدير بالذكر، أن شركة "رينو" فى المغرب، تعمل من خلال مصنع "صوماكا" بالدار البيضاء الذى أنتج حوالى 30 ألف سيارة العام الماضى، كما تم تصدير "لوجان" إلى فرنسا وإسبانيا.

نقلا عن اليوم السابع كتابة مصطفى عنبر
اليوم السابع | "رينو لوجان".. شريك جديد فى مشروع إحلال التاكسى

طبعاً الإنتشار هيحقق وفرة في قطع الغيار

ده خبر ممتاز

أعتقد أن اللوجان ستتفوق على باقى التاكسيات الخمسة أنواع المذكورين أعلاه. فأسم رينو يختلف عن الباقى.

و الله خبر كويس اهو كده احسن يبقي التاكسي ليه منظر بدل المناظر اللي كنا بنشوفها و يا سلام بقي لو كل الابيض و اسود يبقي نفس لون الجديد الابيض و يتوحد هتبقي مية مية

و الله خبر كويس عشان قطع غيارها هتنتشر كده و كل الميكانيكيه هيعرفوا يشتغلوا فيها ... انا كنت بقول برضه انها هتخش في مشروع الاحلال

فعلا سمعت ان اللوجان سعرها كويس بس هيا عامله كام دلوقتى ؟

متهيألي الموضوع ده حيدي دفعة جيدة لكل موديلات الرينو وليس اللوجان فقط...يعني اللوجان حتشد معاها بقية الموديلات وحيتكسر إحجام الناس عن شرائها

[quoteمتهيألي الموضوع ده حيدي دفعة جيدة لكل موديلات الرينو وليس اللوجان فقط...يعني اللوجان حتشد معاها بقية الموديلات وحيتكسر إحجام الناس عن شرائها ][/quote]
+11111111111111

اقتباس:

---

المشاركة الأصلية كتبت بواسطة بحري

متهيألي الموضوع ده حيدي دفعة جيدة لكل موديلات الرينو وليس اللوجان فقط...يعني اللوجان حتشد معاها بقية الموديلات وحيتكسر إحجام الناس عن شرائها

---

اوافقك الرأى بس خلى بالك من حاجتين اول حاجة ان الاقبال هيزيد عليها و ده معناه ان ممكن سعرها يغلى تانى حاجة ان اللى كان بيفكر فى اللوجان كان بيفكر فيها علشان عربية مميزة و غير منتشرة الانتشار الرهيب زى الفيرنا و اللانوس فبعد المشروع ده هتفقد الميزة ديه

بس هى هترخص للتاكسى أكتر؟؟

اقتباس:

---

المشاركة الأصلية كتبت بواسطة mina_ramsis

اللى كان بيفكر فى اللوجان كان بيفكر فيها علشان عربية مميزة و غير منتشرة ا

---

التفكير ده خاص بنوعية محدودة من المستهلكين..وهو الرغبة بشئ مميز...أما الأغلبية فمحتاجة عربية محترمة وفي نفس الوقت اقتصادية في سعرها وتكاليف صيانتها وسعر إعادة البيع وسهولته...أنا شايف اللوجان ممكن تحقق المعادلة دي

هى اللوجان اصلا تاكسى
بس المفروض ان العربيات المشاركه فمشروع احلال و تجديد التاكسى تبقى مجمعه محليا, صح و لا انا غلطان ؟؟

هى كده هتبقى افضل الانواع الموجوده بعد البيجو

اقتباس:

---

المشاركة الأصلية كتبت بواسطة shiko85

هى اللوجان اصلا تاكسى
بس المفروض ان العربيات المشاركه فمشروع احلال و تجديد التاكسى تبقى مجمعه محليا, صح و لا انا غلطان ؟؟

---

المفروض انه للعربيات المحمعة محلياً لمساعدة المصانع على تجاوز الأزمة

والمفروض ان الصندوق الاجتماعي -اللي اتفق معاه توكيل رينو كما في الخبر- لم يكن طرفا في المشروع، لأن المشروع كان بين وزارة المالية ووزارة التجارة والصناعة ووزارة الداخلية

المو ضوع ما لوش علاقه بل احلال ده شيء تاني خالص بين وكيل رينو والصندوق الا جتماعي يعني اللي ها يشترك فيه مش ها يلا قي المز ايا اللي في مشروع الا حلال اللا حلال للسيارات المجمعه محليا فقط في فرق بين الثنين من دعم وزاره الماليه وشركات الدعايه ده تقريبا مشروع موازي لمشروع الا حلال ومحدش عارف العربيه ها تنزل ابيض ولا ابيض واسود

تمام كده, تسلم يا باشا على المعلومه

اقتباس:

---

المشاركة الأصلية كتبت بواسطة ama

فعلا سمعت ان اللوجان سعرها كويس بس هيا عامله كام دلوقتى ؟

---

فول اوبشن 68 الف

اقتباس:

---

المشاركة الأصلية كتبت بواسطة emsadeck

المفروض انه للعربيات المحمعة محلياً لمساعدة المصانع على تجاوز الأزمة

والمفروض ان الصندوق الاجتماعي -اللي اتفق معاه توكيل رينو كما في الخبر- لم يكن طرفا في المشروع، لأن المشروع كان بين وزارة المالية ووزارة التجارة والصناعة ووزارة الداخلية

---

العربيه تتبع اتفاقيه اغادير وهى بتعتمد على تصدير منتجات مقابل استيراد اللوجان يعنى برضه مصر مستفيده من تصدير المنتجات الى بتتصنع هنا وغالبا هتكون الاتوبيسات الى متقفله فى مصر

اقتباس:

---

المشاركة الأصلية كتبت بواسطة hugan

المو ضوع ما لوش علاقه بل احلال ده شيء تاني خالص بين وكيل رينو والصندوق الا جتماعي يعني اللي ها يشترك فيه مش ها يلا قي المز ايا اللي في مشروع الا حلال اللا حلال للسيارات المجمعه محليا فقط في فرق بين الثنين من دعم وزاره الماليه وشركات الدعايه ده تقريبا مشروع موازي لمشروع الا حلال ومحدش عارف العربيه ها تنزل ابيض ولا ابيض واسود

---

يا ريت تحدد مصدر الكلام ده
التاكسى الابيض والاسود حتى الان ملوش نمر بتنزل جديده لازم يكون معاك نمره من تاكسى قديم والخبر واضح تماما المرحله الثانيه من التاكسى الجديد

اقتباس:

---

المشاركة الأصلية كتبت بواسطة hanady

أبرمت الشركة المصرية العالمية للسيارات (eim) وكلاء سيارات "رينو" الفرنسية فى مصر، عقدًا مع الصندوق الاجتماعى للتنمية يفيد بمشاركة السيارة "لوجان" فى المرحلة الثانية لمشروع إحلال التاكسى الجديد.

---

الكلام منشور على موقع كونتكت كار وملحق اهرام الجمعه

خبر جميل

بس يا ترى ملّاك اللوجان مبسوطين ولا زعلانين ؟؟

:shine[1]:

والله انا افتكر ان العربيه لما تبقى تاكسى سعرها هيزيد لان هيحصل عليها اقبال وده السوق بتاعنا