لانوس اتوماتيك

**meg2006** · 02-04-2010 10:04 PM

السلام عليكم
ياجماعه عاوز اعرف رايكم غي اللانوس الاتوماتيك إيه مشاكلها و استهلاك البنزين
أنا معروض عليا عربية لانوس اتوماتيك حالتها نظيفة جدا موديل 99 عاملة 80 الف كم وصاحبها طالب 44 الف
ايه رايكم افيدوني افادكم الله

**bakkarahmed** · 02-04-2010 10:30 PM

اللا نوس المانيول بتستهلك من 180-240 ك في الصفيحة تقريبا حسب السواقة والطرق
بالنسبة لللاوتو الاستهلاك هايزيد سنة بسيطة
الاتوماتيك في الانوس مش محبوب اوي علشان السحب بيكون اقل من المانيول ولو معاك حمولة والمطلع شديد هاتتعبك بالاضافة الي مشاكل الاوتو لعربية بقالها11 سنة(دة رأي شخصي يقبل الخطأ)
السعر غالي علشان في مصر اللانوس الاوتوماتيك ماعليهاش طلب خالص وبتكون ارخص من المانيوال,,,من 4 شهور كان قدامي واحدة 2002 متحزمة فقط &102 الف كيلو كاملة اتوماتيك وزي الفل ب 40000 جنية

**yssryaae** · 02-04-2010 11:08 PM

نفسى اعرف ليه اللانوس الاوتو مش محبوبة

**romeo_6887** · 03-04-2010 02:22 AM

نفسى اعرف ليه اللانوس الاوتو مش محبوبة

عشان مشاكل الفتيس الاوتوماتيك بتاعها كتير و اكتر من فتيس الاوتوماتيك بتاع النوبيرا كمان

**محمد الشامي** · 03-04-2010 02:44 AM

المشاركة الأصلية كتبت بواسطة romeo_6887

عشان مشاكل الفتيس الاوتوماتيك بتاعها كتير و اكتر من فتيس الاوتوماتيك بتاع النوبيرا كمان

+1

ده في الكوري كله , مش الدايو كـ دايو بس يعني

**yssryaae** · 03-04-2010 02:47 AM

المشاركة الأصلية كتبت بواسطة romeo_6887

عشان مشاكل الفتيس الاوتوماتيك بتاعها كتير و اكتر من فتيس الاوتوماتيك بتاع النوبيرا كمان

انت كده خوفتنى اصل انا معايا لانوس اوتوماتيك بقالها 3 سنين بس الحمد لله مفيش مشاكل ولا حاجة بس كلامك خوفنى ياريت تنصحنى اعمل ايه عشان احافظ على الفتيس

**titanicsee** · 03-04-2010 02:53 AM

الدايو الاتوماتيك عموما لانوس او نوبيرا من العربيات الفاشله و اعطالها كتير جدااا مش انصحك

**titanicsee** · 03-04-2010 02:57 AM

لو معاك لانوس اتوماتيك و عايز تحافظ عليها مش تغسل الماتور فى بنزينه نهائى و لو غسلته تغسله جاز و هوا بس و كمان لازم تستخدم بطاريه جافه مش عاديه لان مشكله دربوكس الاتوماتيك فى الدايو بيكون تحت البطاريه على طول و البطاريات العاديه بتسرب ميه النار اللى فيها احيانا وده اللى بيخلى الدربوكس يتحرق فى احيان كتير

**marawanshahin** · 03-04-2010 10:35 AM

مع احترامى لجميع الأراء,مشاكل فتيس االانوس الأوتوماتيك مش كتيرة ولا حاجة مش أكتر من النوبيرا.اى فتيس مهما كان يابانى ألمانى أمريكى محتاج الى صيانة و متابعة.على فكرة فتيس اللانوس الأوتوماتيك أمريكى الصنع.وياريت ما نديش رأى لحد الا عن تجربة لأن كدة ممكن نشتت باقى الناس و ما نقولش رأينا نتيجة كلام سمعناه من صنايعى أو من واحد مبهدل عربيته و بعد كدة يقول دى الحاجة الفلانية وحشة.ومش عشان حصل عيب مع واحد يبقى دى حالة عامة,على فكرة أنا مش معايا لانوس أوتوماتيك بس أعرف كذا واحد معاه و بيشكروا فيها و أنا سوقت كذا واحدة و سحبها كويس على سبيل المثل أحسن من سحب عربية زى اللانسر الكريستالة مع احترامى و حبى الشديد لهذا الموديل.و غير كدة فيه لانسر و كرولا و أوبل كمان أصحابها بيشتكوا من فتيسها بعد سنة أو اتنين.مش لازم نتكلم زى التجار و الصنايعية اللى مثلا يقولك النوبيرا دى عربية عجوزة أو وحشة و ان اللانوس أحسن منها ده مع احترامى ليهم مش فاهمين حاجة.من الأخر مافيش اكتر من الفتايين عندنا فى مصر علشان كدة بقول الرأى يكون عن تجربة و معرفة كويسة علشان ما نتسببش فى تشتيت لباقى الناس اللى معلوماتها محدودة عن العربيات و دول مافيش أكتر منهم.أرجو ان مافيش حد يزعل من كلامى مع احترامى الشديد للجميع و لهذا المنتدى الرائع.السلام عليكم.

**bakkarahmed** · 03-04-2010 04:16 PM

المشاركة الأصلية كتبت بواسطة marawanshahin

مع احترامى لجميع الأراء,مشاكل فتيس االانوس الأوتوماتيك مش كتيرة ولا حاجة مش أكتر من النوبيرا.اى فتيس مهما كان يابانى ألمانى أمريكى محتاج الى صيانة و متابعة.على فكرة فتيس اللانوس الأوتوماتيك أمريكى الصنع.وياريت ما نديش رأى لحد الا عن تجربة لأن كدة ممكن نشتت باقى الناس و ما نقولش رأينا نتيجة كلام سمعناه من صنايعى أو من واحد مبهدل عربيته و بعد كدة يقول دى الحاجة الفلانية وحشة.ومش عشان حصل عيب مع واحد يبقى دى حالة عامة,على فكرة أنا مش معايا لانوس أوتوماتيك بس أعرف كذا واحد معاه و بيشكروا فيها و أنا سوقت كذا واحدة و سحبها كويس على سبيل المثل أحسن من سحب عربية زى اللانسر الكريستالة مع احترامى و حبى الشديد لهذا الموديل.و غير كدة فيه لانسر و كرولا و أوبل كمان أصحابها بيشتكوا من فتيسها بعد سنة أو اتنين.مش لازم نتكلم زى التجار و الصنايعية اللى مثلا يقولك النوبيرا دى عربية عجوزة أو وحشة و ان اللانوس أحسن منها ده مع احترامى ليهم مش فاهمين حاجة.من الأخر مافيش اكتر من الفتايين عندنا فى مصر علشان كدة بقول الرأى يكون عن تجربة و معرفة كويسة علشان ما نتسببش فى تشتيت لباقى الناس اللى معلوماتها محدودة عن العربيات و دول مافيش أكتر منهم.أرجو ان مافيش حد يزعل من كلامى مع احترامى الشديد للجميع و لهذا المنتدى الرائع.السلام عليكم.

كلام جميل جدا بس اتوماتيك علي موتور 85 حصان&كامة واحدة &8 صبابات فقط تفتكر انة هيكون قوي ,,,طب لما التكييف بيكتف المانيوال تفتكر هايعمل اية في الاوتو,,دة حاجة

كما الresell هايكون تعبان بالمقارنة بالمانيوال (انما لو هايخليها معاة ومش ناوي يغير وراضي بعزم العربية فيتوكل علي الله)
انا ماتكلمتش عن مشاكل الاتوتوماتيك ولا حاجة لان كل حاجة معرضة للتلف طبقا للعمر الافتراضي(11سنة) والاستخدام