الموضوع: المياة لونها بني

المشاركة الأصلية كتبت بواسطة mohammad_alshamy

:s_thum1[1]:



سمعت ان بيكون تقيل شويه على المواسير الالومونيوم بتاعت الريدياتير !!!!! والله اعلم

المشاركة الأصلية كتبت بواسطة mohammad_alshamy

هو في ابتكار بلدي احسن من كده :e_braces[1]: خل الطعام , بتاع السلطه والأكل بشكل عام يعني

بعد ما ينزل الميا اللي فيها صدا من دوره التبريد يملا العربيه ميا عاديه ويحط مقدار كوبايه كبيره خل
ويقفل دوره التبريد شويه بحيث ان الميا والخل تفوور الاملاح المتراكمه والصدأ الموجود في الدوره كلها , وبعدها ينزل الميا دي تاني ويحط ميا خضرا

.... في بدايه سمعي عن حكايه الخل دي قولت ,, خل أكل في ريدياتير عربيه ؟؟؟؟؟؟؟؟؟؟؟ :u_thin1[1]:
بس بأمانه لما تفكر فيها تلاقي ان معده الانسان عمرها ما بتتعب ولا بتتأثر من الخل (الا لو معده حساسه جدا) لكن بخلاف كده مفيش ضرر ,يبقه كده ملهاش تأثير على العربيه

ماهو يا باشا إحنا ماجربناش نشرب الفلش بتاع الرادياتير عشان نشوف تأثيره على المعدة !
وعموما فكرتك دخلت دماغي وهانفذها بعد شوية .. وأنضف بيها الدورة عندي لأني بعد مارجعت من السفر لقيتها مطينة بطين .
تسلم دماغك يا باشا

المشاركة الأصلية كتبت بواسطة tompina

وعموما فكرتك دخلت دماغي وهانفذها بعد شوية .. وأنضف بيها الدورة عندي لأني بعد مارجعت من السفر لقيتها مطينة بطين .
تسلم دماغك يا باشا

بصراحه هي فكره كويسه ,, بس كلام في سرك دي مش فكرتي ولا حاجه
انا اول مره سمعتها كان ميكانيكي كبير في السن قالهالي , والراجل تحس انه دقرم كده
وبعدها بدأت اسمع نفس الكلام من كذا حد

المشاركة الأصلية كتبت بواسطة mohammad_alshamy

بصراحه هي فكره كويسه ,, بس كلام في سرك دي مش فكرتي ولا حاجه
انا اول مره سمعتها كان ميكانيكي كبير في السن قالهالي , والراجل تحس انه دقرم كده
وبعدها بدأت اسمع نفس الكلام من كذا حد

يا باشا تشكر على كل حال ..
أنا رايح دلوقت مشوار صغير .. وهاجي أغسل الدورة وأشوف إيه النظام ..
ومصداقاً لكلامك .. كتالوجات مكواة البخار مكتوب فيها إن الفتحات لما تتسد بتحط خل في المكواة عشان تطرد الأملاح اللي ساداها .
وكمان الغلايات مكتوب في الكتالوج .. يتحط فيها خل أو ليمون وتغليهم شوية .. وتسيبهم بايتين فيها للصبح وبعد كده تغسل الغلاية ..
بس أنا ماربطتش بين الموضوعين مع إن المشكلة واحدة وهي الأملاح والصدأ.

المشاركة الأصلية كتبت بواسطة tompina

هاجي أغسل الدورة وأشوف إيه النظام ..

ياريت ياباشا لما ترجع بالسلامه من مشوارك حاول تعمل موضوع بالصور عن طريقه غسيل دوره التبريد , لأني بصراحه كنت ناوي اعملها امبارح (بس محصلش نصيب) عشان كان في اخ كريم بيسأل عن امكانيه ان الواحد يغسل دوره التبريد بنفسه

المشاركة الأصلية كتبت بواسطة tompina

ومصداقاً لكلامك .. كتالوجات مكواة البخار مكتوب فيها إن الفتحات لما تتسد بتحط خل في المكواة عشان تطرد الأملاح اللي ساداها .
وكمان الغلايات مكتوب في الكتالوج .. يتحط فيها خل أو ليمون وتغليهم شوية .. وتسيبهم بايتين فيها للصبح وبعد كده تغسل الغلاية ..
بس أنا ماربطتش بين الموضوعين مع إن المشكلة واحدة وهي الأملاح والصدأ.

طيب الحمد لله ان الكلام طلع صح مع العلم اني مجرب الموضوع ده كتيييييييييير , بس كنت خايف اكون انا الوحيد اللي مقتنع ان الفكره دي كويسه

بسبب الركنة الطويلة .. لقيت البطارية نايمة ..
المهم يا باشا موضوع غسيل الدورة ده سهل جدا ومن غير صور هاشرحه :
1- زجاجة خل حجم صغير
2- بنسة ببوز .
خرطوم مياه موصل لمصدر المياه .
نبتدي بقى الشغل :
لو إنت عندك الطبة اللي في آخر الرادياتير فكها وافتح غطا القربة هاتلاقي المية نزلة منها .
لو ماعندكش هاتجيب البنسة وتفك القفيز بتاع الخرطوم الصغير اللي داخل على القربة وبيكمل الدورة يعني المية بعد ما تاخد دورتها بترجع منه للقربة .
الخرطوم ده تفكه وتخليه مدلدل برة العربية ..
وتحط الخرطوم بتاع المية في القربة وتفح المية بقوة متوسطة وتدور العربية .
هاتلاقي المية البني بتنزل وبيدخل مكانها من الخرطوم مية نضيفة لحد ما اللون بتاع المية يبقى شفاف عادي تبطل العربية وترجع الخرطوم مكانه وتحط الخل وتدور العربية تاني وإنت قافل غطا القربة لمدة 10 دقائق .
وتبطل العربية وتسيبها تبرد لمدة ساعة أواتنين بعد كده تغسل الدورة تاني وتكرر الموضوع بتاع الخرطوم لحد المية ما تبقى نضيفة ..
بس خلاص !
(ملحوظة : اتأكد من إن المية مش طالعة من الخرطوم بقوة عشان ماتزيدش عن قوة الطرمبة في سحبها وتفيض من القربة وتغرق لك العربية من جوة)

أفضل نسب اامياة الخضراء هى ايثيلين جليكول 50% الى مياه مقطرة
,دة لأن درجة غليان المادة دى أعلى من المياة بس درجة فقدها للحرارة (تبريد الرادياتير) بتكون أقل و ده الدليل

اللينك

DL: MEGAUPLOAD - The leading online storage and file delivery service

ودى صورة من كتالوج عربيتى (اسبيرو 1994)

المشاركة الأصلية كتبت بواسطة wdramiz

السلام عليكم
انا حطيت النهاردة المياة الخضراء الاسباني (30 جنية) ولكن تركيز 5% ( الموجود في السوق) بعد ان غسلت دورة التبريد بالخرطوم عند الميكانيكي
هل هذا التركيز كافي ام ضعيف ..ايضا السعودي تركيزة عالي وقالولي انة ممكن يؤثر علي مواسير الرادياتير

لو النوع اللي حضرتك جبته اسمه iada (اسباني) يبقه كفايه جدا انك تحطه لوحده بدون تخفيف

وكل لما الميا تنقص حط من نفس الميا الخضرا وبلاش تحط ميا عاديه , وده كافي جدا للحفاظ على دوره التبريد