مساء الخير ياشباب
كنت عايز أسأل عن السبارك وياريت لو حد جربها يقولي أيه مميزاتها وأيه عيوبها ولو حد معاه العربيه أو يعرف حد جربها ياريت يقولي لأن فعلا بفكر أشتريها
وشكرا مقدما .....
عرض للطباعة
مساء الخير ياشباب
كنت عايز أسأل عن السبارك وياريت لو حد جربها يقولي أيه مميزاتها وأيه عيوبها ولو حد معاه العربيه أو يعرف حد جربها ياريت يقولي لأن فعلا بفكر أشتريها
وشكرا مقدما .....
انا اللى اقدر افيدك بيه ان سبارك هوه الموديل الجديد من دايو ماتيز و طبعا شيفروليه حولتها زى غيرها
انا معنديش العربية بس كنت بفكر اشتريها لذلك بحثت في كل شئ يخصها
فا هقولك اللي اعرفه و يا ريت اقدر افيدك
هي عربية 1000 سي سي 65 حصان
4 سيلندر ، كمالياتها زجاج كهرباء امامي فقط
راديو كاسيت ، تكييف ، سنترال لوك ، باور ستيرنج
مميزاتها : شكلها حلو .. اعلي محرك في فئتها من حيث القوة الحصانية
شكل التابلوه بتاعها جميل و تصميم عصري ، تحس انها شبابية
وكيلها محترم (المنصور)
عيوبها : مش عريضة فا اعتقد ان ده هيأثر عالثبات بتاعها
اكيد التكييف هيأثر عليها لأنها 1000 سي سي ( و ده يسري علي اي عربية 1000 او 1100 سي سي ) .. هيأثر عالسحب و علي صوت الماتور
من جوة مش واسعة يعني 4 افراد بالسواق بالكتير
انا مشتريتهاش لأني المبلغ اللي معايا زاد فا جبت عربية اعلي .. بس لو مكانش زاد كنت هجيبها بدون تردد لو عايز عربية زيرو في المبلغ ده
و طبعا زي ما قالك استاذ بدر .. سبارك هي النسخة الجديدة المعدلة من دايو ماتيز
ألف شكر يارجاله
انا لما اتصلت بالتوكيل قالو لي ان السبارك مفيهاش باور
يا ريت حد يأ كدلي صحة هذا الكلام
العربيه مفهاش بور فعلا ,,, أنا كنت لسة في المعرض من يومين كدة و ركبتها حسيت إنها ضيقه من جوا شويه و عليا قوي عن الأرض و ده هيقليل من سبتها على الطريق جدا .... بس بصراحة الفنش بتعها نضيف جدا
انا كنت فى معرض بلال النهارده اللى امام كارفور فى اسكندرية وشفت العربية بصراحة تحفة وفيها ميزة جميلة بتعمل 5 لتر لكل 100 كيلو وده المهم فى الايام دى استهلاك البنزين !!!!!!!!!
انا اشتريت الاسبارك من حوالى شهر للمدام
وتم اختيارى لها بعد مقارنات طويلة بينها وبين الهيونداى الاتوس البرايم والسوزوكى الالتو وايضا الكليسيا
وقد تفوقت الاسبارك فى التالى:
اولا : الوحيدة تصنيع كورى 100% الاتوس والالتو هندى والكليسا ماليزى
ثانيا : اعلى بور هورس 65 حصان رغم ان الموتور 1000 سى سى فى حين الاتوس 1100 سىسى والباور هورس 62 حصان
ثالثا : انضف تقفيل داخلى الصالون والتابلوه والعدادات والابواب افضل بكثير من الاخريات
رابعا : التوكيل محترم وله سمعة جيدة ومعاملته محترمة ( مجربه حاليا فى سيارة افيو ولمده سنه )
خامسا : بعد الاستخدام اداء السيارة مقبول جدا ولا تشعر انها بموتور 1000 سى سى ابدا تسارعها جيد والتكييف يكاد يكون غير مؤثر على اداء الموتورعلما بان التكييف اداؤه جيد جدا والثبات جيد جدا حتى سرعه 140 واستهلاك البنزين فوق الممتاز ( اقارنها هنا بسيارتى الماتريكس اوتوماتيك 1600 فى كل ما سبق )
سادسا : الكماليات 2 زجاج كهربائى امامى - تكييف - راديو كاسيت وسماعات امامية فقط - مساحات تخزين بالتابلوة والابواب - مساحة خلفية للزجاج - طى الكنبه الخلفيه
ولكن قد يؤخذ عليها انها بدون باور وان كانت السيارة لا تحتاج له نظرا لصغر حجمها
فى النهايه اعتبرها صفقة رابحه بتوفيق من الله
ودى شوية فيديوهات ليها فى العموم
http://www.youtube.com/watch?v=NtIvoFExv7I
http://www.youtube.com/watch?v=NajrfrpR7GM
http://www.youtube.com/watch?v=WZjCiWQDOsM
http://www.youtube.com/watch?v=d-viqKbF9Tk
http://www.youtube.com/watch?v=h4h2F7BCkMU
http://www.youtube.com/watch?v=J6Gd_GBzbx0
امير الكفراوى
أنا هكلمك بصراحة علشان مصاحب واحده معاها سبارك وعلى طول بأشتغلها وباخدها منها
أولا العربية ضيقة جدا من جوة أصغر من الفيات أونو الجديدة والبيكانتو يعنى لوحاولت تستريح على الكرسى أوحاولت ترجعه للخلف استحالة حد يركب وراك حتى ولو كان طفل مولود واستحالة كمان تكون استريحت والله الكلام ده عن تجربة .
لو عايز تجيبها وتركب وأنت حاسس انك هتركب عربية يبقى لازم تشيل كرسى السائق وتقعد على الكرسى الخلفى وتتوكل على الله وتسوق
معلش أنا بالغت شوية بس هى عربية متنفعش فى خروجات أو سفر أو .........
2-شنطتها ضيقة
3-عفشتها عفشة عجلة
4-فيها كاسيت تعبان وعدد2 سماعات أذن أطفال
هى طبعا عربية تقفيلها ممتاز بس ده ميكفيش على أنها عربية أطفال
أنا حاسس انى العربية دى مصنوعة خصيصا علشان واحده ست فى كوريا كانت عندها تكتك وأتقلبت بيه على الدائرى راح جوزها حلفلها أنه هيعملها عربية مخصوص
وسماها سبارك
راح واحد من شركة شيفروليه شفها وعمل عليها ونزلها للمصريين وبس
طبعا عرفيين ليه
العربية دي منتشرة جدا جدا في باكستان و شغالة كويس جدا
بس يمكن عاشان الجماعة الباكستانيين حجمهم صغير فمبيحسوش بصغر حجمها
على العموم معنى انتشارها هناك انها سيارة أدائها جيد جدا و اقتصادية جدا و تكيفها و كماليتها بيشتغلوا بكفائة
بس أنا ما كنش بيعجبني اني كنت باحس جامد بمطبات و تعريجات الطريق (الكلام دة على موديلات بنتاعة سنتين أو تلاتة فاتو)