تفتكروا اية السيناريو المتوقع في 2008؟
ممكن أسعار الذهب تقل زي ما حصل أول التمانينات ؟والدولار يبدأ يزيد تاني؟
ولا الذهب هيفضل متربع عرشة والدولار مش يزيد؟
يعني نحوش ذهب ولا دولارات؟
:d
:d
:d
عرض للطباعة
تفتكروا اية السيناريو المتوقع في 2008؟
ممكن أسعار الذهب تقل زي ما حصل أول التمانينات ؟والدولار يبدأ يزيد تاني؟
ولا الذهب هيفضل متربع عرشة والدولار مش يزيد؟
يعني نحوش ذهب ولا دولارات؟
:d
:d
:d
أنا متابع الموضوع دة الى حدٍ ما (راجع هذا الموضوع) و شايف ان خبراء الاقتصاد معظمهم بيتوقعوا مزيد من الهبوط للدولار أمام اليورو و العملات الرئيسية و مزيد من الارتفاع فى أسعار الذهب ... الذهب تخطى منذ أيام قليلة حاجز ال900 دولار للأوقية و هو رقم لم يحدث فى التاريخ الحديث من قبل و لكن الخبراء يتوقعون وصوله لرقم 1500 دولار للأوقية هذا العام ... لكن أعتقد الأفضل التروى قليلاً فى الشراء لأن الذهب ارتفع بحدة شديدة منذ بداية العام الجديد و أى ارتفاع حاد و سريع فى البورصات و السلع commodities غالباً ما يتبعه تصحيح و انخفاض ثم يعاود الارتفاع بعد ذلك لذا أعتقد أن الأفضل الانتظار لحدوث انخفاض طفيف لسعر الذهب و الشراء مع الانخفاض ... ممكن حضرتك تتابع أخبار الذهب العالمية و نصائح الخبراء من خلال هذا الموقع www.kitco.com
بالنسبة للعملات أنا رأيى الشخصى بأرجح الاحتفاظ باليورو أضمن من الدولار بكثير .... ملاحظة هامة: على المدى البعيد قد تتغير الأوضاع السياسية الحالية اذا تولى رئاسة الولايات المتحدة شخص من الحزب الديموقراطى (أوباما أو هيلارى كلينتون) و قد يعاود الدولار الارتفاع و الذهب و البترول الانخفاض ولكن هذا كله مرهون بتطورات الأوضاع السياسية فى منطقة الخليج
انا مش هاشتري دهب دلوقتي
هاشتري عربية
و الدهب يبقى على شهر 5و للا 6 تكون جت فلوس تانية أو سعره اتظبط شوية
الاوضاع محيرة فعلا يا جماعة
انا اللي الا متوقعه بقي .. الدولار يثبت شويه .. عند ال 5,50 .. اليورو يغلي شويتين .. برميل النفط يعلي عن ال75 دولار و الدهب هايعلي شويه ..
ماتبصش لاقتصادنا الواقع بص لاقتصاد اوروبا و امريكا ...
أ_جندي معلش أنا ما أخدتش بالي من موضوعك,بس بجد شكرا على نصايحك بجد قيمة جدااااااااااا.
يا ريت كل فترة تقولنا اية الجديد تثقفنا اقتصاديا.وبجد شكرا
متهيالي بمجرد بوش ما يمشي ....ويجي اي حد غيرة ...الدولار هايبتدي يعلي تاني ...خصوصا ان الشعب الامريكي رافض مصاريف الحرب في العراق وايلي كانت احد اسباب انهاير الاقتصاد الامريكي...
اغلب الخبراء الاقتصاديين بيأكدوا علي ان امريكا مش من البلاد ايلي ممكن تنهار اقتصاديا في يوم وليلة وانها مرت بنفس التدهور دة في الثمانينات والازمة عدت ورجع الدولار يزيد...
عموما هو لو ثبت علي 5.5 يبقي كويس قوي...
فى مبدأ متعارف عليه فى مصر فى العشر سنين الاخيره
(الى بيغلى مبرخصش تناى)
الدولار غالبا هيففضل ينزل خصوصا قدام اليورو لان المركزي الامريكي عمال يخفض سعر الفايده عشان يحاول يمتص أثر ازمه الرهن العقاري اللي ودت معظم البنوك الامريكيه في داهيه و ادت لازمه حاده في السيوله لسه اثرها ممتد ,فلازم المركزي الامريكي يخفض سعر الفايده علشان يوفر سيوله للبنوك دي بتكلفه اقل,زائد ان ارتفاع سعر البترول بتغط في نفس الاتجاه.
عموما انصح اي حد عنده مركز شراء في الدولار انه يخفف شويه و يبدل بيورو خصوصا ان المركزي الاوروبي لسه مثبت الفايده.
على السيرة اية اخبار الحديد التسليح دلوقتى؟